ЯҢАЛЫКЛАР
Метеорологик күренеш интенсивлыгы турында консультация-кисәтү
2022 елның 10 марты сәгать 00дан сәгать 10га кадәр.
Татарстан Республикасы территориясендә 2022 елның 10 мартында төнлә һәм иртән урыны белән һава температурасы -26 градуска кадәр төшәр дип көтелә.
Татарстанлылар пенсия күләме турында белешмәне читтән торып сората алалар
4 март көнне Юлбат мәдәният йорты, китапханә хезмәткәрләре, Тенеки авыл клубы белән берлектә, әбиләребезнең әзерләгән татар халык ашларының үзенчәлеген өйрәнеп, көндәлек табыныбызны милли ризыклар белән баету максатыннан, «Ак калфак» клубы әгъзалары белән «Тәмле табын серләре» дигән түгәрәк өстәл артында халык ашлары серләре белән уртаклаштылар. Төрле конкурслар үткәрелде, алар концерт номерлары белән үрелеп барды. Чара чәй өстәле артында тәмамланды. «Тәмле табын серләре» - китап күргәзмәсе, «Минем пешерү серләрем» - тематик күргәзмә оештырылды.
8 март көнне Олы Нырты мәдәният йортында Урта Нырты авыл клубы хәм китапханә катнашында, Халыкара хатын-кызлар көне уңаеннан “ Язлар матур хатын –кызлар белән” дигән бәйрәм кичәсе оештырылды.
8 Март бәйрәме уңаеннан, Олы Нырты авыл мәдәният йорты һәм Урта Нырты авыл мәдәният йорты хезмәткәрләре -"Кулинар БАТЛ» дип исемләнгән бәйрәм чарасы оештырдылар.
5 март көнне авыл җирлекләре командалары арасында хоккей буенча район чемпионатында җиңүчеләрне бүләкләү булды. Шекше авыл җирлеге командасы Саба муниципаль районы чемпионатында 2 нче урынны яулады.
8 март көнне Иштуган авыл мәдәният йорты һәм китапханә белгечләре кызлар өчен «Чәчкәйләрем озын-озын» дип исемләнгән конкурс үткәрделәр. Конкурс «Визит карточкасы»ннан башланды. Кызлар үзләре һәм мавыгулары турында сөйләделәр. Алга таба озын чәчләрдә гадәти булмаган прическалар ясау өстендә «эшләделәр", интеллектуаль конкурста көч сынаштылар, кул эшләренә осталыкларын күрсәттеләр, калфак бизәделәр Конкурста катнашучылар чәчләрне карау кагыйдәләре турында сөйләделәр, үзләре файдалана торган кызыклы халык рецептлары белән уртаклаштылар. Конкурсның соңгы этабында кызларга яулыкларны оригиналь бәйләргә, бу ысулның ничек аталуы турында сөйләргә туры килде .Чарада катнашучылар барысы да зирәклек, тапкырлык, күпкырлы талант, осталык һәм әлбәттә ,озын, матур чәчләре белән сөендерделәр .Бәйге бер сулышта узды .Һәр этаптан соң жюри бәя куйды. Кызларга истәлекле бүләкләр тапшырылды.
Әни – һәр бала өчен иң якын , туган һәм кадерле сүз . 8 Март-Халыкара хатын-кызлар көне уңаеннан Олы Нырты авыл китапханәсе мөдире балалар өчен «Минем әнием-иң яхшысы һәм матур» дип исемләнгән рәсем конкурсы һәм шигырь уку сәгате үткәрде
Татарстан Республикасы сәнәгать һәм сәүдә министрлыгы хәбәр иткәнчә, 2022 елның 15 мартында 10.00 сәгатьтә Татарстан Республикасы товар җитештерүчеләре белән «Леруа Мерлен» сәүдә челтәре конференциясе узачак.
«5» нче март көнне Эзмә авыл җирлегендә Кышкы спартакиада уеннары үткәрелде. Спорт бәйрәмен Саба муниципаль районы Башлыгы урынбасары Закирҗанов Р.Р. ачып жибәрде. Чаңгы ярышлары тәмамланганнан соң, бүләкләү тантанасында Саба муниципаль районы Башкарма комитеты Җитәкчесе М.Р. Ишниязов катнашты. Иганәчеләр Эзмә авыл җирлеге, ҖЧҖ «Игенче», КФХ Әхмәтов Р.Г., ҖЧҖ «Сабинская ПМК Мелиорация», ҖЧҖ «Саба җитен», ШЭ Мәүлетов А.Х., ШЭ Зарипов А.М., ШЭ Әхмәтов В.Г., ШЭ Габдрахманова Ч.И. Ярышлар программасына волейбол ярышы, канат тартышу, чангы ярышы, хоккей уены кергән иде. 200гә якын спортчы уеннарда катнашты. Барлык килгән катнашучыларны һәм кунакларны кайнар пылау, коймак, чәй тәм-томнары белән ҖЧҖ «Игенче», КФХ Әхмәтов Р.Г., ҖЧҖ «Сабинская ПМК Мелиорация» оешмалары бушка сыйлады.