"Тургай" приютында социаль хезмәткәр көненә багышланган чара узды
8 июньдә Россиядә социаль хезмәткәр көне билгеләп үтелә. Социаль эш-ул кешеләр арасында элемтәләрне җайга салу сәнгате. Социаль өлкә хезмәткәре көне-һөнәри бәйрәм, ул мәрхәмәтлелек тапкан, хезмәт вазифасы буенча гына түгел, вөҗдан кушуы һәм күңел чакыруы буенча да игелек тудыра.
Саба муниципаль районындагы «Тургай» балалар һәм яшүсмерләр өчен приютында социаль хезмәткәр көненә багышланган чара узды. «Тургай» приюты - авыр тормыш хәлендә калган балалар өчен Өмет, иман һәм игелек утравы. Аларның һәрберсе өчен приют, кыска гына вакыт эчендә генә булса да, туган йортына әверелә.
Авыр йөк приют хезмәткәрләре җилкәсенә төшә - чөнки нәкъ менә алар үзләренең кайгыртучанлыгы һәм игътибары белән, ә кайчагында авыр тормыш хәлендә калу, якты киләчәккә өметне ныгыту мөмкинлеге бирә. Приют директоры Асанова Алинә Кәшип кызы, коллективны котлап, һәр хезмәткәрнең өйдә һәрвакыт тулы касә булуын, оптимизм очкыннары беркайчан да сүнмәвен теләде һәм хезмәткәрләргә намуслы хезмәте һәм фидакарьлеге өчен рәхмәт белдерде.
Шулай ук приют директоры һәм Саба муниципаль районы социаль яклау бүлеге начальнигы Гайнетдинова Лилия Нургаян кызы озак еллар дәвамында хезмәт куйган һәм һөнәри осталыклары өчен һөнәр ияләренең Мактау грамоталары һәм Рәхмәт хатлары белән билгеләп үттеләр. «Тургай» приютында 2003 елда приютка нигез салучыларның берсе булган хөрмәтле Сабитов Әнәс Нуриевич янында булдылар. Әнәс Нуриевич үзенең хатирәләре белән уртаклашты, узган еллардагы фоторәсемнәр дә каралды. Легендар җитәкче тәҗрибәсенә таянып, приютыбыз үсүен дәвам итә.