ЯҢАЛЫКЛАР

14 августта без коллектив белән "МИРАС" КАЗАН ЦИРКына бардык, аның һәр номеры - хис-кичерешләр шартлавы. Тамашачы залында малайлар чыелдадылар һәм күзләрен йомдылар... Коллектив искитмәле костюмнар, бизәкле декорацияләр, шулай ук тамашаның эмоциональ һәм рухи атмосферасын билгеләп үтте. "Мирас" шоуы цирк тамашасы гына түгел, ә тарих һәм әкият сөйләгән театраль куелыш.  Цирк артистлары осталык һәм катлаулы трюклар күрсәтә, тамашачыларда соклану уята. Костюмнарның матурлыгы һәм сыйфаты, шулай ук декорацияләрнең масштаблылыгы һәм бизәлеше белән сокланырга гына кала... "Мирас" шоуы татар мирасы белән бәйле тарихларны сөйли, бу тамашачыларда җавап таба. Тамаша тамашачыларның хисләренә кагыла, соклану уята.  Тулаем алганда, "Мирас" циркы бездә якты һәм истә калырлык тәэсирләр калдырды, үзендә цирк сәнгате һәм театр куелышын берләштергэн. Казан циркына искиткеч мотивацияләүче тамаша өчен рәхмәт!

Татарстан Республикасын 9 кадет мәктәбеннән 20 кадет тәкъдим итә. Икшермэ кадет мәктәп интернатыннан Татарстан Республикасының абруен Рассохин Алексей һәм Сабиров Ильназ кадетлар яклый. 

“Күрше” фестивале «Безнең ишегалды» программасының дәвамы һәм ил масштабында моңарчы күрелмәгән проект. Әлеге бәйгегә Татарстан Республикасы Рәисе Рөстәм Миңнеханов старт биргән иде. «Күрше» фестивале – халык арасында күршелек культурасын үстерүгә, Татарстан ишегалларында гаилә һәм күршелек традицияләрен ныгытуга юнәлдерелгән проект.

Шундый чараларның менә инде икенчесе Байлар Сабасының Дальная урамында үткәрелде. Биредә үзмәшгуль, проектның җиңүчесе Алисә Гимадиева тарафыннан, Саба мәдәният бүлеге, Саба үзәкләштерелгән музейлар системасы белән берлектә “Халкымның күңел бизәкләре” дип исемләнгән чара үтте.

Чараның чираттагысы 30 август-Республика көне уңаеннан үткәреләчәк.

Татарстан Республикасы территориясендә метеорологик күренешләрнең интенсивлыгы турында Консультация-кисәтү

Татарстан Республикасы территориясендә метеорологик күренешләрнең интенсивлыгы турында шторм-кисәтү

2025 елның 18 августында Гимназия базасында информатика укытучыларының секция утырышы булды. Чараның төп максаты предметны укыту процессына заманча мәгълүмат технологияләрен һәм яңа белем бирү стандартларын актив кертүдән гыйбарәт иде.

   18нче август көнне Саба урта мәктәбе базасында  Саба районы мәгариф хезмәткәрләренең  август конференциясе кысаларында “Хезмәт – киләчәккә күпер: актуаль күнекмәләр һәм укытуның заманча алымнары” дип исемләнгән технология укытучыларының секция утырышы булып узды. 

17 августта «Саба-Арена» спорт мәктәбендә «Спорт һәркайсыбызда» ачык ишекләр көне узды. Ләйсән Зарипова иртәнге зарядканы үткәрде. Бу зарядка гына түгел, бу чын күңел күтәренкелеге һәм көне буе яхшы кәеф заряды иде! Барысы да бик күп уңай хис-кичерешләр алды, энергия белән тулыланды һәм үзләрен бик яхшы хис итте! Мәктәп спортчылары Рияна Имамиева белән Сумая Нәҗметдинова искиткеч матур концерт номерлары белән сәламләделәр. Зур залда спортчылар тренерлары белән бергә бадминтон, өстәл теннисы, фехтование һәм шахмат буенча техник күнекмәләрен күрсәттеләр. Балаларга бадминтон, өстәл теннисы, фехтование, шахмат традицияләрен тарту, «Саба-Арена» спорт мәктәбенең заманча спорт корылмасы белән танышу, шулай ук балалар спортын популярлаштыру максатында УСК буенча экскурсия үткәрелде. Мәктәп эшен тәкъдир иттеләр, спорт төрләре буенча федераль стандарт белән таныштырдылар. Чара барышында балалар һәм ата-аналар көч сынаштылар, күңелле эстафеталарда тапкырлык һәм җитезлек күрсәттеләр. Спорт эстафетасы күңелле һәм дәртле үтте. Командалар спорт осталыгын күрсәттеләр, шулай ук күңел күтәренкелеге һәм бик күп уңай хис-кичерешләр алдылар. Ачык ишекләр көне спорт төрләре буенча югары квалификацияле категорияле тренер-укытучыларның мастер-класслары белән тәмамланды. Барыгызны безнең базада көтәбез!

16 нчы август кичендә Олы Арташ авыл клубы мәйданы "Татарстанда җәй" кысасында үткән "Җәй җитте Җәмилә" чарасы белән гөр килеп торды.  Чараны үткәрүдә Килдебәк мәдәният йорты мөдире үз өлешен кертте. 
Кичә гармун моңы астында җырлар белән башланып, самоварда кайнаган чәй эчеп дәвам итте һәм билгеле инде, дискәтүк белән тәмамланды. 
 Кичә халыкка бик хуш килде.  Биеп арганнан соң, өйләренә яхшы кәеф һәм рәхмәт сүзләре белән таралыштылар.

Район аграрийларының хәзер иң эссе чоры. Һәр минут исәптә, алар иртәдән алып төн уртасына кадәр эшлиләр. Өлгергән бодайның татлы исе, комбайн дөбердәве белән тулган кайнар көннәр һәм җылы төннәр, тау - тау алтын бөртеге-болар барысы да урып-җыю мохите баруын аңлата. 16 августта" Фирүзә "АГИТКОЛЛЕКТИВЫ,Ике басу Арташ мәдәният йортының, Сабабаш, Өчнарат авыл клублары белән берлектә" Нырты " АХП ҖЧҖ кырларына чыкты.". Басуларда эш кайный, игенчеләрнең һәр минуты кадерле, шуңа да карамастан, безне һәркайда теләп каршы алдылар. Кырларда комбайнчылар арасында булдык, механизаторларда тукталдык. Чыгыш барышында 80 Җиңү чагылыш тапты, комбайнчыларга "Урак - 2025" дип язылган вымпеллар бүләк итте