ЯҢАЛЫКЛАР

18 февральдә яңа «Оста» балалар иҗат үзәге бинасы тантаналы рәвештә ачылды. Яңартылган үзәктә төрле яшьтәге укучыларга өчен техник юнәлештәге түгәрәкләр эшли башлады. Ачылу тантанасында мәртәбәле кунаклар арасында Татарстан Республикасы Дәүләт Советы Рәисе Фәрит Хәйрулла улы Мөхәммәтшин, шулай ук район хакимияте вәкилләре, педагоглар һәм ата-аналар катнашты. «Оста» балалар иҗат үзәге түбәндәге юнәлешләр буенча заманча кабинетларны үз эченә ала:

- робот техникасы һәм конструкцияләү;

- авиамодельләштерү;

- автомодельләштерү;

- судомодельләштерү;

- 3D-модельләштерү;

- агач эшкәртү;

- металл эшкәртү;

- химия-биология һәм экология-биология юнәлеше;

- кызыклы физика;

- тегү остаханәсе;

- чүлмәк әвәләү;

- рәсем сәнгате;

- мозаика

 «Оста» балалар иҗат үзәгенең максаты - балаларга башлангыч техник белем бирү генә түгел, ә аларның һәрьяклап үсешенә ярдәм итүче атмосфера булдыру һәм һөнәри юнәлеш бирү өчен уңайлы шартлар тудыру. 

Шыңар урта мәктәбендә Халыкара китап бүләк итү көненә багышланган «Тышлык нәрсә яшерә?» исемле китап алмашу чарасы узды — иң җылы  һәм  илһамландыргыч бәйрәмнәрнең берсе.

Бу көнне укучылар, педагоглар һәм «Беренчеләр хәрәкәте»нең башлангыч бүлекчәсе активистлары бәйрәмнең төп идеясе тирәсендә берләште — санлы технологияләр гасырында да китапның иң яхшы бүләк булып калуын күрсәтү.

Яр Чаллы шәһәренең "36нчы инновацион технологияләр лицее" базасында «Россиянең инженер кадрлары» Бөтенроссия һөнәри юнәлеш бирү конкурсының «ИКаРенок» һәм «Икар-Старт» республика ярышлары узды. Әлеге бәйгедә Сабаның 3 нче номерлы «Шоколад» балалар бакчасының тренер Габдрахманова Г.Ф. җитәкчелегендәге «Робо Акцент» командасы лаеклы 1 урынны яулады. Мәктәпкә әзерлек төркемендә тәрбияләнүчеләр — Шәмсетдинов Илдан, Әхмәтҗанова Иделия һәм Кәримов Әмирхан R: ED KIDS, LEGO WEDO, HUNO & BOT конструкторлары ярдәмендә «ЕВРО АКЦЕНТ САБА» предприятиесе өчен роботлаштырылган механизмнар ясадылар һәм үз проектларын жюри алдында тәкъдим иттеләр.

"ОНИКС" мәгариф үзәгендә, башлангыч сыйныф укытучылары өчен бик көтелгән кышкы методик фестиваль узды. Педагогик осталык бәйрәменә әйләнгән бу чара  балаларга һәм хезмәтенә мәхәббәте чиксез булган чын профессионалларны җыйды.

Фестивальдә катнашучыларның географиясе киң иде: Татарстанның төрле почмакларыннан килгән педагоглар белән беррәттән, күрше республикалар – Марий Эл һәм Башкортстаннан да укытучылар килде. Тверь, Киров һәм хәтта Тула өлкәләре кебек ерак төбәкләрдән килгән кунакларны күрү дә бик шатландырды.

14нче февраль көнне Саба урта мәктәбе базасында мәктәп  укучылары арасында волейбол ярышы булып үтте. Командалар үзара көч сынаштылар. 

Профилактик чаралар, үсеп килүче буынны тәрбияләүдә мөһим роль уйный. Саба гимназиясендә дә  хокук бозу очракларын кисәтү максатыннан, төрле профилактик субъектлар белән укучылар арасында хокук бозуларны профилактикалау буенча зур эш алып барыла. Төрле структуралар вәкилләре белән очрашулар оештырыла, Татарстан Республикасы Мәгариф һәм фән министрлыгы тәкъдим иткән фильмнар күрсәтелә.

Саба урта мәктәбендә иҗат һәм казанышлар атмосферасы хөкем сөрде! Мәктәбебез «Яшь оста» конкурсының район турында катнашкан укучыларын бүләкләү тантанасы оештырды. Балалар үзләренең талантларын күрсәттеләр. Директор балаларны уңышлары белән котлап дипломнар  һәм «тәмле бүләк» тапшырды.

Республика күләмендә үткәрелүче «Тату сыйныф серләре» бәйгесенең район этабында барлык мәктәпләрнең дә әти-әниләр комитетлары катнашып, уңышлы чыгыш ясады. 

Саба интернат-мәктәбе командасы иң гади судно модельләре төзү буенча зона шәхси-команда ярышларында яхшы нәтиҗәләр күрсәтеп, 3 нче урынны яулады.

 Лесхоз урта мәктәбе базасында узган ярышлар инвалид балалар һәм сәламәтлекләре чикле балалар өчен махсус оештырылды. Укытучы Марат Наил улы җитәкчелегендә балалар искиткеч нәтиҗәләр күрсәттеләр: Хәйруллина Алинә ике икенче урынны (тизлек һәм төгәллек) алды, ә Шакиров Тимур тизлектә 3 нче һәм төгәллектә 2 нче урын өчен диплом алды. Өстәмә белем бирү педагогы Габдерәхимов Марат Наил улына призерлар әзерләгәне өчен рәхмәт белдерәбез һәм балаларны лаеклы җиңүләре белән котлыйбыз!

Тарихка, мәдәнияткә һәм туган якның гореф-гадәтләренә карата мәхәббәт, әхлакый-патриотик хисләр тәрбияләү һәм китапханәче  һөнәре белән тагын да якыннан танышу максатыннан,Олы  Арташ башлангыч укучылары Ике басу Арташ мәдәният йортында урнашкан китапханә һәм музейда экскурсиядә булдылар.