ЯҢАЛЫКЛАР
Библиотерапия кеше психикасына махсус сайлап алынган әдәбият уку юлы белән дәвалау тәэсиреннән гыйбарәт. Кешенең шәхси образларын тулыландыруы аркасында, ул шулай итеп борчылулардан, начар уйлардан савыга.
31 июль көнне Лесхоз өлкәннәр һәм инвалидлар интернат-йортында тәрбияче җитәкчелегендә социаль хезмәт алучылар белән берлектә библиотерапия үткәрелде.
Агымдагы елның 1 июленнән бюджет оешмаларында эшләүчеләрнең хезмәт хаклары арту сәбәпле, Үзәкләштерелгән бухгалтерияның хезмәт хакларын түләү бүлегендә эш кайнады. 76 оешманың хезмәткәрләре аванс һәм хезмәт хакларын вакытында алсыннар өчен бухгалтерлар эшне тиз арада башкардылар.
31 июльдә без Яраткан китапларны искә алу көнен билгеләп үтәбез. Бу көн безгә яратып укыган әсәрләрне кабат искә төшерү өчен менә дигән мөмкинлек булып тора. Бу дата алдыннан, 30 июль көнне, Югары Шытсу авыл китапханәсендә "Яраткан китабың турында сөйлә" дип исемләнгән аралашу сәгате үткәрелде, аның максаты яшь китап укучыларның яраткан китаплары белән танышу иде.
30 июль көнне Килдебәк авыл китапханәсе мөдире, авыл мәдәният йорты хезмәткәрләре белән берлектә, Халыкара дуслык көненә багышланган «Син минем дустым һәм мин синең дустың»дигән әдәби-уен викторинасы үткәрде.
"Әдәби алан" проекты үз эшен дәвам итә. Шул уңайдан 30 июль көнне Иштуган авыл китапханәсе “Әдәби алан" исемле танып-белү сәгате үткәрде.
Саба район китапханәсенең “Иманга илткән юл” проекты кысаларында 30 июль көнне Шәмәрдән балалар китапханәсе "Диндә һәр сорауга җавап бар" дип исемләнгән вәгазь кичәсе оештырды.
30 июль көнне ТР Сынлы сәнгать музее хезмәткәрләре районыбызда һөнәрчелекнең һәм кул эшләренең хәзерге хәлен ачыклау максатында Кече Шыңар мәдәният йортында булдылар. Җыелган материаллар буенча 2025 елда Казан шәһәрендә күргәзмә оештырылачак. Кече Шыңар мәдәният йорты, китапханә, Оет авыл клубы хезмәткәрләре кунаклар өчен киез итек кию һәм кәҗә мамыгыннан шәл бәйләү буенча мастер-класслар оештырдылар. Безнең төбәкләр элек-электән шушы һөнәрләр белән дан тотканнар, экспедиция членнарына сөйләрлек һәм күрсәтерлек нәрсәләр күп иде.
Өйнең матурлыгы бусагадан башлануы һәркемгә билгеле. Ә үз тирәбездә матурлыкны теләсәк, үзебез булдыра алабыз. Саба муниципаль районының халыкка социаль хезмәт күрсәтү үзәге “Балкыш” территориясен төзекләндерү күркәм традициягә әверелде. Нәкъ менә шуңа күрә учреждение территориясе хезмәткәрләр тырышлыгы белән искиткеч матур була. Якты чәчәк түтәлләре, каралган территория халыкка социаль хезмәт күрсәтү үзәгенә килүчеләргә һәм хезмәткәрләргә уңай йогынты ясый.
2024 елның 31 июле 21.00 сәгатьтән 1 август 18.00 сәгатькә кадәр
метеорологик күренешнең интенсивлыгын кисәтү турында консультация.
Татарстан Республикасы территориясендә һәм Казанда урыны белән :
- 1 августта төнлә һәм көндез яшенле яңгыр, секундына 15-20 метр тизлектә көчле җил:
- көндез көчле яңгыр, локаль рәвештә боз явуы көтелә.