ЯҢАЛЫКЛАР
Лесхоз урта гомуми белем бирү мәктәбе укучылары Лесхоз бистәсендә ТР Янгынга каршы хезмәтнең аерым постында булдылар
28 апрельдә Лесхоз мәдәният йорты хезмәткәрләре һәм китапханәче туган тел көненә һәм Габдулла Тукайның тууына 138 ел тулуга багышланган чара үткәрделәр...". Әлеге чарада балалар шагыйрьнең биографиясе һәм иҗаты белән таныштылар, аның тормышыннан кызыклы фактлар белделәр. Аның шигырьләрен кызыксынып тыңлыйлар, аларда берничә буын тәрбияләнә: әниләр һәм әтиләр, бабайлар һәм әбиләр, хәтта дәү әбиләр һәм бабайлар. Балалар шагыйрьнең шигырьләрен укыйлар, табышмакларны чишәләр, викторина сорауларына җавап бирәләр, шагыйрьнең укыган әсәрләре турында фикер алышуда катнашалар. Ахырда татар халкының гимны булган "Туган тел" җырын башкардылар. Габдулла Тукайның татар халкы өчен әһәмияте зур. Аның әсәрләре татар, рус һәм илнең башка күп кенә милли телләрендә зур тираж белән басыла. Шагыйрь үз халкы янында, бөтен күпмилләтле Россия халыклары белән бергә яшәвен дәвам итә.
Саба балалар сәнгать мәктәбенең хореография бүлеге дә 27.04.2024 көнне һәр ел кебек үк, традицион рәвештә "Бию калейдоскопы!" дип аталган төрле стильдәге бию кичәсе оештырды. Кичә бию конкурсы формасында узды, шуңа күрә хореография бүлегенең укытучылары Мөбарәкҗанова А.З. һәм Ахметшина З. Р. барлык укучылары концерт номерлары әзерләделәр.
Шунысы игътибарга лаек, хореография бүлегенең 4-5 сыйныф укучылары үзләре куйган биюләрен күрсәттеләр. Алар үзләре музыкаль материалны сайлап алдылар, бию идеясен, сюжет, костюмнар, реквизитлар уйлап таптылар, репетицияләр уздырдылар. Сәхнәгә куелган биюләрнең тематикасы төрле иде: халык, стильләштерелгән, заманча, балалар биюләре... Биюләрне компетентлы жюри бәяләде, аның составына тәҗрибәле педагог - хореографлар бар иде. Чыгышлар нәтиҗәләре буенча җиңүчеләр билгеләнде һәм 1-2-3 дәрәҗә лауреат дипломнары белән бүләкләнде. Гран-Прига 5 класс укучылары "Тау битендә" биюе өчен лаек булды.
2024 елның 28 апрелендә Н.В. Худын исемендәге "Вятские вырутасы" төбәкара бию фестиваль-бәйгесе үткәрелде.
Бәйге Вятские Поляны шәһәренең "Победа" мәдәният сараенда уздырылды. Гала концертта катнашу өчен 1 нче сайлап алу туры җиңүчеләре чакырылды. Хөснулла һәм Аллаһияр Вәлиуллиннар исемендәге Саба балалар сәнгать мәктәбеннән "Яшьлек" хореография коллективы һәм "Мизгел" төркеме катнашты (укытучылары Мубаракзянова А. З.).
Бәйге нәтиҗәләре:
"Яшьлек" хореография коллективы "Мизгел" төркеме - 1 дәрәҗә лауреаты,
"Яшьлек" хореография коллективы - 2 дәрәҗә лауреаты.
26 апрельдә яраткан татар шагыйре Габдулла Тукайның туган көне билгеләп үтелә
Ел саен без Габдулла Тукайның туган көнен билгеләп үтәбез
Миннулла Гариф улы Гарипов 1934 елның 14 апрелендә Саба районы Түбән Шытсу авылында дөньяга килгән. Балачагы авыр сугыш елларына туры килгәнлектән, ачылык-ялангачлык аны да читләтеп үтми. 1948 елда Түбән Шытсу мәктәбендә 7 сыйныфны тәмамлап, колхозда эшли башлый. 1952 елда армия сафларына алынып, 4 ел Үзбәкстанның Фирганә шәһәрендә солдат хезмәтен үти. Аннан шофер белгечлеге алып кайтып, бөтен гомерен туган колхозында әлеге хезмәткә багышлый. 1960 елда Рәхимә Гата кызы белән гаилә корып, дүрт бала – Мөнир, игезәкләр Илшат-Илһам, Эльмира исемле кыз-уллар тәрбияләп үстерәләр. Миннулла Гариф улы хуҗалыкның булдыклы, тырыш, алдынгы шофер буларак абруй казана. "Беренче Май" колхозы рәисенең машина йөртүче булып эшләп, 1994 елда лаеклы ялга чыга. Эшләү дәверендә күпсанлы Мактау грамоталары белән бүләкләнә. Тормыш иптәше Рәхимә ханым гомер буе Түбән Шытсу фельдшер-акушерлык пункты мөдире булып халыкка игелекле хезмәт күрсәтә. 2017 елда бакыйлыкка күчә. Бүгенге көндә уллары Мөнир Казанда, Илшат, Эльмира Сабада, Илһам Теләчедә яшәп, төрле өлкәләрдә намуслы хезмәт куялар. Миннулла Гарипов авылда дини кануннарны башкарып хөрмәт казанган мөхтәрәм кешеләрнең берсе дә. Бүгенге көндә балалары тәрбиясендә бәхетле картлык кичерә. Ун оныгы, җиде оныкчыгы бар.