ЯҢАЛЫКЛАР
3 гыйнвар көнне Район мәдәният йортында профсоюз, Яңа ел бәйрәме булып узды."- Саба муниципаль районы мәдәният учреждениеләре хезмәткәрләренең балалары өчен. Шулай ук шәхси, шәхси эшмәкәрләр балалары өчен 13:00 сәгатьтә, район үзәк хастаханәсе хезмәткәрләренең балалары өчен 15:00 сәгатьтә.
2 гыйнвар көнне Сабаның Үзәк чыршы янында Түбән Шытсу авыл җирлегенә кергән мәдәният һәм китапханә хезмәткәрләре яшьләр белән “ Уйныйбыз да ,биибез дә” дип исемләнгән кызыклы уеннар һәм биюләр оештырдылар.Бигрәк тә “Боланга утырып”, “Кар бабай”, “Биибез” ,”Алмалы үбешу” уеннарын яратып уйнадылар.Җиңүчеләр истәлекле бүләкләр алдылар.
3 нче гыйнвар көнне Шәмәрдән авыл мәдәният йорты хезмәткәрләре Мишәбаш авылы клубында, балалар өчен яңа ел бәйрәменә багышланган «Яңа ел алдыннан булган хәл...» − дип исемләнгән әкияти тамаша белән чыгыш ясадылар. Шулай ук бәйрәм чарасында куян ролен: Мичәнбаш клубы мөдире − Камилә Нигъмәтҗанова үтәде. Аннары бәйрәм бизәлгән матур чыршы янында Кыш бабайга шигырьләр сөйләп һәм әкият персонаҗлары белән бергәләп биеп-җырлап дәвам ителде.
3 нче гыйнвар көнне Шәмәрдән авыл мәдәният хезмәткәрләре Илебер авылы клубында, балалар өчен яңа ел бәйрәменә багышланган «Яңа ел алдыннан булган хәл...» − дип исемләнгән әкияти тамаша белән чыгыш ясадылар. Шулай ук бәйрәм чарасында куян ролен: Мичәнбаш клубы мөдире − Камилә Нигъмәтҗанова үтәде. Аннары бәйрәмне бизәлгән матур чыршы янында Кыш бабайга шигырьләр сөйләп, әкият персонаҗлары белән бергәләп төрле уеннар уйнап һәм җырлап дәвам иттеләр.
Бүген, 2019 елның 3 гыйнварында Шәмәрдән авылында 2009-2010 елгы малайлар арасында мини-футбол буенча ачык беренчелек булып узды. Ярышларда 5 команда катнашты: Саба, Шәмәрдән, Тимершык, Кукмара, Арча.
Эзмә авыл җирлеге клублары hәм мәдәният йортларында Яңа ел балмаскарадлары булып узды. Бәйрәмдә төрле уеннар, конкурслар оештырылды.Элеге чара җыр-биюләр белән үрелеп барды.
Түбән Шытсу авыл җирлегенең барлык учрежденияләрендә Яңа елга багышланган чаралар үткәрелде.
2019 елның 4 гыйнварында узачак спорт чаралары:
2007-2008 елда туган яшүсмерләр арасында мини-футбол буенча «Олимп» балалар һәм яшүсмерләр спорт мәктәбе беренчелегенә ачык Беренчелек 10.00 сәгатьтә башлана.
Байлар Сабасы ш.т. п. Кыш бабай призларына Саба районы беренчелегенә өстәл теннисы буенча ачык Беренчелек 10.00 сәгатьтә башлана.
Шулай ук "Нарат" боз сараенда һәм Шәмәрдән авылында тимераяклар прокаты, Байлар Сабасы бистәсендә һәм Шәмәрдән авылында чаңгы прокаты эшли, гадәти режимда йөзү бассейны эшли.
30,31 декабрь, 1 гыйнвар көнне Явлаштау авыл җирлегендәге мәдәният йортларында Яңа ел чаралары булып узды. Мәдәният йортлары һәм китапханә хезмәткәрләре тарафыннан Яңа ел тамашалары әзерләнде һәм Яңа ел лотереясы үткәрелде. Бәйрәм чарасы күтәренке кәеф, көлке һәм көчле алкышлар белән үрелеп барды. .
Яңа ел бары шатлыклар гына алып килсен. Яңа 2019 ел белән!
30 декабрь көнне Шәмәрдән авыл мәдәният йорты хезмәткәрләре һәм үзешчән сәнгать сөючеләр «Җыелыйк дуслар бергәләп зәңгәр ут яктысына...» − дип исемләнгән яңа елга багышланган маскарад-балы уздырды. Кичә әкияти театральләштерелгән тамашадан башланып китте. Аннан соң бәйрәмне фойе өлешендә дәвам иттеләр. Анда матур концерт номерлары белән аралаштырылган төрле күңел ачу бәйгеләре, лотерея уеннары оештырылган иде. Бал-маскарад барлык килгән халыкның күңеленә хуш килде һәм бәйрәм дискәтүге белән тәмамланды.