ЯҢАЛЫКЛАР
30 март көнне Юлбат авыл китапханәсе “Нәүрүз” бәйрәме үткәрде. Бәйрәм кыш белән яз арасындагы көрәшне чагылдырган театраль тамаша белән башланып китте. Чара барышында барлык теләүчеләр дә күңелле конкурсларда катнашты. Бәйрәм кунаклары тәмле "Карга боткасы" белән сыйланды.
Тенеки авыл эчендәге күпердә капиталь ремонт, нигезен ныгыту эшләре бара. Эшне "Базовый проект" ҖЧ оешмасы башкара.
29нчы мартта Байлар Сабасында кыска нардалар буенча турнир узды! Турнирда Казан, Саба, Киров, Түбән Кама, Яр Чаллы һәм Тольяттидан 22 спортчы катнашты! Күп сәгатьлек ярышлар нәтиҗәсендә (7 очко һәм өч җиңелү) түбәндәге призерлар билгеләнде: 1. Тимина Светлана; 2. Чемаклы Метин; 3. Артур Роганов. Шулай ук 5 очкога кадәр джекпот үткәрелде, олимпия системасы буенча - Кәримуллин Рафаэль! Барлык катнашучыларны һәм призерларны котлыйбыз!
28 мартта шахмат буенча республика турнирына сайлап алу ярышы (зона этабы) узды. 1 урынны Зәйнуллиннар гаиләсе алды (Төйләче районы); 2 урын - Фәттаховлар гаиләсе (Арча районы), 3 урын - Шакировлар гаиләсе (Саба районы). Катнашучыларны һәм җиңүчеләрне котлыйбыз һәм киләчәктә уңышлар телибез.
27 мартта Киров өлкәсенең Малмыж районы Яңа Смаил авылында гомумбелем бирү мәктәпләре укучылары арасында рус шашкалары буенча "Төньяк балкыш" төбәкара дуслык турниры узды. Саба районыннан 2 команда чыгыш ясады. Саба -1 командасы (Низамиев Йосыф һәм Мөхәммәтова Сафия составында) 13 командадан 1 урын, Саба -2 командасы (Ибраһимов Нияз һәм Тимергалиева Зарина составында) 3 урын алды. Малайлар арасында шәхси зачетта: 1 урын - Низамиев Йосыф, 2 урын - Ибраһимов Нияз; кызлар арасында: 1 урын - Мөхәммәтова Сафия. Аларны яхшы чыгышлары белән котлыйбыз, киләчәктә уңышлар телибез!
"Саба якташлары» иҗтимагый оешмасы мәктәп яшендәге балалар өчен малайлар арасында азан әйтү һәм кызлар арасында вәгазь сөйләү бәйгесе оештырды
Шекше авылында Нәүрүз бәйрәмен билгеләп үттеләр. Бу бәйрәмне Шекше төп гомуми белем бирү мәктәбе, мәдәният йорты һәм авыл китапханәсе хезмәткәрләре оештырды. Бәйрәм җырлар, биюләр, күңелле уеннар белән үрелеп барды. Балалар әти-әниләре белән бергә әзерләнгән төрле сый-нигъмәтләрне, шулай ук кулдан эшләнгән әйберләрне саттылар.
14-23 мартта Самара өлкәсендә (Красноярск районы, Светлое авылы) рус шашкалары буенча Россия беренчелеге узды. 9 яшькә кадәрге малайлар һәм кызлар категориясендә мәктәбебез укучылары Мөхәммәтова Сафия һәм Мөхәммәтов Ильяс чыгыш ясадылар, яхшы нәтиҗәләр күрсәттеләр. Аларга киләчәктә уңышлар телибез.
Татарстанда биш өстәл теннисы үзәге ачылды
Тантаналы ачышлар бүген Әгерҗе, Апас, Баулы, Ютазы һәм Саба районнарында узды. Үзәкләрне ачу "Физик культура һәм спортны үстерү" Дәүләт программасын гамәлгә ашыру кысаларында узды.
Чарада ТР рәисе Рөстәм Миңнеханов, РФ Президенты киңәшчесе Игорь Левитин, ТР спорт министры Владимир Леонов һәм РФ өстәл теннисы федерациясе президенты Александр Бабаков катнашты.
Рөстәм Миңнеханов сәламләү сүзендә билгеләп үткәнчә, Россия өстәл теннисы федерациясе белән хезмәттәшлек яхшы нәтиҗәләр китергән.
"Бу бик яхшы проект чишелеше, һәм спорт төре - өстәл теннисы - ул һәркем өчен мөмкин һәм аңа ихтыяҗ зур... Һәм, әлбәттә, бу спорт залларының барысы да безнең яшьләр өчен эшләргә тиеш ".
Аннары "САБА-АРЕНА" универсаль спорт залында кунаклар өстәл теннисы буенча Халыкара ярышларның һәм XXIII ачык шәхси-команда Республикаларының финал матчларында катнаштылар.
Исегезгә төшерәбез, 2024 елның 7 июнендә Санкт-Петербург халыкара икътисадый форумы кысаларында Татарстан Хөкүмәте һәм Россия өстәл теннисы федерациясе арасында физик культура һәм спорт өлкәсендә хезмәттәшлек турында килешү имзаланды.