ЯҢАЛЫКЛАР
Хөрмәтле гражданнар! «Татарстан Республикасының Гидрометеорология һәм әйләнә-тирә мохитне күзәтү идарәсе» ФДБУнән кергән:
Метеорологик күренешнең интенсивлыгы турында консультация-кисәтү
12 декабрь 18 сәгатьтән 13 декабрь 18 сәгатькә кадәр.
2022 елның 13 декабрендә төнлә һәм көндез Татарстан Республикасы территориясендә урыны белән 15-17 метрга кадәр көньяктан көчле җил көтелә.
Иштуган авыл җирлегендә яшәүче 14 яшьтән 25 яшькә кадәрге яшьләр «Саба-АРЕНА» универсаль спорт комплексы базасында узган PROFФЕСТ һөнәрләре фестивалендә катнаштылар. Әлеге проект Татарстан Республикасы Яшьләр эшләре министрлыгы ярдәме белән, Татарстан Республикасы муниципаль берәмлекләренең яшьләр сәясәте учреждениеләре өчен грант конкурсы кысаларында тормышка ашырыла. Фестиваль кысаларында районыбыз үзмәшгульләреннән төрле мастер-класслар үткәрелде. Мастер-класслардан соң лекция чыгышы булды.
Юлларны һәм урамнарны кардан чистарту җиңел эш түгел. Иштуган авыл җирлеге территориясендә явым-төшем төшү сәбәпле юлларны кар бөртекләреннән чистарту, юл кырыйларыннан кар түшәмәләрен һәм юл кырыеннан тыгыз кар чыгару эшләре башкарылды. Бу эш башкарылмаган очракта, юл-транспорт һәлакәтләре һәм юлларда җәрәхәтләнү ихтималы кискен арта.
9 декабрьдә билгеләп үтелә торган Ватан Геройлары көне кысаларында Иштуган урта мәктәбендә Украина территориясендә махсус хәрби операция барышында һәлак булган Гайфетдинов Илнур Рәшид улы истәлегенә багышланган тантаналы чара булды.
Тантананың икенче өлеше-яшьләр арасында волейбол турниры. Волейбол турнирын үткәрүнең максатлары һәм бурычлары: яшьләрне физик культура һәм спорт белән шөгыльләнүгә җәлеп итү, яшьләрнең сәламәт яшәү рәвешен пропагандалау, яшь буынны патриотик тәрбияләү, Ватан сакчысы истәлеген мәңгеләштерү, солдатның батырлыгы үрнәкләрендә әхлакый кыйммәтләр формалаштыру.
Волейбол турнирында Саба, Кукмара һәм Мамадыш районнары командалары катнашты.Киеренке көрәштән соң 6 команда арасында урыннар түбәндәгечә бүленде:1 урын-Таканыш (Мамадыш районы), 2 урын – чыршы (Кукмара районы), 3 урын - Чура авылы (Кукмара районы). Кукмара районыннан Яңа Кумор һәм Ошторма Юмья, Саба районыннан Иштуган командалар актив катнаштылар. Барлык командаларны да грамоталар белән бүләкләделәр, ә күчмә кубок белән 1 урынны алган команда бүләкләнде.
8 декабрьдән 11 декабрьгә кадәр Казан шәһәренең Гимнастика үзәгендә 15 яшькә кадәрге спортчылар арасында фехтование буенча Россия 2022 елгы беренчелеге узды. Бу ярышларга җитди әзерлек булды. Безнең спортчыларның Россия беренчелегендә беренче тапкыр катнашуы безнең зур казанышыбыз һәм җиңүебез. Спортчылар сезонда старттан стартка кадәр тәҗрибә туплаячаклар, Бөтенроссия ярышларында катнашачаклар һәм киләсе сезонга тагын да яхшырак әзерләнәчәкләр. Без булдырабыз!
10 декабрь көнне Юлбат авылында тантаналы рәвештә Саба үзәк район хастаханәсенең "Сәламәтлек саклау» милли проектының сәламәтлек саклауның беренчел буынын модернизацияләү программасы буенча төзелгән фельдшер-акушерлык пункты ачылды.
Ачылу тантанасында Саба районы Башлыгы Минниханов Раис Нургали улы, «Саба РҮХ» ДАССУ баш табибы Юсупов Марат Рафаэль улы, Юлбат авыл җирлеге башлыгы Шәмсиев Талип Рәшит улы, шулай ук авыл халкы һәм кунаклар катнашты.
Яңа бина тулысынча заманча җиһазлар белән җиһазландырылган. Диспансеризация, медицина тикшерүләре, барлык кирәкле процедуралар үткәрергә мөмкинлек бирә.
Игътибар! 2022 елның 13 декабрендә 9:00 сәгатьтә Саба муниципаль районы Советы утырышы (сессиясе) планлаштырыла.
2022 елның 5-9 декабрь көннәрендә Уфа шәһәрендә бадминтон буенча «Башкортостан Республикасы Кубогы» бөтенроссия ярышлары узды. Безнең спортчы Хантимирова Алисә парлы разрядта 1 урынны алды.