ЯҢАЛЫКЛАР
2026 нчы елның 22 нче апреленнән бөтен Россия буенча Җиңү көненә багышланган «Георгий тасмасы» Бөтенроссия акциясе старт алды. Акциянең максаты-Бөек Ватан сугышы геройлары турындагы хәтерне саклау һәм гражданнарда Россиянең Хәрби дан символларының берсе — Георгий лентасына ихтирамлы мөнәсәбәт формалаштыру. Саба гимназиясе укучылары СМС балалар командасы, Беренчеләр хәрәкәтендә катнашучылар белән бергәләп, әлеге акцияне беренчеләрдән булып Саба урамнарында башладылар. Алар авыл халкын киләчәк бәйрәмнәр белән котладылар һәм Георгий тасмасын тагу үзенчәлекләрен аңлаттылар. Георгий тасмасын киемгә сул яктан, йөрәккә якынрак беркетергә киңәш ителә, шул ук вакытта аны бизәк сыйфатында башта, сумкаларда яки билдән түбәнрәк кулланырга ярамый.
Саба урта мәктәбе базасында яшь юл хәрәкәте инспекторларының «Имин көпчәк - 2026» бөтенроссия конкурсының район этабы булып узды. Ярышларда 21 ЮИД отряды – Саба муниципаль районы мәктәпләреннән 84 укучы катнашты. Балалар юлларда үз-үзләрен куркынычсыз тоту өчен кирәкле белемнәрен һәм күнекмәләрен күрсәттеләр. Конкурс программасы берничә этаптан торды:
2026 елның 13-26нчы апрель көннәрендә Ставрополь шәһәрендә физик тәрбия фәне буенча Бөтенроссия мәктәп укучылары олимпиадасының йомгаклау этабы узды. Безнең районнан олимпиадада Саба урта мәктәбе укучылары (җитәкчеләре Вафин Л.Р.) катнашып, югары җиңүләргә ирештеләр. Гарипов Ранил, Гарипов Фаил, Заһидуллин Рөстәм, Хуҗин Инсаф призер титулына ия булдылар. Укучыларны һәм аларның укытучысын лаеклы җиңүләре белән котлыйбыз!
"Оста" балалар иҗаты үзәгенең яңа бинасында истәлекле мәдәни чара узды. Бөек татар шагыйре Габдулла Тукайның тууына 140 ел тулуны бәйрәм итү кысаларында танылган мозаика тезү остазы Марат Нәби җитәкчелегендә уникаль мастер-класс узды.
“Салават күпере” журналы, “Татарстан Республикасы Мәгарифне үстерү институты” һәм Габдулла Тукай әдәби музее тарафыннан “Тукайлы балачак” Республикакүләм иҗади бәйге игълан ителгән иде. Бәйгедә Сабаның 2 нче номерлы “Эллүки” балалар бакчасының уртанчылар төркемендә тәрбияләнүче Альмиева Самирә Марат кызы катнашты.
Яшел Үзән шәһәрендә балалар бакчалары һәм тәрбиячеләр арасында «Яшел ут-2026» юл-транспорт травматизмын профилактикалау буенча республика смотр-конкурсына йомгак ясалды. Татарстан Республикасы Саба муниципаль районының Шәмәрдәннең 2 нче номерлы «Теремок» балалар бакчасы әлеге конкурста «Мәктәпкәчә яшьтәге балаларны юлларда йорү кагыйдәләренә өйрәтү өчен инновацион педагогик технологияләр һәм электрон белем бирү ресурслары» проекты белән катнашты. «Теремок» балалар бакчасы юлларда үз-үзеңне куркынычсыз тоту кагыйдәләренә өйрәтү буенча республика күләмендә бишлеккә керде һәм лауреат булды.
Лаеклы нәтиҗәләр белән котлыйбыз һәм яңа профессиональ җиңүләр телибез!
21 апрель көнне Шәмәрдән мәдәният йортында 3 нче "Салават күпере" балалар бакчасының "Бәхетле балачак" дип исемләнгән отчет концерты булып узды. Концертка бакчада тәрбияләнүчеләрнең әти-әниләре, әби-бабайлары чакырылган иде. Уртанчылар, өлкәннәр һәм мәктәпкә әзерлек төркемнәре балалары музыкаль номерлар белән чыгыш ясадылар, ел дәвамында өйрәнгәннәрен күрсәттеләр. Концерт программасы якты һәм бай булды. Балаларга уңышлар, иҗади илһам һәм алга таба да зур үрләр яулауларын телисе килә.
Байлар Сабасында Саба урта гомуми белем бирү мәктәбендә «Абилимпикс» чемпионаты кысаларында «Мөмкинлекләр фестивале 2026» узды. Саба интернат-мәктәбе укучылары үзләрен төрле компетенцияләрдә күрсәттеләр: сәнгатьле сүз, вокал, төймә белән креатив рәсем ясау, пирография, сабын кайнату һәм традицион рәсем сәнгате. Һәр катнашучы ихтыярын, максатчанлыгын һәм иҗатка мәхәббәтен күрсәтте. Фестиваль нәтиҗәләре буенча барысы да сертификатлар һәм призлар алды.
Халкыбызның бөек шагыйре Габдулла Тукайның 140 еллык юбилее якынлашканда мәктәбебездә төрле чаралар уза.
«Тату сыйныф серләре» дип аталучы, Мәгариф һәм фин министрлыгы тарафыннан әти-әниләр комитетлары арасында инде менә 10нчы ел рәттән үткәрелә торган республика конкурсының финал этабын үткәрү бәхете быел Саба районы өлешенә тәтеде. Чөнки узган уку елында Мөслимдә үткән бәйге җиңүчеләре нәкъ менә безнекеләр - Саба урта мәктәбенең әти-әниләр комитеты иде. Быелгы бәйге катнашучыларын алар махсус ясалган юбилей торты һәм туган көн котлавы белән сөендерделәр.