ЯҢАЛЫКЛАР
Явлаштау авыл китапханәсе китап бирү пунктында М.Ю. Лермонтовның тууына 210 ел тулуга багышланган «Россиянең бөек улы» исемле танып белү сәгате үткәрде. Чарада күргәзмә оештырылды. Чарада катнашучылар шагыйрьнең мавыктыргыч биографиясе белән таныштылар. Кунаклар Лермонтовның шигырьләрен кычкырып укыдылар. Чара азагында Михаил Юрьевичның иҗаты һәм биографиясе буенча викторина булды, аның нәтиҗәсендә катнашучылар үзләренең белемнәрен тикшерә һәм бөек шагыйрьнең әдәби мирасын тирәнрәк аңлый алдылар.
Бөтендөнья Чиста куллар көненә, 16 октябрь көнне Шәмәрдән модель һәм балалар китапханәсе «Чиста куллар турында» сәламәтлек сәгате үткәрде. Китапханәчеләр микроорганизмнарның нәрсә булуын, аларның төрлелеге һәм билгеләнеше турында аңлаттылар. Балалар китапханәчеләр белән юылмаган куллар аша кеше организмына төрле авырулар китереп чыгаручыларның ничек эләгүе һәм ни өчен гади гигиена процедурасы — кулларны юу — көн саен меңләгән балаларның гомерен саклап калуы турында җанлы әңгәмә алып бардылар. Аннары барысы да бергәләп табышмаклар чиштеләр һәм сәламәтлек турындагы китаплар белән таныштылар. Чара тематик мультфильм карау белән тәмамланды.
2024 елның 16 октябре 22.00 сәгатьтән 17 октябрь 09.00 сәгатькә кадәр
метеорологик күренешнең интенсивлыгын кисәтү турында консультация.
17 октябрьдә төнлә һәм иртән Татарстан Республикасы территориясендә (Казанда да) урыны белән томан көтелә, юлларның аерым участокларында бозлавык хасил булу ихтималы бар.
15 октябрь көнне Миңгәр авыл китапханәсендә балалар өчен Бөтендөнья чиста куллар көненә багышланган "Чиста куллар-сәламәтлек нигезе" дигән әңгәмә үткәрелде. Чара барышында китапханәче балаларга кул юу кагыйдәләре турында искәртте, кулларны юуның ни өчен кирәклеге һәм сабынны кем уйлап табуы, сабынның нинди төрләре булуы, аны кешенең көндәлек тормышында куллануның мөһимлеге турында сөйләде.
12 октябрь көнне Миңгәр авылы клубында Миңгәр башлангыч мәктәбендә эшләп чыккан мөгәллимнәр очрашты. Бу күркәм, матур очрашуны оештырган Миңгәр авыл клубы мөдире Резеда Камил кызына һәркем рәхмәтле. Бу кичәдә катнашкан һәркемгә зур рәхмәтебезне белдерәбез.
2024 елның 15 октябрендә Саба районы мәктәпкәчә мәгариф учреждениеләреннән 5 педагог Арча шәһәрендә республика семинарында чыгыш ясады.
15 октябрьдә Саба балалар сәнгать мәктәбенең Шәмәрдән филиалында «Казанның истәлекле урыннары» дип исемләнгән иҗади эшләр күргәзмәсе оештырылды (укытучысы Мифтахова Ф.И.). Укучылар үз хезмәтләрендә сайланган мәдәният һәйкәлләрен һәм башкалабызның күренекле урыннарының рәсемнәрен ясадылар, Казан шәһәренең матурлыгын һәм уникальлеген күрсәттеләр.
15 октябрь көнне «Тарих сакчылары» проекты кысаларында Шәмәрдән лицееның Алдынгылар хәрәкәте активистлары һәм Юнармиячеләр остазлары белән берлектә Җиңү паркында булдылар.
Катнашучылар Бөек Ватан сугышында, фронтта һәм тылдагы якташларның истәлекләре белән таныштылар, хәрби бурычларын үтәгәндә күрсәткән батырлыклары турында кызыксынып тыңладылар, чара ахырында паркта урнашкан һәйкәлләрне чистарттылар.
Мондый проектлар үсеп килүче яшь буынга илебез тарихы турындагы хәтерне сакларга ярдәм итә!
15 октябрь — татар халкының Хәтер һәм кайгы көне, Татарстанда һәм башка дөньяда татарлар тарафыннан ел саен Иван Грозный гаскәрләреннән Казанны саклаганда һәлак булганнар истәлегенә билгеләп үтелә торган истәлекле дата. Шул уңайдан Саба район китапханәсендә «Сөембикә» клубы өчен «Сөембикә Казан ханлыгы патшабикәсе»дигән туган якны өйрәнү сәгате үткәрелде.