ЯҢАЛЫКЛАР
Сатыш исемендәге урта гомуми белем бирү мәктәбендә хәрби-патриотик айлык кысаларында. Ш.З. Зиннурова роталар арасында ярышлар уза. Яшүсмерләр командалары арасында гәүдә тарту һәм волейбол буенча ярышлар узды. Хәрби-патриотик айлык һәм "Аҗаган" уеннары кысаларында 1 һәм 2 рота кызлар командалары арасында уен булды. Хәрби-патриотик айлык-ул балаларга үзләрен физик һәм мораль яктан Ватанга хезмәт итүгә әзерләнергә мөмкинлек бирә торган бик яхшы инициатива. Егетләр арасында тартылу һәм волейбол ярышлары, шулай ук кызлар арасында "Аҗаган" уены коллективизм, җаваплылык һәм дисциплина хисләрен үстерергә ярдәм итә.
14-15 нче февраль көнне Сатыш авыл җирлегендә дә “Россия чаңгы юлы 2026” – “Татарстан чаңгы юлы 2026” акциясе кысаларында чаңгы ярышы үткәрелде. Ярышта авыл халкы, мәктәп укучылары, укытучылар, мәдәният йорты һәм авыл клубы хезмәткәрләре актив катнашты.
Беренче Сатыш мәктәбенә беренчеләрдән булып Саба җирле хәрәкәтенең җитәкчесе, авыл җирлеге башлыгы Шәфигуллин Фаил Фахим улы белән берлектә Әфган сугышында катнашкан ветераннар янына бардылар. Визит барышында якынлашып килүче истәлекле дата уңаеннан җылы котлаулар тапшырылды, карны чистартуда ярдәм күрсәтелде һәм хезмәтләре өчен тирән рәхмәт белдерелде.
Саба муниципаль районының «Балкыш» тернәкләндеру булегендә шэфкать туташы массаж курслары үткәрә.
Ватанны саклаучылар көне алдыннан приютта "Ватанны саклаучылар көненә открыткалар"акциясе оештырылды. Балалар күңел җылысы белән, иҗади яктагн якын килеп открыткалар ясадылар.
Шулай ук «Компьюшка» түгәрәгендә башлангыч класс укучылары Ватанны саклаучылар көненә магнитиклар ясадылар. Балалар рәсемнәрне мөстәкыйль сайларга, документка куярга һәм принтер аша бастырырга өйрәнделәр. Бу аларга иҗатларын үстерергә һәм мөһим бәйрәм белән танышырга ярдәм итте.
Саба район үзәк китапханәсендә “Мишә дулкыннары” берләшмәсенең Илнур Ибраһимов иҗатына багышланган “Язмышымнан бүләк” дип исемләнгән чара үткәрелде. Чараны Саба үзәкләштерелгән китапханәләр системасы директоры Билалова Ләйсән Рәкыйп кызы үзенең җылы сүзләре һәм изге теләкләре белән ачып җибәрде. Ул үз чыгышында җирле авторларның иҗатын халыкка җиткерүнең мөһимлеген һәм мондый очрашуларның тәрбияви әһәмиятен билгеләп үтте. Илнур Ибраһимов үзенең шигърияткә ничек килүе, беренче шигырьләре һәм иҗат дөньясының серләре белән уртаклашты. Авторның шигырьләрендә туган якка мәхәббәт, тормышның тирән мәгънәсе һәм кеше язмышы турындагы фәлсәфи уйланулар аеруча ачык чагыла. Шигърият һәм көй бергә үрелеп барган бу кичәдә авторның сүзләренә иҗат ителгән җырлар да яңгырады. Районыбыз җырчылары Ленур Биктимеров һәм Зөлфәт Саматов башкаруындагы моңлы җырлар тамашачыларның күңеленә үтеп керде, чарага аеруча тантаналы һәм шул ук вакытта дустанә төсмер өстәде. Китапханә хезмәткәрләре дә читтә калмады: алар авторның эчтәлекле, күңелгә үтеп керерлек шигырьләрен сәнгатьле итеп укып, фикерләрен җиткерделәр. Чарада катнашучылар да авторның иҗатына югары бәя бирделәр, теләкләрен белдерделәр. Кичә бик җылы, ихлас һәм дустанә мохиттә узды. Мондый очрашулар күңелләргә рухи азык бирү белән бергә, әдәбиятка, туган телгә булган мәхәббәтне тагын да арттыра.
Үзәк китапханәдә “Мин кулыма китап алам” проекты кысаларында, Саба гимназиясенең 6 “Б” сыйныф укучылары өчен “Герой- шагыйрь Муса Җәлил” дип исемләнгән интеллектуаль- әдәби уен үткәрелде. Уен 5 өлештән торды: “М.Җәлилнең тормыш юлы”; “М.Җәлил иҗаты”; “М.Җәлил шигырьләрен беләсезме?”; “Сез игътибарлымы?”; һәм “Серле сандык”. Укучылар бер дә сынатмадылар, актив катнашып, биремнәргә дөрес җавап биреп үз белемнәрен, осталыкларын күрсәттеләр.
“Гаилә белән китапханәгә” проекты кысаларында, 17 февраль көнне үзәк китапханәдә 23 февраль- Ватанны саклаучылар көне уңаеннан, “Ватанны саклау- изге бурыч” дип исемләнгән патриотик чара уздырылды. Чарада Ягъфәров Раиф абый оныгы Аяз белән, Закиров Фәнис улы Айзат белән, Сәлимов Ильнар улы Булат белән, Фагмиев Рөстәм улы Ранэль белән, Ханов Зәбир улы Ильяс белән, Исхаков Руслан улы Әмирхан белән, Харисов Рөстәм улы Азамат белән төрле уен- биремнәрдә катнашып, актив,бердәмлекләрен күрсәттеләр. Раиф абый һәм әтиләр үзләренең Ватанга хезмәт иткән вакытларының истәлекләре белән уртаклаштылар.Чараның икенче өлешендә бергәләп фоторамка бизәү мастер классында катнаштылар. Ханов Зәбир чараны матур җырлары белән ямьләндерде.Чара ахырында Саба үзәкләштерелгән китапханәләр системасы директоры Билалова Ләйсән Рәкыйп кызы катнашучыларга теләкләрен җиткереп, истәлек бүләкләр тапшырды.
18нче февраль көнне Уфа шәһәрендә фехтование буенча бөтенроссия ярышлары узды. Татарстан командасы составында Саба-Арена спортчысы Фазлыева Амалия бронза медаль яулады. Фехтование бүлеген котлыйбыз һәм алга таба да уңышлар телибез!
Февральдә Татарстан Республикасы Саба муниципаль районының эре һәм урта предприятиеләрендә хезмәт коллективларының 2025 ел йомгаклары һәм 2026-2028 елларга планлы чорга бурычлары буенча җыелышлары үткәрелде.