ЯҢАЛЫКЛАР
Курсабаш авыл җирлегенең Түбән Утар авылында гражданнар җыены узды.
11 ноябрьда Саба муниципаль район Советының чираттагы утырышы булып узды. Аның эше белән район Советы рәисе Рәис Нургалиевич Миңнеханов җитәкчелек итте. Утырышта 2026 елга hәм 2027-2028 елларның планлаштырган чорына район бюджеты проекты беренче укылышта каралды. Доклад белән районның Финанс-бюджет палатасы рәисе Ш.Ә Сөнгатов чыгыш ясады.
Районыбыз символларын саклау – безнең изге бурычыбыз. Саба муниципаль районы Гербы 2005нче елның 14нче нояберендә кабул ителә. Әлеге тарихи вакыйганы истә тотып Саба туган якны өйрәнү музеенда “Мирас” түгәрәгенә йөрүчеләр белән чираттагы утырыш үткәрелде. Чара барышында Татарстан Республикасынын Атказанган укытучысы, Саба ягы төбәген өйрәнүче Сафин Ильдар Фатхулла улы тарафыннан әзерләнгән видеосюжет каралды, шулай ук герб тарихы, символларның кеше тормышында ролен тәфсилләп сөйләде. Катнашучыларның кызыксындырган сорауларына җавап бирде, гербның һәрбер элементына аерым басым ясады. Утырышка мәдәният йортында рәссам булып эшләүче Миннерасих Алтынбаев Миннерәшит улы да чакырулы иде. Районның бүгенге гербы расланганчы, районыбыз туграсы ролен ул ясаган эмблема үти. Утырышта әлеге эмблема ясалу тарихы белән уртаклашты.
12 ноябрь көнне Явлаштау авыл китапханәсендә «Әдәби алан» проекты кысаларында «Ипи тәме» дип исемләнгән әдәби сәгать үткәрелде.
Очрашуда катнашучылар күренекле татар язучысы Габдрахман Әбсәләмовның тормышы һәм иҗаты турында белделәр. Аның «Без кырык беренче ел балалары» повестена аерым игътибар бирелде.
Балалар сугыш чорында икмәкнең кыйммәте турында күңелгә үтеп керерлек итеп тасвирланган өзекләрне зур кызыксыну белән тыңладылар. Бу юллар яшь укучыларга ул елларның авырлыгын һәм ата-бабаларының батырлыгын яңача аңларга ярдәм итте.
Әдәби сәгать иҗади эш белән тәмамланды: балалар проект соравына җаваплар яздылар һәм теләге булганнар «Блокададагы Ленинград икмәге» темасына рәсемнәр ясадылар.
Социаль хезмәт алучылар «РЦ Балкыш» ( Сияние) ,Саба районының матур табигатьле, урман эчендә урнашкан Лесхоз бистәсенә сәяхәткә чыктылар.
Консультация-Татарстан Республикасында метеорологик күренешнең интенсивлыгы турында кисәтү
Саба гимназисендә профилактик очрашу үткәрелде . Укучыларның мәктәптә һәм җәмәгать урыннарында үз-үзләрен тотуның актуаль темасы, мошенниклык, РТ №71 нче номерлы законы белән тагын бер кат танышу мөмкинлеге булды.
Курсабаш авыл җирлеге үзешчәннәре 8 ноябрь көнне Курсабаш мәдәният йортында "Туган җиргә кайтты кайтмаганнар "Хәтер китабы"на төренеп" дип исемләнгән концерт программасын тәкъдим итте. Әлеге концерт Бөек Җиңүнең 80 еллыгына багышланды. Җыр-бию, милли уен кораллары белән чыгыш ясау һәм башка сәнгать төрләре тамашачы күңеленә хуш килде. Барлык катнашучыларга рәхмәт белдерәбез!