ЯҢАЛЫКЛАР

Явлаштау авыл җирлегендә җирле әһәмияттәге юллар кышкы чорда даими рәвештә кардан чистартылып торылды. Ә бу юлы юл кырыендагы канауларны ачу  эшләре алып барыла. Эшне «Шәмәрдән күптармаклы җитештерү предприятиесе " -нән җәлеп ителгән махсус техника башкара»

Нәүрүз (яки Нәүрүз) – мөселман Яңа ел, ул традицион рәвештә 21 мартта-язгы көн белән төн тигезләшкән көнне билгеләп үтелә. Фарсы теленнән «Нәүрүз» дип тәрҗемә иткәндә яңа ел, яз, яңарыш башлануны символлаштыручы «яңа көн» дигәнне аңлата.

20 нче март көнне Мишәбаш авыл клубында Раушан Шәрифнең «Мәхәббәт, кәҗә һәм башкалар...» музыкаль комедиясе куелды. Рольләрне мәдәният хезмәткәрләре башкарды. Артистлар башкаруында бик күп матур җырлар яңгырады, дәртле биюләр һәм күп кенә кызыклы юмор башкарылды. Концерттан тамашачылар күтәренке кәеф белән кайтып киттеләр.

Балалар бакчасында тәрбияләнүчеләрнең чит телләрне өйрәнүен камилләштерү,  талантлы балаларны ачыклау максатыннан, 22 март көнне Балалар иҗаты үзәгендә традицион чит телләр фестивале булып узды. Фестиваль районның 18 мәктәпкәчә белем бирү оешмасыннан 110нан артык баланы җыйды. Бәйге өч юнәлеш буенча үткәрелде: «Җыр», «Шигъри әсәр», «Театральләштерелгән тамаша». Фестивальдә катнашучылар  рус, татар һәм башка милләт әсәрләрнең инглиз телендәге композицияләрен башкардылар.

21 март – яз фасылының көн белән төн тигезләшкән көне. Иске календарь буенча ул Яңа ел бәйрәме булып санала. 20 март көнне Иләбәр авылында Нәүрүз бәйрәме уздырылды. Иләбәр авыл клубы, китапханә, хезмәткәрләре тырышлыгы белән уздырылган бәйрәм, балалар чыгышы белән башланып китте. Яз хәбәрчесе Нәүрүзбикә авыл халкы белән төрле кызыклы уеннар оештырды. Кыш бабай белән Нәүрүзбикә арасындагы көрәш яз файдасына тәмамланды. Килгән кунаклар пылау, төрле боткалардан авыз иткәннән соң  самавырдан кайнар чәй эчтеләр.

Милли бәйрәмнәр һәрвакыт үзенчәлекле атмосфера, гадәти булмаган гореф-гадәтләр һәм кызыклы, тирән гореф-гадәтләр белән уратып алынган. Астрономия календаре буенча Истәлекле Нәүрүз нәкъ менә шундый бәйрәмгә керә. Бу көн табигатьнең, кешенең, аның күңеленең һәм йөрәгенең яңаруын, ә киң мәгънәдә – яңа тормыш башлануын аңлата. 19 март көнне Эзмә мәдәният йорты ишегалдында "Нәүрүз" бәйрәме үткәрелде. Бәйрәм Кыш бабайның гадәти булмаган чаналарда килүеннән башланды. Соңыннан кызыклы һәм күңел ачу сәхнәсе белән дәвам итте. Авылдашлар уенга кушылып, биеделәр. Бәйрәм ахырында тәмле пылау, коймак белән сыйландылар. Барлык катнашучылар да бәйрәм чарасы ахырында истәлекле бүләкләр белән бүләкләнделәр.

Метеорологлар көне белән, кадерле фаразларны төзүчеләр һәм тапшыручылар! Сезгә күтәренке кәеф һәм нурлы бәхет, көчле шатлык һәм соклану телибез! Сезнең фаразларыгыз һәрвакыт уңайлы һәм җентекле, төгәл һәм оптимистик булсын.

Төбәк авылында яшәүче Корбанова Әминә Бәдри кызына 90 яшь тулды. Юбилярны РФ Президенты В.В. Путин, район, республика җитәкчеләре исеменнән авыл җирлеге башлыгы А.К. Сафин котлады һәм бүләкләр тапшырды.

Олы Кибәче авыл җирлегендә авыл җирлеге кубогына хатын-кызлар арасында волейбол ярышы булып узды. Ярышта 4 команда катнашты. Кубокка студент кызлар командасы ия булды.

2022 елның 19 мартында Тимершык авыл җирлеге хоккей майданчыгында Гарипов Минияр Әхматнур улы, Мубараков Айнур Илдус улының якты истәлегенә “Итекле хоккей”  бәйгесе үткәрелде. Хоккейда алты команда катнашты. Командалар мактау грамоталары һәм иганәчеләребезнең акчалата призлары белән бүләкләнделәр.