ЯҢАЛЫКЛАР
12 июль көнне безнең тәрбияләнүчеләр картлар һәм инвалидлар өчен булган Лесхоз интернат-йортында булдылар. Яшь артистлар олкәннәрне "Колобок" һәм "Су анасы" әкиятләре буенча оештырылган курчак театрлары белән сөендерделәр.
Башкарма комитет, Роспотребнадзор, янгын күзәтчелеге, Экология министрлыгы вәкилләре һәм авыл җирлекләре башлыклары составында Гражданнар мөрәҗәгате буенча күчмә комиссия үткәрелде.
Килдебәк авыл мәдәният йортында "Син башка халыкларның мәдәниятен һәм гореф-гадәтләрен беләсеңме" фольклор сәгате
12 июльдә Явлаштау авылында яшәүче Аскәдилова Миннекамал Газизулла кызы үзенең 90 яшьлек юбилеен билгеләп үтте. Аны Саба муниципаль районы башлыгы Миңнеханов Р.Н. исеменнән һәм шәхсән үз исеменнән Саба муниципаль районында МТЗ һәм СЗ ОСЗ начальнигы Гайнетдинова Л.Н., Явлаштау авыл җирлеге башлыгы Нуриев Р.Х. ,«Саба» ҖЧҖ вәкиле Фазлыев А.К. котладылар һәм бүләкләр тапшырдылар. Аның алга таба да кадер-хөрмәттә яшәвен телибез!
Укучылар җәйге каникуллар вакытында мәктәп яны участогында рәхәтләнеп эшлиләр, чөнки бу «практика эшләү» генә түгел, ә үз мәктәбең территориясен төзекләндерү дә. Балалар һәм педагоглар график буенча җәй буе эшлиләр
ТР Саба муниципаль районы Шәмәрдән авылында биологик чистарту корылмалары төзү һәм канализация коеларын герметик коеларга алыштыру дәвам итә.
"ПМК-159" ҖЧҖ подряд оешмасы Иштуган авыл мәдәният йорты котельнаясы түбәсендә төзелеш-монтаж эшләре башкарган.
Балыкчы көне-балыкчыларның һөнәри бәйрәме, аны җәйге чорның иң күңелле бәйрәмнәренең берсе дип атарга була. Балыкчылар көне кысаларында, 11 июльдә Кызыл-Мишә авыл мәдәният йорты хезмәткәрләре балалар белән балык тоту оештырдылар. Барлык балыкчыларга да балык тоту бәхете елмаймады. Шулай да балалар канәгать калды.
Урам яктырту тормышны уңайлырак итә һәм кешеләрнең куркынычсызлыгын арттыра. Электр энергиясен куллану буенча иң нәтиҗәлеләре – заманча светодиодлы лампалар. Мондый яктылык чыганакларын куллану энергия куллануны һәм эксплуатация чыгымнарын киметү хисабына электр энергиясе өчен түләү чыгымнарын киметергә мөмкинлек бирәчәк.
Тимершык, Сабай торак пунктларында авыл урамнарын кичке яктырту өчен 25 данә светодиодлы лампа урнаштырылган. Торак территориясендә 203 светодиодлы яктырткыч бар. Соңгы 3 елда Республика программасына ярашлы рәвештә, болар барысы да яңа лампаларга алыштырылды, бу бюджетны шактый экономияләргә мөмкинлек бирде.
Соңгы ике елда Тимершык, Көек торак пунктларында су системасын яңарту, яңа барлыкка килгән урамнарга яңа су торбалары сузу, пожар куркынычсызлыгын тәэмин итү өчен гидрантлар урнаштыру, су саклагыч мәйданнарын койма белән әйләндереп алу эшләре алып барылды. Бу күләмле эшләрне Республика программасы кысаларында АҖ “Саба районы ТКХ Шәмәрдән МПП” оешмасы башкарып чыкты.