ЯҢАЛЫКЛАР
25 октябрьдә Саба район мәдәният йортында "Татарстан Республикасында социаль хезмәт күрсәтүнең актуаль мәсьәләләре. 2023 елның 9 аена йомгак ясау" дигән темага семинар – киңәшмә булып узды. Лесхоз өлкәннәр һәм инвалидлар өчен интернат-йорты бу семинарда актив катнашты, күргәзмә һәм мастер-класс оештырылды. Социаль хезмәтләр алучылар Габдулла Тукайның «Шүрәле» поэмасыннан өзек күрсәттеләр.
Волонтерлык-безнең эштә мөһим юнәлеш.Балаларыбызны игелеккә, кызганучанлыкка һәм якыннарыбызга ярдәм итәргә өйрәтү-безнең төп бурычларыбызның берсе.
Безнең приютта тәрбияләнүчеләр бүгенге сәяхәткә бер атна әзерләнделәр. Безнең тәрбияләнүчеләр интернат балаларына үз җаннарының игелеген һәм җылылыгын бүләк иттеләр. Искиткеч уртак һөнәрләр килеп чыкты һәм иң мөһиме мастер - класс барышында безнең балалар уртак тел таптылар һәм дуслаштылар.
20 нче октябрьдә «Югары Утар психик тайпылышлары булган гражданнар өчен балалар интернат йорты» дәүләт казна учреждениесендә» «Тургай» балалар һәм яшүсмерләр өчен социаль приюты тарафыннан агачтан эшләнмәләр ясау буенча мастер-класс үткәрелде.
Лесхоз өлкәннәр һәм инвалидлар өчен интернат – йортының социаль хезмәтләр алучылары Саба урман хуҗалыгы тарихы музеенда булдылар, мастер-класста катнаштылар.
15 октябрьдә "Тургай" приютында "Әтиләр көне" бәйрәме билгеләп үтелде. Без барыбыз да беләбез, балалар өчен ата-аналардан якынрак кеше юк. Балалар яңа бәйрәмнең барлыкка килү тарихы турында белделәр. Алар портретлар ясадылар һәм әтиләре, гаилә бәйрәмнәре турында сөйләделәр, кызыклы мизгелләрне искә төшерделәр, шигырьләр укыдылар.Бәйрәм бик күңелле үтте.
Саба районы «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе социаль педагоглары "Әтиләр көне" уңаеннан социаль хезмәтләрдән файдаланучылар белән чара уздырдылар. Әлеге чараны үткәрүнең максаты: гаиләне берләштерүгә ярдәм итү, балаларда гаиләдәге әтинең дөрес һәм уңай социаль статусын формалаштыру өчен йөкләмә булдыру; әхлакый- эстетик кыйммәтләрне формалаштыру, ата-аналарга карата горурлык һәм хөрмәт тәрбияләү.
"Балкыш" комплекслы социаль хезмәт күрсәтү үзәгендә социаль хезмәт күрсәтү бүлегенең чираттагы җыелышы булды. Анда район үзәк хастаханәсенең гериатор табибы катнашты. Инфаркка каршы профилактика буенча мәгълүмат белән таныштырды. Учреждениенең медицина хезмәткәре "Профилактика появления пролежней и контрактур" темасына дәресләр үткәрде.
Гаилә кыйммәтләрен формалаштыру бик мөһим катлаулы оешкан процесс. Һәр заманда үзгәрешсез булган гаилә кыйммәтләре бар, алар үзара аңлашу, якыннарына игътибарлы һәм ихтирамлы мөнәсәбәтләр. Шуңа бәйле рәвештә тәрбияченең бурычы-тәрбияләнүчеләрне берләштерүгә ярдәм итүче чаралар оештыру.
Автоном коммерцияле булмаган «Балкыш»-(Сияние) тернәкләндерү үзәгендә социаль хезмәт алучылар өчен Тәлгат Нәҗмиев исемендәге Шәмәрдән китапханәнсенең уку залында “Сядем рядком- поговорим ладком” исеме астында әдәби сәгать узды.
11 октябрьдә Лесхоз өлкәннәр һәм инвалидлар өчен интернат-йортында «Гарденотерапия» социаль-реабилитация технологиясе үткәрелде. Хезмәт буенча инструктор җитәкчелегендә социаль хезмәтләр алучылар бүлмә гөлләре утырттылар.