ЯҢАЛЫКЛАР
Мишә авыл җирлеге башлыгы Гатиятуллин Азат Хөрмәт улы юбилярларны өйләрендә котлады. Аларга истәлекле бүләкләр тапшырды, озын гомер теләде.
1 октябрьдә 50 һәм 60 ел бергә яшәгән гаиләләрнең "алтын һәм бриллиант" юбилейларына багышланган тантаналы чара узды. Сабада узган тантаналы чарада Лесхоздан, Будылиннар һәм Вәлиевлар гаиләләре катнашты. Юбилярларны бәйрәм белән Саба муниципаль районы башлыгы Рәис Миңнеханов котлады, бүләкләр тапшырды. Оешма җитәкчеләре, җирлек башлыгы, юбилярларның балалары котлады. Без юбилярларга бәхет, сәламәтлек һәм тагын күп еллар бергә булуларын телибез! Һәр көн шатлык һәм елмаю белән тулы булсын!
6.10.2025 конне Арча шәһәрендә "Безнең йорт - Татарстан" республика этномәдәни фестиваленең зона этабы узды, анда Татарстан Республикасының 6 муниципаль районыннан иҗат коллективлары һәм аерым башкаручылар катнашты. Элеге конкурста “Хөснулла һәм Аллахияр Вәлиуллиннар исемендәге Саба балалар сәнгать мәктәбе” нән Динә Габдрахманова ( җитәкчесе Дәүлиева Г.Р.) вокал номинациясендэ "Ак калфак " исемле жыр белэн һәм “Яшьлек” хореография коллективы (җитәкчесе Мөбәрәкҗанова А.З.) хореография номинациясендә “Сабантуй буләге” биюе белән катнаштылар. Конкурста катнашучыларның барысы да дипломнар белән бүләкләнде. Конкурсның барлык зона этаплары нәтиҗәсе буенча Казанда 4.11.2025 конне Халыклар бердәмлеге көненә карата Гала концерт узачак.
Олы Шыңар урта мәктәбендә Укытучылар көне һәм Өлкәннәр көне уңаеннан бәйрәм концерты үткәрелде. Балалар кызыклы чыгышлар әзерләделәр: күңелгә үтеп керерлек шигырьләр, матур бию номерлары һәм күңелгә ятышлы музыкаль композицияләр яңгырады. Укучылар укытучыларга сабырлыклары, кайгыртучанлыклары һәм аларның белем алуына керткән өлешләре өчен ихлас рәхмәтләрен белдерделәр.
25 сентябрьдән 28 сентябрьгә кадәр Самара шәһәрендә "Самара өлкәсенең төбәкара өстәл теннисы буенча 14 яшькә кадәрге малайлар һәм кызлар арасында, 16 яшькә кадәрге малайлар һәм кызлар арасында ярышлары" узды . Әлеге ярышларда безнең спорт мәктәбенең өч спортчысы катнашты: Билалов Дамир, Латыйпов Ильсаф, Хәсәншин Радик. Илсаф Латыйпов 14 яшькә кадәрге егетләр арасында 2 нче урынны алып аерылып тора. Финал очрашуында Ильсафка җиңү өчен бераз гына җитмәде, ләкин ул бик лаеклы һәм искиткеч уен күрсәтте. Дамир һәм Радик зур тәҗрибә тупладылар. Без балаларга ярышларда да, тормышта да алга таба уңышлар телибез.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 09 октябрендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Өлкәннәр ункөнлегендә «Нәфис» фондының хәйрия акциясе старт алды: алтын яшьтәге 3300 кеше бүләкләр һәм котлаулар алачак. Җыелмаларга кер юу порошоклары, савыт-саба юу сыеклыклары, коры чистарткычлар, сабын керә. Бүләкләрнең гомуми авырлыгы 5,3 тонна тәшкил итә.
2025 елның 3 - 4 октябрендә Казанның Бадминтон үзәгендә Татарстан Республикасының Бадминтон Өметләренең 3 туры узды. Ярышларга Республикабызның төрле почмакларыннан 233 спортчы җыелды. 3 этап нәтиҗәләре буенча Саба районы бадминтончылары түбәндәге категорияләрдә призерлар булдылар:
2013 - 2014гр:
3 урын - Сафина Элина (1 дивизион);
3 урын - Сабиров Илназ (2 дивизион);
3 урын - Идрисов Нияз - Сафина Элина;
3 урын - Сафина Элина - Фәйзуллина Ника (Яр Чаллы);
3 урын - Идрисов Нияз - Рәхимов Адель;
3 нче урын - Рәхимов Адель - Шәйхулова Элина (Әлмәт)
2015 һәм аннан да кечерәк:
3 урын - Сафин Зиннәтулла - Хузин Илдан.
Барлык катнашучыларны, тренерларны, ата-аналарны балаларыбызның яхшы чыгышлары белән котлыйбыз һәм сәламәтлек, алга таба уңышлар телибез!
5 октябрьдә "Саба-Арена"да "Саида" ҖЧҖ һәм "Трейд металл" ҖЧҖнең өстәл теннисы буенча "Яхшылык марафоны" гран-прие старт алды.19 хатын-кыз һәм 38 ир-ат ракеткаларны кисештеләр. Кече туп Кукмара, Түбән Кама, Әлмәт, Казан һәм Улан-Уде шәһәрләреннән килгән кунакларны берләштерде. Хатын-кызлар ялгыз разрядында пьедесталның өченче юлын Екатерина Ищенко алды. Икенче юлга Галина Гороховатченко күтәрелә. Гран-при 1 нче турының җиңүен Динара Исмәгыйлова бәйрәм итте (барысы да Саба) .Ир-атлар арасында ялгыз разрядта Илсаф Латыйпов пьедесталның өченче юлына күтәрелде. Икенче урынны Камил Вилданов алды. Николай Антонов (Улан-Удэ шәһәреннән кунак) Гран-приның 1 нче туры җиңүчесе булды. 2 нче тур көзге каникул чорында көтелә. Җиңүчеләр һәм призерлар өчен "Яхшылык марафоны" иганәчеләренең приз фонды 60000р тәшкил итә. Кушылыгыз, эссе булачак!