ЯҢАЛЫКЛАР
Хөрмәтле җитәкчеләр, сезне 2024 елның 28 августында 16.30 сәгатьтә Байлар Сабасы мәдәният йорты бинасында, Г.Закиров ур., 27 йортта узачак гражданнар җыенына чакырабыз.
Саба урман хуҗалыгы тарихы музеенда Кукмара районы "Ак калфак" җәмгыяте вәкилләре кунак булды. Алар урманчыларыбызның урман хуҗалыгын алып бару, илнең яшел алтынын саклау һәм арттыру өлкәсендәге казанышларына, халкыбызның тормыш-көнкүрешенә чын күңелдән сокландылар, ә экскурсиядән соң кунаклар теләкләр китабында истәлекле язмалар калдырдылар.
27 августта Лесхоз мәдәният йорты хезмәткәрләре Кече Кибәче һәм төбәк авыл клублары оештырган балалар төркеме өчен "Тылсымлы кыңгырау" туристик маршруты буенча чираттагы экскурсия үткәрделәр.
Сабабаш авылында үзара салым программасы буенча юл төзекләндерү эшләре алып барыла. 213 метр юл асфальтланды.
Саба туган якны өйрәнү музеенда бинаны капиталь ремонтлау эшләре дәвам итә. Янгынга каршы системаны, яктырту приборларын көйләү, шулай ук җылыту радиаторлары рәшәткәләрен урнаштыру эшләре алып барыла.
Хәзерге вакытта Казанчы - Бигенәй авылы зиратында яңа буыннар өчен тарихи хәтер булган Ишан кабере төрбәсе саклана. Уналты метр чамасы мәйданны биләгән кабер табигый таш койма белән әйләндереп алынган.Ул үзен ислам нигезләрен, шәригать кануннарын яхшы белгән шәхес итеп таныта, аның тагын бер күркәм сыйфаты - ул оста дәвалаучы да була. Вәлиәхмәт Галимов турындагы дан бик тиз бөтен тирә-якка тарала. «Туган якны өйрәнүчеләр» клубында катнашучылар өчен Ишан кабере төрбәсенә экскурсия оештырылды, шулай ук аның тормышы турында да мәгълүмат бирелде.
26 август көнне Сабаның "Шоколад" балалар бакчасында тәрбияләнүче кызлар якташыбыз ТР халык артисты Айгөл Барееваның Галиәсгар Камал исемендәге театрда узган юбилей кичәсендә катнаштылар.
Шәмәрдән-2гә яңа трассаны тоташтыру сәбәпле, бүген 28 августта Шәмәрдән-2, Шәмәрдән-3, Кырбаш авылларына иртәнге 9 дан эшләр тәмамланганчы су белән тәэмин итү өзеләчәк. Уңайсызлыклар өчен гафу үтенәбез һәм эчәргә яраклы су туплавыгызны сорыйбыз.
Балаларның җәйге каникуллары дәвам итә. Без аларның ялын кызыклы һәм файдалы итәргә тырышабыз. Шушы максат белән, 24 август көнне Олы Нырты авыл мәдәният йорты хезмәткәрләре, коллегаларыбыз белән берлектә, туристик маршрут оештыруда катнаштылар. Дендрология бакчалары-үсемлекләрнең махсус коллекцияләрен булдыру, үсемлек дөньясының күптөрлелеген баету, шулай ук фәнни, укыту һәм агарту эшчәнлеген гамәлгә ашыру керә торган табигать саклау учреждениеләре. Анда без 524 төр агач-куак үсемлекләре һәм җиләк-җимеш культуралары, үлән чималын эшкәртү цехы, тропик һәм субтропик үсемлекләр оранжереясы һәм әкиятләр белән бәйле территорияне, шулай ук урманнарда күрергә мөмкин булган урман җәнлекләре скульптураларын карадык. Экскурсия бик кызыклы булды.
27 августта Олы Нырты мәдәният йорты хезмәткәрләре Татарстан Республикасы көнен бәйрәм итүгә кушылдылар. Чара безнең Татарстан Республикасына багышланды, анда теләге булган һәркем «Татарстан минем Республикам» патриотик сәгатенә кушыла алды. СВО катнашучысының улы Абдреев Сәид белән әңгәмә үткәрелде. Ул әтисенең сөйләгәннәре белән уртаклашты, аның фотосурәтләрен һәм хатларын күрсәтте. Балалар Сәидне аеруча игътибар белән тыңладылар һәм сораулар бирделәр. Шулай ук балалар белән бергә Татарстан Республикасы көненә багышланган «Кроссворд» уены да үткәрелде. Яраткан илебезгә һәм Республика көненә мөнәсәбәт яшьләрдә мәдәният хезмәткәрләре ярдәмендә формалаша. Егетләр үз илен белергә, яратырга һәм аның белән горурланырга тиеш! Кроссвордлар ярдәмендә балалар республикабыз турында күбрәк белделәр: символика, истәлекле урыннар, тарих турында.