ЯҢАЛЫКЛАР
Мингәр авылының урамнарында Республика программасы нигезендә иске су үткәргечне яңага алыштыру эшләре алып барыла.
Татарстан Республикасы территориясендә метеорологик күренешнең интенсивлыгын кисәтү турында консультация
8 июльдә «Гаилә, мәхәббәт һәм тугрылык» көнендә Кызыл-Мишә авыл китапханәсендә «Җәй көненә китап белән бергә» дигән танып белү әңгәмәсе узды. Китапханәче башта борынгы гаилә традицияләре турында сөйләде. Аннан соң балалар «Гаилә серләре» конкурсында актив катнаштылар, гаиләләренең гореф-гадәтләре, һәм гаиләләренә үзләре ничек ярдәм итүләре турында сөйләделәр. Гаилә турында мәкальләрне, табышмакларны һәм шигырьләрне искә төшерделәр.
9 июльдә «Гаилә, мәхәббәт һәм тугрылык көне» уңаеннан Кызыл-Мишә мәдәният йорты һәм китапханә хезмәткәрләре балалар өчен «Гаилә: без бер-беребезгә кирәк» дигән табигатьтә ял оештырдылар. Балалар белән табигатьтә ял итүдән дә яхшырак нәрсә булырга мөмкин түгел?! Табигать безне саф һава, чәчәк исе һәм кошларның моңлы сайравы белән җәлеп итә. Саф һавада ял итү аларны смартфон артында даими вакыт үткәрүдән аерды. Балалар күңелле итеп ял иттеләр, үзара аралаштылар һәм хәрәкәтчән уеннар уйнадылар. Алар күтәренке рух һәм күп уңай эмоцияләр алдылар
Юлбат авылында җаваплылыгы чикләнгән “Рамазан” җәмгыяте халыктан җыйналган үзара салым хисабына авыл юлларындагы чокырларны ремонтлау эшләрен башкара.
Миңгәр торак пунктында күл янында пляж комплексы төзелә. Эшләр шәхси дәүләт партнерлыгы акчасына алып барыла.
Гаилә, мәхәббәт һәм тугрылык көнен бәйрәм итү кысаларында безнең приютта «Безнең гаиләбезнең чәчәк бәйләме» дип исемләнгән мастер-класс узды. Директор урынбасары Гөлзада Гомәр кызы бәйрәмнең символы – ромашка Россия территориясендә киң таралган, үзенчәлекле матурлыкка ия һәм һәркемнең йөрәгенә якын булган кыр чәчәге икәнлеген сөйләде. Ромашка бәйрәм символына очраклы гына әверелмәгән, борынгыдан бу кыр чәчәге саф һәм эчкерсез мәхәббәт символы булып санала, һәм изге Петр һәм Феврония көнендә ромашкалар болыннарда һәм кырларда актив чәчәк ата. Мастер-класс вакытында ата-аналар һәм балалар үзләренең иҗади сәләтләрен күрсәттеләр һәм табигый материаллардан букет ясадылар. Мастер-класста һәр гаиләнең чисталык, наз һәм мәхәббәт символы булган ромашкалардан үз чәчәк бәйләме барлыкка килде.Балалар үзләренең кул эшләнмәләрен һәм чәчәк бәйләмнәрен якыннарына бүләк итәр өчен үзләренә алдылар.
Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Тенеки авылында 88 м. юл ремонтлады.
Халыкара шоколад көне - ел саен 11 июль көнне билгеләп үтелә. Шушы уңайдан Юлбат авыл китапханәсе “Шоколад көне ” дип исемләнгән уенлы программа үткәрделәр. Чараның максаты – шоколадның файдалы үзлекләре, аның килеп чыгу тарихы, шоколад турында кызыклы фактлар белән таныштыру, кызыклы уеннар һәм биремнәр аша балалар шагыйрьләренең иҗатына кызыксыну уяту. Уен барышында блиц – викторина, шоколадлы викторина, «Шоко - пазл» төзү, “ ШОКОЛАД сүзе хәрефләреннән иң соңгы булып сүз төзү» уены, “тәмле” табышмаклар чишү һ.б. уеннар балалар тарафыннан җылы кабул ителде, кызыксынып уйналды. Шоколадлы уеннан соң һәрбер бала шоколадка ия булды.