ЯҢАЛЫКЛАР
Тренерыбыз Бобылев Николай Владиславович Татарстан Республикасы чемпионатында җиңүче булды. Зур уңышлар телибез! Ул һәрвакыт сезнең белән булсын, аның ярдәмендә теләсә нинди проблемалар хәл ителсен, ә тормыш искиткеч матур, яктырак һәм шаккаткыч булсын!
Яшьләр эшләре буенча федераль агентлык (алга таба — Росмолодежь) бөтенроссия яшьләр форумнарына (алга таба – форумнарга) гариза бирү кампаниясенә старт бирде.
#Мөмкинлекләрмарафоны туры эфиры 2025 елның 15 апреле 14:30 да
Туры эфирга тоташтыру өчен сылтама: https://vk.com/video-71695567_456241052
9 апрель көнне Килдебәк авыл китапханәчесе мәдәният йорты, хезмәткәрләре белән берлектә, Бөтендөнья сәламәтлек көне уңаеннан “Яңа гасырга - Сәламәт буын” исемле сәламәтлек дәресе үткәрделәр.
Район хастаханәсе психологы Лариса Наилевна һәм илне саклау фонды җитәкчесе Әлфия Маннановна, Мичән авыл җирлеге башлыгы Айзат Ахматгалиевич, Керәнне авылында яшәүче, уллары махсус хәрби операциядә хәлак булган, Гыймадиев Мәннүр һәм Фәнүзәләрнең өйләрендә булып, алар белән әңгәмә кордылар, узләренең психолог киңәшләрен бирделәр. “Алга таба да сораулар туса, безгә мөрәҗәгать итә аласыз, без ярдәмгә һәрвакыт килербез”- диделәр.
Саба районың авыл җирлекләрендә яшь белгечләрне тораклы итү һәм авыл җиренә квалификацияле белгечләр кайтарту максатыннан, Республика күләм “Яшь белгечләргә аренда торагы” программасы кысаларында, йортлар төзелеше дәвам итә. Тимершык һәм Миңгәр авылларында белгечләр өчен чираттагы йортлар төзелә.
Тирә якны төзекләндерү максатыннан Тимершык авыл җирлеге буенча иске йорт, каралты-кура сүтү эшләре даими үткәрелеп тора.
Төзекләндерү айлыгы кысаларында 10 апрельдә Лесхоз өлкәннәр һәм инвалидлар интернат-йорты хезмәткәрләре һәм анда яшәүчеләр тирә-юньне чистартуда катнаштылар. Кирәкле кирәк-яраклар белән коралланып, чүп-чардан, кипкән үләннән һәм былтыргы яфраклардан газоннарны җыештырдылар, агач-куакларны тәртипкә китерделәр.
Өмә-ул яхшы традиция һәм ачык һавада бергәләп аралашуның менә дигән ысулы. Үз хезмәтеңнең нәтиҗәсен күрү күңелле, ә интернат-йортның чиста, каралган территориясе күзне сөендерә.
Санитар-экологик икеайлык кысаларында Тимершык авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша.
Саба үзәк район хастаханәсенең актлар залында йөкле пациентлар өчен атналык дәрес булды.