ЯҢАЛЫКЛАР

Оттырышсыз Яңа Ел лотереясе — авыл халкын һәм кунакларны Мәдәният йортына җәлеп итеп, аларны сөендерүнең менә дигән ысулы. 31 декабрь көнне Иске Мичән мәдәният йортында традицион лотерея билетлары уйнатылды. Уен концерт номерлары белән үрелеп барды. Мондый күңел ачу балаларга да, өлкәннәргә дә ошый! Барысы да актив катнаштылар, күңел ачтылар һәм ул һәрвакыттагыча яхшы үтте! Уенда катнашучылар  барысы да канәгать калды, чөнки җиңелүчеләр юк, һәркем үз отышын алды. Соңыннан 90 нчы еллар дискотекасы булды.

Мичән авыл җирлегенә кергән Иске Мичән, Яңа Мичән, Керәнне  мәдәният хезмәткәрләре «Яңа ел чыршысында кунакта” дигән бал-маскарад бәйрәмнәре үткәрделәр. Бәйрәмне Мичән авыл җирлеге башлыгы Гараев А.А. ачып җибәрде. Авылдашларны, кайткан кунакларны Яңа ел белән котлады, музыкаль бүләк тә әзерләгән иде. Чара төрле персонажлар, алып баручылар катнашында музыкаль — театральләштерелгән тамаша белән дәвам итте, алар барлык катнашучыларны мавыктыргыч конкурсларда катнашырга чакырды. 

Яңа ел-иң якты һәм истә калырлык бәйрәм, ул үзе белән тылсым һәм могҗизалар алып килә, чын бәхет һәм күңел ачу хисе бирә. Барыннан да бигрәк бу бәйрәмне балалар көтәләр һәм аңа шатланалар! Мичән төп мәктәбендә дә укучылар өчен Яңа ел бәйрәмнәре 2 сменада үтте. Башлангыч сыйныф укучылары Кыш бабай, Кар кызына үзләренең  җыр-бию, шигырь сөйләү буенча һәнәрләрен күрсәттеләр. Югары сыйныф укучылары арасында КВН  үтте. Укучылар тырышып әзерләнгәннәр, күңелле чыгышлары белән һәркемнең соклануын тойдылар. Яңа ел бәйрәмнәре күңелле үтте.
 

Яңа ел каникуллары якынлашу белән Мичән авыл җирлегендә бәйрәм рухы тудыруга, авыл халкы һәм кунаклар өчен уңайлы ял һәм иминлек тәэмин итүгә юнәлдерелгән әзерлек эшләре активлашты. Һәр тармак үз биләмәсен Яңа ел рухы белән бизәү эшләрен башкарды. 

Иске Мичән авылы зыяратларында өмәләр дәвам итә. Иске Мичән халкы бердәм итеп эшли дә, ял да итә белә. Хайруллин Солтан авылдашларын изге эш, зыярат җыештыру өмәсенә чакыру турында хәбәр биргәч, һәр гаиләдән кимендә бер кеше, көченнән килгәнчә ял көннәрендә эш кораллары белән зыяратны тәртипкә салырга җыелды. Монда һәр кешегә дә эш җитәрлек.  Ботак, ауган агачларны бер урынга җыю, вак куакларны чабу, чергән агачларны чыгару эшләре  башкарылды. Өмәгә килгән кешеләргә Авыл җирлеге исеменнән зур рәхмәт җиткерелде.

4 декабрьдә Яңа Мичән мәдәният йортында 1 - 3 декабрьгә кадәр барган «Алтын кий» бильярд турниры җиңүчеләрен бүләкләү тантанасы булды. Турнир Россия Федерациясендә "Ватанны саклаучылар елы" ябылуга багышланган чаралар кысаларында узды. 

Яңа Мичән авылы зыяратларында көзге өмәләр дәвам итә. Халык көченнән килгәнчә эш кораллары белән зыяратны тәртипкә салырга җыелдылар. Ботак, ауган агачларны бер урынга җыю, вак куакларны чабу эшләре башкарылды. Өмәгә килгән кешеләргә Авыл җирлеге исеменнән зур рәхмәт җиткерелде.

3 декабрь - Халыкара инвалидлар көне. Бу бәйрәм датасы түгел, ә безнең янәшәдә мөмкинлекләре чикләнгән кешеләр яшәвен искә төшерү. Безнең бурыч-аларга сүз белән дә, эш белән дә ярдәм итү. Бүген Яңа Мичән мәдәният йортында тасма һәм сәйләннәрдән беләзек ясау буенча мастер - класс узды.

30 ноябрь көнне Яңа Мичән авыл клубында үзенә бертөрле күңел күтәренкелеге хөкем сөрде: бирегә әниләр, әбиләр, апалар, яшь әниләр - Әниләр көнен билгеләп үтәргә җыелды.

Бәйрәмгә авыл үзешчәннәре матур эчтәлекле чын бүләк, мәхәббәт һәм җылылык белән тулы концерт номерлары әзерләделәр. Сәхнәдән яңгыраган һәр музыкаль композиция, һәр шигырь, һәр елмаю әниләргә - җир йөзендәге иң кадерле кешеләргә, тормыш бүләк итүчеләргә, аны саклаучыларга багышланды.

Әниләр һәм тамашачылар өчен бүләк булган әлеге концертны оештыручыларга һәм анда катнашучыларга зур рәхмәтебезне белдерәбез.

Иске Мичән мәдәният йортында Әниләр көне уңаеннан " Әни- минем тәүге сүзем" исеме астында бәйрәм концерты куелды. Бәйрәмгә  авылыбызның махсус хәрби операциядә катнашучыларның әниләре, гаиләләре һәм якыннары олы кунаклар буларак чакырулы иде. Залда утыручы барлык әниләрне Мичән авыл җирлеге башлыгы Гәрәев А.А.кайнар тәбрикләп, изге теләкләрен җиткерде.