Ел саен 6 июньдә Россиядә Пушкин көне билгеләп үтелә. Бөек рус шагыйре Александр Сергеевич Пушкинның әдәби иҗаты безне гомер буе озата бара. 7 июнь көнне Юлбат мәдәният йорты, китапханә хезмәткәрләре, Тенеки авыл клубы мөдире белән берлектә, Юлбат төп мәктәбенең «Хыял» мәктәп яны лагере балаларына «Пушкин көне» дип исемләнгән тарихи сәгать үткәрделәр.

Бүген Шәмәрдән 3 нче номерлы «Салават күпере» балалар бакчасында Халыкара дуслар көне бик күңелле узды. Дуслар - ул һәр кеше өчен якын кешеләр, шуңа күрә Халыкара дуслар көне нәкъ менә тормыш шартларына һәм төрле каршылыкларга карамастан, без үзебезнең дусларыбызга аларның безнең өчен ничек мөһим булуын искә төшерү максатыннан уйлап табылган.

Бу көнне барлык төркемнәрдә дә безнең бакчабызда тәрбияләнүче балалар белән төрле эшчәнлекләр оештырылды. Балалар С.Михалковның «Дуслар җыры», в. Сутеевның «Алма»  әсәрләре белән таныштылар. Әңгәмә барышында балалар фикер алышырга, сорауларга җавап бирергә, бер-берсе турында кечкенә генә хикәя төзергә өйрәнделәр. Саф һавада балалар, коллективны берләштерү максатыннан,  «Матур итеп әйт», «Дустыңны таны», «Тилгән һәм тавык», «Кичү»  уеннарын уйнадылар, «Без-дуслар» дигән физкультминутка өйрәнделәр. Белмәмеш өлкәннәр төркеме балалары белән күңелле конкурслар, уеннар, биюләр  үткәрде. Икенче кеченәләр төркемендә тәрбияләнүчеләр аппликация элементлары белән традицион булмаган рәсем ясау техникасында «Дуслык агачы»  дип исемләнгән коллектив эш башкардылар.Әлеге үткәрелгән чаралар балаларда игелек, дуслык, игелекле гамәлләр һәм тугры дуслар турында күзаллауларны формалаштыруга ярдәм итте.

  2022 елның 8 июнендә Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров Саба муниципаль районы Иштуган авыл җирлегенең Ж.р.бистәсендә гражданнарны күчмә кабул итү үткәрде.

Россиянең санитар-эпидемиология хезмәтенең 100 еллыгын бәйрәм итү алдыннан 9 июнь көнне «Татарстан Республикасында (Татарстан) гигиена һәм эпидемиология үзәге " федераль бюджет сәламәтлек саклау учреждениесенең Саба филиалы һәм Татарстан Республикасы буенча Роспотребнадзор идарәсенең Саба, Мамадыш, Кукмара, Теләче районнарында территориаль бүлеге хезмәткәрләре тарафыннан хәйрия ярминкәсе үткәрелде.

Ярминкәдә кулдан эшләнгән материаллар: картиналар, бәйләнгән әйберләр, чигү әйберләре, сувенирлар, камыр ризыклары тәкъдим ителде.

Ярминкәдә җыелган барлык акчалар Украинадагы хәрби конфликт аркасында зыян күрүчеләргә ярдәм итүгә тотылачак.

Татарстан Республикасы эшкуарлары үз бизнесларын алып барганда салым салуның патент системасын ешрак кулланалар. Бу махсус салым режимы бухгалтерлык исәбен алып бару һәм ПСН буенча салым декларациясен тапшыру буенча бурычлар булмау, түбән салым ставкасы, кайбер салымнарны түләүдән азат итү аеруча җәлеп итә. Россия Федерациясе Салым кодексы нигезендә Салым салуның әлеге системасын куллануга бәйле рәвештә түләнә торган салым суммасын иминият взносларына киметү мөмкинлеге каралган; ул кулланыла ала торган эшчәнлек төрләре исемлеге киңәйтелде һәм ваклап сату һәм җәмәгать туклануы өлкәсендә объектлар мәйданының иң чик күрсәткечләре арттырылды.

ГТО дөньясыннан төп яңалыклар

12 июньдә илебез дәүләт бәйрәмен — Россия көнен билгеләп үтә. Бу зур патриотик бәйрәм, милли бердәмлек һәм гражданлык дөньясы символы. Шушы бәйрәм уңаеннан Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе  белгечләре  балигъ булмаган балалар белән "Россия - минем Ватаным!" дип исемләнгән чара үткәрделәр. Әлеге чараны үткәрүнең максаты: үз Ватаныңа, илнең дәүләт символларына карата горурлык һәм хөрмәт хисләре тәрбияләү; Россия көненә күмәк аппликация эшләү; бәйрәм кәефе булдыру. Бәйрәм ахырында Россия көне символы буларак- тасмалар таратылды, истәлекле бүләкләр бирелде.

Автоном коммерцияле булмаган «Балкыш»-(Сияние)  тернәкләндерү үзәгендә, ЛФК инструкторы Гатауллина Г.Ш. тарафыннан социаль хезмәт алучыларга физик күнегү дәресләре уткәрелә.

8 июнь көнне "Бердәм Россия"нең "Яшь Гвардиясе" Бөтенроссия иҗтимагый оешмасының Саба җирле бүлекчәсе вәкилләре «Бердәм Россия"нең "Яшь Гвардиясе" Бөтенроссия иҗтимагый оешмасының Татарстан төбәк бүлекчәсенең ХІІІ хисап-сайлау конференциясенең 2 нче этабында катнаштылар. Конференция кысаларында оешма уставының яңа редакциясе кабул ителде, 2009-2022 нче елларда оешма эшчәнлегенә йомгак ясалды, шулай ук, төбәк штабының һәм региональ контроль-ревизия комиссиясенең яңа составы сайланды. Төбәк штабы составына янә өч елга Яшь Гвардия Саба җирле бүлекчәсе җитәкчесе Айнур Халиев сайланды.

         Айнур Рафиковичка эшендә уңышлар телибез!

8 июньдә Россиядә социаль хезмәткәр көне билгеләп үтелә. Социаль эш-ул кешеләр арасында элемтәләрне җайга салу сәнгате. Социаль өлкә хезмәткәре көне-һөнәри бәйрәм, ул мәрхәмәтлелек тапкан, хезмәт вазифасы буенча гына түгел, вөҗдан кушуы һәм күңел чакыруы буенча да игелек тудыра.