ЯҢАЛЫКЛАР
Олы Кибәче авыл җирлегендә Саба районы комиссиясе кече КФХ һәм шәхси җир хуҗаларының авыл хуҗалыгы җирләрен карады. Алар чәчүлек һәм печән җирләрен карап, торышына бәя бирделәр. 19 җир хуҗасына җирләрен бозып, яңадан чәчәргә тәкъдим ителде.
Явлаштау авыл җирлегендә тирә якны төзекләндерү эшләре ел дәвамында алып барыла. Хәзерге вакытта үләннәрне чабу эшләре башкарыла
19нче июнь конне, Лесхоз өлкәннәр һәм инвалидлар өчен интернат- йортында җитәкчелегендә скандинавия йореше чарасы уздырылды.
Бу спорт төре организмны кислород белән ныграк баетырга ярдәм итә. Саф һава иммунитетны һәм йөрәк , кан тамырлары системасын ныгыта.
Сабаның 3 нче номерлы «Шоколад» балалар бакчасының зурлар төркеме балалары Лесхоз бистәсендәге дендрология бакчасына юнәлделәр. Аларның көне якты тәэсирләр һәм ачышлар белән тулы булды.
"Хәтер шәме - 22 июнь"мемориаль акциясе
Бүген Олыяз "Чәчкә" балалар бакчасында мавыктыргыч Сабын куыклары көне узды!
Хөрмәтле Саба шәһәр җирлегендә яшәүчеләр!
«Авыл яши» проекты кысаларында, 18 июнь көнне Шәмәрдән авыл китапханәсе «Дуслык» клуб берләшмәсе хатын-кызлары өчен «Бер очрашу үзе бер гомер» дигән очрашу кичәсе үткәрде. Очрашуга Садыкова Винера Рибус кызы чакырылган иде. Ул 39 ел Шәмәрдәннең беренче номерлы “Әкият” балалар бакчасында музыка җитәкчесе булып эшли. Хәзергесе вакытта ул лаеклы ялда. Эшләгән эшенең нәтиҗәсе буларак аңа “Атказанган мәдәният хеәзмәткәре” дигән исем бирәләр. Чара барышында ул үзе белән булган кызык хәлләрне искә алды, бер кемгә дә күңелсезләнеп утырырга ара калдырмады. Җырлатты, чарага килгәннәрне төрле образларга кертеп уйнатты. Кыскасы үз эшенең остасы булган Винера Рибус кызы беркемне дә читтә калдырмады. Аңа безнең чарабызга килеп күңелләрне күтәреп киткәне өчен зур рәхмәтебезне белдерәбез.
Районыбызда 27 нче майдан 18 нче июньгә кадәр 19 мәктәптә мәктәп яны сәламәтләндерү лагерьлары эшләде, аларда 1031 укучы ял итте, шулай хезмәт һәм ял лагерларыда 150 укучы хезмәт куйды.