ЯҢАЛЫКЛАР

2024 елның октябрендә Татарстан Республикасы Дәүләт алкоголь инспекциясенең арсок территориаль органы хезмәткәрләре җирлек башлыгы Фаил Шәфигуллин белән бергә Татарстан Республикасы Саба муниципаль районының Сатыш авыл җирлеге гражданнары белән очрашу үткәрделәр.

Күчмә кабул итү вакытында сәүдә өлкәсендәге мәсьәләләр кузгатылды, атап әйткәндә: товарны алмаштыру һәм кире кайтару сроклары, клиентка дөрес мәгълүмат бирмәгәндә җитештерүченең җаваплылыгы, товарда җитешсезлекләр ачыкланганда кулланучының хокуклары аңлатылды. Чара барышында мәгълүмат буклетлары таратылды.

Кулланучылар хокукларын яклау мәсьәләсе буенча кергән барлык мөрәҗәгатьләргә гамәлдәге законнар нигезендә квалификацияле аңлатмалар бирелде.

Чара кулланучылар хокукларын яклау өлкәсендә төрле тематикалы буклетлар тарату белән үрелеп барды.

Россиядә 2024 ел президент тарафыннан Гаилә елы дип игълан ителде. Балалы гаиләләргә һәм өстәмәне планлаштыручы гаиләләргә ярдәм итү өчен «Демография» милли проекты гамәлгә ашырыла һәм федераль һәм төбәк дәрәҗәсендә комплекслы ярдәм системасы эшли.

Нигъмәтҗанова Алсуны «Россиянең спорт мастеры» исеме бирелүе белән котлыйбыз! Лаеклы бүләк белән! Бәхет, йолдызлар белән юлың бизәлсен, җиңүләргә ышанычны һәм бәхетне җәлеп итсен. Уңыш  туп-туры кулларына керсен. Ниятләнгәннәрнең һичшиксез ирешүе өчен, галәм масштабында уңышлар телибез!

Бүген Әбрар Кәримуллин исемендәге Саба район китапханәсендә   «Алдынгылар хәрәкәте»  катнашучыларының әдәби очрашу кичәсе булып узды.

Китапханә методисты Рәзинә Дәминова белән берлектә укучылар искиткеч язучы Айгөл Әхмәтгалиева әсәрләре турында фикер алыштылар. Әлеге очрашу вакытны файдалы уздыру өчен менә дигән сәбәп булды!

Балалар иҗаты үзәгенең вокал буенча өстәмә белем бирү педагогы - Фәрид Аубакиров катнашындагы гитарага матур җырлар чарага тагын да ямь өстәде.

8 октябрь көнне Ә.Кәримуллин исемендәге район үзәк китапханәсендә «Алтын куллар» клуб берләшмәсенең чираттагы утырышы узды. Әлеге клуб берләшмәсе алтын куллы, бар эшкә дә уңган хатын-кызларны берләштерә. Биредә алар буш вакытларын файдалы итеп уздыралар: яңа һөнәрләр өйрәнәләр, бер-берсе белән аралашалар. Бүгенге утырышта язучы Лилия Закированың “Җылыт мине” дип исемләнгән китабы турында әңгәмә узды.

7 октябрь көнне Иштуган авылы китапханәсендә балалар язучысы, шагыйрь, А.Алиш исемендәге балалар һәм яшүсмерләр әдәбияты өлкәсендә әдәби премия лауреаты Рәшит Башарның 75 еллыгына багышланган “Балачак илендә” дигән китап күргәзмәсе куелды. Китапханә мөдире балаларга язучының биографиясе һәм иҗат юлының этаплары турында сөйләде. Укучылар балаларны туган телне яратырга өйрәтүче, хезмәт сөючәнлек, ихласлык, хайваннарга һәм табигатькә мәхәббәт тәрбияләүче Рәшит Бәшәр әсәрләре белән таныша алдылар. Шулай ук авторның шигырьләрен кычкырып укулар да булды.

8 октябрьдә Шәмәрдән авыл һәм балалар китапханәләре «Дуслык» клуб берләшмәсе өчен Кукмара муниципаль районы Ядегәр авыл модель китапханәсенә “Дуслар йорты – китапханә” дигән экскурсия оештырдылар. Китапханә хезмәткәрләре яңа буын китапханәсе буйлап зур экскурсия үткәрделәр һәм модернизация нәтиҗәсендә булган үзгәрешләр турында сөйләделәр. Китапханә буйлап Экскурсия берничә зона буенча узды: «Хезмәт күрсәтү» зонасы, «Балалар зонасы», «Яшьләр зонасы», «Интерактив зона», анда безнең хатын-кызлар төрле уеннар уйнады, танып белү һәм мавыктыргыч китаплар белән танышты. Китапханәдә балалар, яшьләр һәм өлкәннәргә матур әдәбият һәм фәнни китаплар уку, ял итүне файдалы итеп уздыру өчен барлык заманча мөмкинлекләр тудырылган. Китапханә белән танышу бер сулышта узды, барысы да тәэсирләнеп калды.

6 октябрь көнне Олы Арташ авыл клубында Халыкара өлкәннәр көненә багышланган бәйрәм үткәрелде. Аны Ике басу Арташ мәдәният йортының хезмәткәрләре, авыл китапханәсе һәм Өч Нарат авыл клубы белән берлектә үткәрделәр. Чакырылган кунакларга концерт программасы тәкъдим ителде. Котлау сүзе белән Арташ авыл җирлеге башлыгы Рөстәм Илсур улы Мөхәрләмов чыгыш ясады. Бәйрәм кунаклар башкаруында акапель җырлары, биюләр һәм үзләре язган шигырьләрне уку белән үрелеп барды. Чара чәй эчү белән дәвам итте.Чараны оештыруда ярдәм иткәннәре өчен иганәчеләргә:Нырты АХП ҖЧҖ - "Кояш" кибете директоры Дәүләтҗанов Ильяс, "Кояш" кибет хуҗасы  Илдус улы Гаяновка, Рәхмәтуллин Айрат Нәгыймулла улына зур рәхмәтебезне белдерәбез.

2024 елның 9 октябрь  9:00 сәгатьтән 15:00 сәгатькә кадәр Закир Юсупова урамы йортлары-5,11,13,13А,13Б,19Б,15,15А,19,17,17А, Төзүчеләр урамы йортлары - 1,3,5,5А,5Б,7,9,11, Мәктәп урамы  52 йортларында , Мәктәп урамнарында үзәкләштерелгән су белән тәэмин итүне өзү планлаштырыла.

Уңайсызлыклар өчен гафу үтенәбез.

Бүген Әбрар Кәримуллин исемендәге Саба район китапханәсендә   «Алдынгылар хәрәкәте»  катнашучыларының әдәби очрашу кичәсе булып узды.  
Китапханә методисты Рәзинә Дәминова белән берлектә укучылар искиткеч язучы Айгөл Әхмәтгалиева әсәрләре турында фикер алыштылар. Әлеге очрашу вакытны файдалы уздыру өчен менә дигән сәбәп булды! 
Балалар иҗаты үзәгенең вокал буенча өстәмә белем бирү педагогы - Фәрид Аубакиров катнашындагы гитарага матур җырлар чарага тагын да ямь өстәде.