ЯҢАЛЫКЛАР
Тимершык авыл җирлегендә тирә якны төзекләндерү эшләре ел дәвамында алып барыла. Үләннәрне чабу эшен «Тимершык урта гомуми белем бирү мәктәбе» МББУ укучылары башкара.
Шушы көннәрдә Тимершык авылында тирә якка куркыныч тудыручы һәм электр чыбыкларына комачаулап үсүче зур агачлар өлешчә киселеп, чистарту эшләре алып барылды.
Яңалыкларны яратмаган кеше бармы? Әлбәттә, юк. Без барыбыз да бик кызыксынабыз. Безне кызыксындырган барлык яңалыклар турында газета-журналлар сөйли. Шәмәрдән балалар китапханәсендә «Дөньядагы бар нәрсә турында журнал һәм газетада» вакытлы матбугат көне узды. Бу көнгә шул ук исемдәге күргәзмә оештырылды. Күргәзмә өчен вакытлы матбугат төрле яшь категорияләрендәге кулланучыларның укучылар ихтыяҗларыннан һәм мәнфәгатьләреннән чыгып сайланды.
3 июль көнне Тимершык авылында яшәүче Вафин Миннемеһәмәт Хаҗи улы 90 яшьлек туган көнен билгеләп узды. Аны Тимершык авыл җирлеге башлыгы Хаҗиев А. Х., “Саба” ҖЧҖнең “Тимершык” филиалы исеменнән Мөхәмәтҗанов Д.В. котладылар һәм бүләкләр тапшырдылар. Алга таба да кәдер, хөрмәттә яшәвен телибез.
Сәламәтлек мәктәбе.
9 июльдә Лесхоз мәдәният йорты хезмәткәрләре, китапханәче белән берлектә, балалар арасында велоузыш оештырдылар. Чараның төп максаты-балачактан сәламәт яшәү рәвешен пропагандалау, шулай ук безнең Лесхоз бистәсе халкы арасында велосипед спортын популярлаштыру. Бүген урамда без велосипедларга караганда күпкә күбрәк машиналар күрәбез, һәм бу бик күңелсезләндерә. Бу картинаны үзгәртү өчен балачактан ук велосипедка мәхәббәт тәрбияләргә кирәк. Һәм бер матур, кояшлы көнне балалар арасында "җилдән тизрәк" дип аталган велоузыш оештырырга карар керттек. Бу матур һава торышын уңай карашлы кунаклар һәм чарада катнашучылар тулыландырды. Барысы да ярышта бик теләп катнаштылар. Мавыктыргыч ярышларда катнашучыларга бүләкләр, ә җиңүчеләргә өстәмә призлар тапшырылды.
9 нчы июль көнне Шәмәрдән зонасында Саба муниципаль районы чемпионатының хатын - кызлар арасында пляж волейболы буенча уеннар тәмамланды.
2024 елның 1-7 июлендә "Сәләт" XIII халыкара яшьләр белем бирү форумының икенче сменасында Биләр дәүләт тарихи-археологик музей-тыюлыгы территориясендә "Иҗат Биләр Форум"ы узды, ул 2018 елдан Татарстан Республикасы Рәисе Рөстәм Нургали улы Миңнеханов ярдәме белән уздырыла.
"Яшьләр спортны сайлый" дигән исем астында 5 июньдә Язлы Арташ АК ында яшьләр өчен спорт-уен программасы узды. Чараның максаты - сәламәт яшәү рәвешен пропагандалау, яшьләрне физик культура һәм спорт белән шөгыльләнүгә җәлеп итү. Алар физкультура, спорт, дөрес туклануның файдасы турында әңгәмә тыңладылар. Чара күңелле һәм шаян килеп чыкты, ләкин иң мөһиме-ул бик күп шатлык һәм уңай кәеф китерде.
Элек сатып алынган сыйфатсыз медицина препаратлары өчен компенсация сылтавы белән кылынган алдаулар (БАДлар биологик актив өстәмәләр).