«Югары Утар психик тайпылышлары булган гражданнар өчен балалар интернат йорты» дәүләт казна учреждениесе тәрбияләнүчеләре – җиңүчеләр.

10-15 март көннәрендә Мордовия Республикасының Саранск шәһәрендә «Интеллектуаль тайпылышлары булган кешеләр арасында өстәл теннисы буенча Россия Чемпионаты" узды. Югары Утар балалар интернат-йорты тәрбияләнүчеләре тәрбияче Хуснутдинова И.И. җитәкчелегендә Татарстан Республикасы данын яклап уңышлы чыгыш ясадылар. Нәтиҗәләр белән алар безне бик сөендерделәр: хатын-кызлар парлы разрядында, ИН-2 классында, Щава Ксения, Кадырова Полина һәм парлы ир-атлар разрядында, ИН-2 классында Вәлиев Камил икенче урыннарны яуладылар. Тәрбияләнүчеләребезне әлеге җиңүләре белән чын күңелдән котлыйбыз һәм алга таба да уңышлар һәм ныклы сәламәтлек телибез.