ЯҢАЛЫКЛАР
20нче май көнне Район мәдәният йортында Фән олимпиадаларында җиңүчеләрне һәм “Ел укытучысы – 2019” бәйгесе җиңүчеләрен тәбрикләү тантанасы үтте.
Татарстан Росреестры Youtube каналында интервью урнаштырды, аның кысаларында Росреестр Идарәсенең үзеннән-үзе көйләнә торган оешмалар өлкәсендә контроль (күзәтчелек) бүлеге башлыгы Гөлия Елесина физик затларның банкротлык процедурасына бәйле мәсьәләләрне яктыртты.
“Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Иске Икшермә авылында урнашкан «Тургай» приютында Халыкара гаилә көне уңаеннан оештырылган бәйрәмдә катнаштылар. Белгечләр тәрбияләнүчеләр һәм аларның әти- әниләре өчен конкурслар әзерләделәр: «Халык зирәклеге әйтә» - балалар ике төркемгә бүленеп гаилә турында мәкальләр чиштеләр, «Йөрәкне тапшыр» гаиләдә яңгыраган ягымлы, яхшы сүзләр әйттеләр, табышмаклар чиштеләр. Чара күңелле һәм кызыклы үтте. Һәр бала истәлекле бүләк белән бүләкләнде.
Саба районы «Балкыш» халыкка социаль хезмәт күрсәтү үзәгенең социаль хезмәткәрләре тарафыннан "Язгы игелек атнасы" акциясе дәвам итә. Өйгә барып хезмәт күрсәтү булекчәсендә исәптә торган өлкәннәребезнең йорт яны территорияләрен, йорт эчендәге эшләрне башкару һәм ишегалды корылмаларын ремонтлау буенча эшләр кабатланып тора.
Тольяттида 19 майда "Баха Тольятти" ралли-рейдлары буенча Россия Кубогының икенче этабы тәмамланды" анда Татарстан командасы катнашты, шул исәптә Саба муниципаль районы башлыгы Миңнеханов Рәис Нургали улы һәм Мизюкаев Вячеслав. Ике көн маршруты (ССУ, СУ, лиазон) Ставрополь районы территориясе буенча 250 километрдан артык тәшкил итте.
Хөрмәтле мөселман кардәшләр!
Ислам динен кабул итү көне белән ихлас котлауларны кабул итегез!
922 елдан татар халкы тормышында яңа чор башлана. Болгар тарафыннан Ислам кабул итү халыкның алга таба үсешен, дәүләтчелеген һәм суверенитетын алдан билгеләде. Ислам-күпмилләтле халкыбызның үсеш һәм чәчәк атуы нигезләренең берсе. Ул зирәклекне һәм гаделлекне, мәрхәмәтлекне, мәрхәмәтлекне һәм шәфкатьлелыкны өйрәтә.
Олы Кибәче авыл җирлегендә җәйге чорга көтү чыгару, җирлекнең чисталыгы һ.б мәсәләләр буенча гражданнар белән җыелыш уздырылды. Шулай ук малларга ветеринария хезмәте күрсәтелде.
17 май көнне Тимершык авылы мәчетендә Ифтар ашы булып узды. Чараны авылыбыз эшмәкәре Ибрагимов Ильмир оештырды. Халыкны очраштырып күрештергәне өчен аңа рәхмәтебезне белдерәбез һәм кылган ниятләренең савабын алуын телибез.
Саба балалар сәнгать мәктәбенең скрипка сыйныфы укучылары 20 май көнне «Кыңгырау» балалар бакчасында кунакта булдылар.
21 май көнне Явлаштау авылында «МИР» телеканалының «Иван Усачев студиясе» телевизион компаниясенең "Чикләрсез мәхәббәт" документаль фильмын төшерү башланды