ЯҢАЛЫКЛАР

Россия көне-Россия Федерациясенең мөһим дәүләт бәйрәме, ел саен 12 июньдә билгеләп үтелә. 2002 елга кадәр ул Россиянең дәүләт суверенитеты турында Декларация кабул итү көне дип атала. Бу илдә иң яшь дәүләт бәйрәмнәренең берсе. Бу көн хөрмәтенә Сатыш мәдрәсә музее хезмәткәрләре асфальтта рәсемнәр конкурсы оештырдылар.

17 июньдә Кызыл-Мишә мәдәният йортында балалар кызыклы «Уйлап тап» конкурс программасына җыелдылар. "Уйлап тап" иленә керү өчен башта балалар мәдәният йорты мөдире белән бергә кодлы мәсьәләләр чиштеләр. Бу мәсьәләләрне дөрес хәл иткәннән соң, китапханәче аларны күңелле конкурслар иленә чакырды. “Балалар” һәм “Йолдызлар” дигән ике командага бүленеп, балалар төрле “Табышмакка җавап тап”, “Бәйрәмгә бар”, “Бәлки юк, бәлки әйе”, “Музыкаль викторина» конкурсларында катнаштылар. Балалар шулай ук кроссвордлар, ребуслар, табышмаклар чиштеләр, пазллар җыйдылар. Чара күңелле, тату атмосферада үтте. Балалар сорауларга җавап бирделәр, күңел ачтылар, бер-берсенә ярдәм иттеләр. Чараның максатлары һәм бурычлары уңышлы үтәлде. Чара ахырында барлык балалар да бүләкләр алды.

     Үзган  Сабантуй   бәйрәмләрендә “Игенче” ҖЧҖнең   төрле тармагында эшләүче, төрле профессия кешеләре - иң яхшы хезмәткәрләрне бүләкләү булды.

    Контроль (күзәтчелек) һәм рөхсәт бирү эшчәнлеге өлешендә дәүләт ярдәме чаралары турында мәгълүмати кампанияне гамәлгә ашыру максатыннан, сез түбәндәге адрес буенча урнашкан методик киңәшләр, материаллар һәм медиафайллар белән таныша аласыз: https://disk.yandex.ru/d/-9hR7QBDr967lw 

Сатыш "Кояшкай" балалар бакчасында татар халкының милли бәйрәме-"Сабантуй"үткәрелде. Бәйрәм башында тәрбиячеләр балаларны татар халкының гореф-гадәтләре ,бәйрәмнәре белән таныштырып үттеләр. Соңыннан балалар туган як, сабантуй турында шигырьләр сөйләделәр, җырлар тыңладылар , биеделәр. «Капчык киеп  йөгерү», «кашыкка йомырка салып  йөгерү», «чүлмәк вату» һәм башка шундый кызыклы ярыш- уеннарда катнашып күңел ачтылар. Әлеге милли бәйрәмебез - Сабантуй  балаларда  иң якты тәэсирләр калдырды.

РФ Хөкүмәте сайтында дәүләт ярдәме чараларында ориентлашырга ярдәм итүче анкета рәвешендә навигатор эшли башлады.

11 июнь көнне Сатыш авылы янындагы болында авыл халкы һәм авыл җирлеге кунаклары милли бәйрәмебез- Сабан туен билгеләп үттеләр. Бәйрәм традицион ярышлар һәм күңелле конкурслар белән үрелеп барды. Халык өчен концерт программасы белән авыл халкы һәм мәдәният хезмәткәрләре чыгыш ясады. Бәйрәм кичкә кадәр дәвам итте. Бәйрәмнең кульминациясе булып Көрәш буенча баш батырны билгеләү торды. Киеренке көрәштән соң, Сабантуйның абсолют батыры булып Маннанов Динар Хаҗинур улы калды.

3 июнь көнне Сатыш, Аккүл-Бигәнәй, Казанче-Бигеней, Мамалай, Чәбки-Саба  авылларында Сабантуйга бирнә җыю оештырылды. Борынгы бабаларыбыздан бүгенге көнгә кадәр сакланган бу күренеш һәркемнең күңелен дулкынландыра, яшьлеккә алып кайта. Авылыбыз яшьләре өлкәннәрдән откан авыл көйләрен җырлап урамнар буйлап уздылар.

17 июнь көнне Юлбат мәдәният йорты хезмәткәрләре “Хыял” мәктәп яны лагере белән берлектә «Милли бизәкләрдә - халкым тарихы» исемле танып-белү сәгате үткәрделәр.

17 июнь көнне Юлбат мәдәният йорты һәм китапханә хезмәткәрләре зарарлы гадәтләрне кисәтүгә багышланган «Сәламәтлек өчен 100 киңәш" дип исемләнгән сәламәтлек сәгате үткәрделәр.