ЯҢАЛЫКЛАР
Ел саен 25 сентябрьдә барлык комикс сөючеләр Милли комикслар көнен билгеләп үтәләр. Хәзерге вакытта балалар һәм яшүсмерләр арасында әлеге әдәби жанр зур популярлык казана бара. Шул уңайдан Шәмәрдән авыл китапханәсендә «Китапханәчә Сomic Com: комикслар дөньясы» китапханә навигаторы оештырылды, анда балалар төрле комикслар белән таныша алдылар.
20-22 сентябрь көннәрендә Мари Эл Республикасы мәктәп урманчылыклары хәрәкәтенең 55 еллыгына багышланган мәктәп урманчылыкларының төбәкара слеты узды.
24 сентябрь көнне Тимершык мәдәният йортында "Маленькие чудеса моего сада" Кабак бәйрәме үткәрелде. Аны мәдәният йорты һәм китапханә хезмәткәрләре оештырды. Бәйрәмдә өлкән буын актив катнашты. Алып баручылар кабакның файдалы булуы, аның йомшагында күпме витамин, шикәр һәм хәтта май булуы, шулай ук кабакның кыйммәтле дару үсемлеге булуы турында сөйләделәр. Алар өчен төрле уеннар, конкурслар үткәрелде, алар күңелле җырлар, табышмаклар чишү белән үрелеп барды. Кабак күргәзмәсе ясалды. Кунаклар бәйрәмгә буш кул белән килмәделәр – чын кабак мәҗлесе оештырдылар, чара чәй эчү белән тәмамланды, чарада катнашучылар кабак әзерләүнең кулинария рецептлары белән уртаклаштылар.
21 сентябрьдә Халыкара тынычлык көнен бәйрәм итү хөрмәтенә Олы Кибәче авыл китапханәсе мөдире Халыкара тынычлык көненә багышланган “Без терроризмга каршы” әңгәмәсе үткәрде. Әңгәмәнең максаты укучыларга Халыкара тынычлык көне турында хәбәр итү, безнең төбәктә тынычлыкны саклап калуга багышланган гамәлләргә рухландыру, ватанпәрвәрлек тәрбияләүгә, теләктәшлек хисләренә, дөньяда барган вакыйгаларга бәйләнештә торуга ярдәм итү иде. Әңгәмә үткәреп, китапханәче әлеге көннең барлыкка килү тарихы һәм бәйрәм символы - тынычлык гәүдәләнеше булган күгәрчен турында сөйләде.
Олы Шыңар авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Олы Шыңар авылы Кооператив урамында чокырларны ремонтлау башкарылды. Юл ремонтлау эшләрен «Рамазан» ААҖ оешмасы башкара.
Бүген Лесхоз интернат-йорты коллективы кухня хезмәткәре Галимуллина Зөлфияне 50 яшьлек юбилее белән котлады.
Бу көн үзенчәлекле, чөнки ул кеше тормышында мөһим этапны алып тора. 50 ел-еллар буе тупланган тәҗрибә һәм зирәклек чын хәзинәгә әйләнгән вакыт.
Шушы ярты гасыр эчендә кеше күп санлы сынаулар, шатлыклар һәм кайгылар аша уза, уңышларга ирешә һәм уңышсызлыклар кичерә. Ләкин болар барысы да аны бүген — көчле, үз-үзенә ышанган һәм уңышлы кеше итә.
Тормышның матур төсләр, кызыклы очрашулар һәм онытылмас тәэсирләр белән тулы булуын телибез. Һәр көн яңа мөмкинлекләр китерсен һәм яңа офыклар ачсын.
Лесхоз мәдәният йортында рус бильярды буенча ачык турнир дәвам итә