Ремонт эшлэренэ бәйле рәвештә, 19 август конне сәгать 09:00 дан 14:00 га кадәр Г.Башир, Зеленая, А.Кутуй, Хазеев, Сосновая, Солнечная, Пушкин, И.Башкиров, А.Кәримуллин, Жиңүнең 55 еллыгы,  Счастливая, Шатлык, Туганлык, Азатлык, Ватан урамнарында  үзәкләштерелгән су белән тәэмин итүне туктату планлаштырыла.
Килеп туган  уңайсызлыклар өчен гафу үтенәбез һәм эчәргә яраклы су запасы туплап куюыгызны сорыйбыз.

18 августа 2022 года в парке «Семья» пгт.Богатые Сабы в рамках районного проекта " с песнями и танцами на вечерние игры, на луга возвращаюсь через время...«проведено мероприятие " традиции предков мы продолжаем! Приходите! Приглашаем на вечеринку!».

18 август көнне Эзмә мәдәният йорты хезмәткәрләре балалар белән «Китап белән сәяхәт " дигән темага экскурсия оештырдылар. Җәйге укулар балаларда китапка карата кызыксыну уяталар, уку мәдәниятенә тартылалар, балалар фантазиясен һәм иҗади сәләтләрен үстерәләр. Ял вакытында балалар белән балалар басмаларына күзәтү үткәрелде, кыскача гына балалар язучылары һәм әкиятләре турында сөйләделәр. Табигатьтә балалар бик теләп тылсымлы әкиятләрнең, балалар китапларының һәм журналларының гаҗәеп битләрен карадылар. Ачык һавада уку файдалы гына түгел, кызыклы да, уңайлы да.

Автоном коммерцияле булмаган «Балкыш»-(Сияние)  тернәкләндерү үзәгендә психолог җитәкчелегендә социаль хезмәт алучылар өчен ароматерапия һәм музыкотерапия элементлары белән релаксацион дәресләр үткәрелә.

Олы Нырты авыл җирлеге мәдәният хезмәткәрләре  Кукмара районы Совхоз Нырты авылына сәяхәт ясадылар. Бу гади генә сәяхәт тугел , ә иҗади иде. Без авыл һәм кунакка кайткан балалар өчен татар халкының " Өч кыз" әкиятен күчтәнәч итеп алып килдек.

Саба муниципаль районындагы ВФСК ГТО сынау үзәге һәркемне ГТО стандартлары комплексын үтәргә чакыра

Хөрмәтле гражданнар! "Татарстан Республикасы Гидрометеорология һәм әйләнә - тирә мохитне күзәтү идарәсе" ФДБУНӘН килде:

Консультация-кисәтү метеорологик күренеш интенсивлыгы турында

сәгать 6дан. 18 сәгатькә кадәр. 19 август 2022 ел.

  Татарстан Республикасы территориясендә һәм Казан шәһәрендә 2022 елның 19 августында иртән һәм көндез урыны белән көнчыгыштан исүче җилнең тизлеге секундына 15 метрга кадәр җитәргә мөмкин.

17 август көнне Балалар иҗат үзәге базасында “Мәктәпкә җыенырга булыш” хәйрия акциясе узды. Бу бәйрәмдә ярдәмгә мохтаҗ аз керемле һәм күп балалы гаиләләрдәге 50 балага портфельләр, уку кирәк-яраклары һәм акчалата ярдәм тапшырылды. Аларны Саба муниципаль район башлыгы Рәис Нургали улы Миннеханов, Татарстан Республикасы Дәүләт Советы депутаты, якташыбыз Марат Ибраһим улы Галиев, “Таттелеком” ачык акционерлык җәмгыятенең Саба бүлекчәсе җитәкчесе Алмаз Тәбрис улы Галиев бүләкләп, үзләренең изге теләкләрен җиткерделәр. Укучыларга шулай ук шәхси эшмәкәрләр, районыбызда эшләп килүче оешма җитәкчеләре акчалата ярдәм күрсәттеләр.

Акция кысаларында районыбызның барлык мәктәпләрендә укучы 1 сыйныф укучыларын бүләкләү исә һәр мәктәптә аерым оештырылачак. Район буенча быел 515 балага ярдәм күрсәтелә, әлеге укучыларның 447се 1 класска бара.

Югары Симет, мине, Мишә, Утар, Түбән Симет, Иләбәр авыл мәдәният йортлары хезмәткәрләре һәм үзешчән сәнгатьтә катнашучылар Теләче районы Субаш авылында "Без бит Саба ягыннан" дип исемләнгән урам концерты оештырдылар. Концерт номерлары күңелле конкурслар белән чиратлашып барды. Канәгать тамашачылар кадерле кунакларны озак җибәрмәделәр, яхшы кәеф өчен рәхмәт белдерделәр һәм иҗади уңышлар теләделәр.

17 август көнне белем көне алдыннан Шәмәрәннең «Рост» лицеенда ел саен үткәрелә торган «Мәктәпкә җыенырга ярдәм ит! " хәйрия акциясе узды.  Беренче сыйныф укучыларын Татарстан Республикасы Саба муниципаль районы башкарма комитеты җитәкчесе Ишниязов Марат Рашат улы, Шәмәрдән авыл җирлеге башлыгы Гәрәев Айдар Наил улы, лицей директоры Мөхәммәтов Илфат Рөстәм улы котладылар һәм аларга Саба муниципаль районы башлыгы Миңнеханов Рәис Нургали улы һәм «Нәфис-Косметикс» АҖ җитәкчесе исеменнән бүләкләр тапшырдылар. Акциядә катнашкан барлык оешма җитәкчеләренә һәм спонсорларга рәхмәтебезне белдерәбез.