ЯҢАЛЫКЛАР
Эзмә мәдәният йорты хезмәткәрләре балалар белән «Су безнең тормыш» исеме астында чишмәләргә культпоход оештырдылар. Су - гаҗәеп табигать бүләге. Җирдә бернәрсә дә сусыз яши алмый. Җир тирәнлегеннән чишмәләр өслеккә тере дымны чыгара. Экскурсия барышында балаларга чишмәләрнең әһәмияте, чишмә суының шифалы үзлекләре, аларга сакчыл мөнәсәбәтнең мөһимлеге һәм чишмәләрнең әйләнә-тирә мохиттә су тигезлегенең мөһим өлеше булуы турында сөйләделәр. Безнең көннәрдә чишмәләрне төзекләндерергә кирәк, аларны карарга кирәк, алар турында һәркем кайгыртырга тиеш. Экскурсия барышында балалар белән матур куаклар һәм агачлар шул ук шифалы су белән сугарылды. Чөнки кечкенә генә игелекле эш чишмәләр тирәсендә экологияне һәм табигатьне сакларга ярдәм итә.
Сабантуй мәйданына бүләк җыю йоласы төрле җирдә төрлечә аталып, төрлечә сакланып калса да, барыбыз да аны көтеп ала. Бәйрәмгә кайбер кешеләр әлеге йолада катнашу өчен генә дә махсус кайта.
4 июньдә Туктар авылы клубы мөдире, китапханәче балалар һәм авыл яшьләре белән бергә милли бәйрәмебез Сабан туена бирнә җыйдылар
8 июнь-Социаль хезмәткәр көне!
Салым түләүчеләр салым йөкләмәләренең үтәлеше турында электрон почта яки смс-хәбәрләрдә мәгълүмат ала алалар. Моның өчен Россия Федераль салым хезмәтенең 06.07.202020 ел, № ЕД-7-8/423@боерыгы белән расланган форма буенча бурычлар булу турында хәбәр итүгә ризалык җибәрү дә җитә. Ризалыкны салым түләүченең шәхси кабинетыннан тапшырырга, салым инспекциясенә кәгазьдә шәхсән, вәкил аша алып килергә, почта аша заказлы хат белән җибәрергә яки телекоммуникацион элемтә каналлары аша электрон формада тапшырырга мөмкин
Вакытыннан алда мәгълүмат бирү һәм пенсияне “бер хәрәкәт” белән билгеләү
Олы Арташ «Карлыгач» балалар бакчасында матур гадәткә әверелде. Быел ул тагын да күләмлерәк, эчтәлеклерәк һәм бик тә оешкан төстә узды. Мәйдан иртәдән үк балаларның шат авазларына күмелде. Кояш җылы нурлары белән күңелләргә бәйрәм кәефе өстәде.
Сабантуй булгач, милли уеннарсыз, күңел ачуларсыз буламыни ул?! Шуны гына көткәндәй, уеннар башлануын игълан итүгә үк, балаларыбыз мәйдан уртасына ашкынды. Кемдер тизрәк, авызында кашык белән йомырка куеп йөгерергә, кайсыдыр аркан тартышырга һәм чүлмәк ватырга алынды. Кыскасы, барысы да уен уйнап, аннан алган бүләккә шатланды. Бәйрәмебез күңелле җырлар, биюләр белән үрелеп барды. Олы Арташ «Карлыгач» балалар бакчасы мөдире Сайфуллина А.В. сүз алып, балаларны котлады, бүләкләр тапшырып узды, балаларга менә дигән бер бәйрәм, моннан тыш, милли йолаларыбызның сакланып калуы өчен дә зур бер чара әле ул дип искәртеп узды. Җәйнең беренче көне менә шулай балалар күңеленә гүзәллеге, яктылыгы белән кереп калды.
5 июнь көнне Тимершык, Кызыл-Мишә, Көек авылларында Сабантуйга бирнә җыю оештырылды. Борынгы бабаларыбыздан бүгенге көнгә кадәр сакланган бу күренеш һәркемнең күңелен дулкынландыра, яшьлеккә алып кайта. Халык аларны шатланып каршы ала, бүләкләр өләшә һәм балаларны татлы ризыклар белән сыйлый.
Сигезенче июньдә Россиядә социаль хезмәткәрләр һөнәри бәйрәмнәрен билгеләп үтә. Бүген, 8 нче июнь көнне, социаль хезмәткәр көнен йөзләрчә мең хезмәткәр билгеләп үтә, алар авыр тормыш хәлендә калган, ялгыз картлык, авыру, инвалидлыкмы ул, балаларны тәрбияләү белән авырлыклар булган кешеләргә булышалар.
Лесхоз интернат-йортында социаль хезмәткәр көненә багышланган бәйрәм чарасы узды. Үзенең сәламләү сүзендә интернат директоры Р.Р. Равилин хезмәткәрләргә намуслы хезмәтләре һәм фидакарьлекләре өчен рәхмәт белдерде - «Чөнки безнең һөнәрдә очраклы кешеләр юк һәм һәркем монда үз теләге белән эшли», - дип билгеләп үтте Рөстәм Равил улы.
7 нче июнь көнне «Сабантуй» мәдәният-спорт комплексында узган тантаналы чарада һөнәрнең иң яхшы вәкилләренә күпьеллык хезмәтләре һәм һөнәри осталыклары өчен Татарстан Республикасы Хезмәт, мәшгульлек һәм социаль яклау министрлыгының, Саба районы социаль яклау бүлегенең Мактау грамоталары һәм Рәхмәт хатлары тапшырылды. Саба районы администрациясе исеменнән социаль өлкә хезмәткәрләрен котлады һәм лаеклы бүләкләрен Кәримов Марат Рәшит улы тапшырды.
Хөрмәтле гражданнар! "Татарстан Республикасы Гидрометеорология һәм әйләнә - тирә мохитне күзәтү идарәсе" ФДБУНӘН килде:
Метеорологик күренешләрнең интенсивлыгы турында Консультация-кисәтү
18 сәгатьтән. 8 июнь 18 сәгатькә кадәр. 9 июнь 2022 ел.
2022 елның 9 июнендә Татарстан Республикасы территориясендә урыны белән төньяк-көнбатыштан исүче җилнең тизлеге секундына 15-17 метрга җитәргә мөмкин.
Татарстан Республикасы буенча Русия ГТХМ Баш идарәсе хәбәр итә: