ЯҢАЛЫКЛАР

28 июнь көнне Юлбат мәдәният йорты, китапханә, Тенеки һәм Йосыф-Алан авыл клубы мөдирләре Саба үзәк китапханәсе хезмәткәрләре тарафыннан «Җәйге китапханә – 2022» дип исемләнгән балалар өчен үткәрелгән «Әдәби аланга сәяхәт» проекты кысаларында бәйрәм ачылышында актив катнаштылар. Бәйрәм тамашасы әкият геройлары-Убырлы, Шүрәле белән башланып китте. Убырлы һәм Шүрәле урлаган китапларны кире кайтару өчен Буратино белән балалар сорауларга җаваплар эзләделәр. Нолик төрле фокуслар күрсәтте, аның артыннан чарада катнашучылар зур кызыксыну белән күзәттеләр. Россия халыкларының халык сәнгате һәм матди булмаган мәдәни мирас елында, әлеге проект кысаларында халык уеннары уйналды, анда балалар актив катнаштылар, бүләкләр һәм тәм-томнар алдылар.  Бәйрәмнең төп герое Зур китап, бәйрәм ахырында "Җәйге китапханә - 2022" ачылуын игълан әйтте. Балалар җәй өчен кирәкле уңай эмоцияләр һәм бик яхшы бәйрәм кәефе алдылар. Алар әле озак вакытлар бу искиткеч бәйрәмне искә төшерәчәкләр һәм күңелле итеп сөйләшәчәкләр.

21 июнь көнне, Россия халыкларының мәдәни мирас елы кысаларында, Юлбат мәдәният йорты һәм китапханә хезмәткәрләре «Бездә кунакта- табышмаклар» дип исемләнгән табышмаклар сәгате үткәрделәр. «Тапкырларга табышмак» китап күргәзмәсе һәм әдәбиятка күзәтү оештырылды.

23 июнь көнне Юлбат мәдәният йорты һәм китапханә хезмәткәрләре «Балалар журналлары иле буйлап сәяхәт» - библиографик күзәтү үткәрделәр. Журнал битләрендә балаларга гаҗәеп һәм кызыклы дөнья ачылды. Чарада катнашучылар үткәннәргә сәяхәт кылдылар һәм вакытлы матбугатның тарихын белделәр. Нәрсә ул периодик басмалар, ни өчен журналлар укырга файдалы? Чара барышында «Ежик», «Мурзилка», «Развивалки», «Непоседа», «Салават күпере» балалар газеталары һәм журналларының күргәзмәләренә күзәтү үткәрелде. Балалар үзләре өчен бик күп кызыклы табышмаклар, ребуслар һәм викториналар ачтылар. Мәгълүмат дөньясында вакытлы матбугат әһәмияте турында белделәр. Юлбат мәдәният йорты китапханәсе балалар өчен бик бай вакытлы матбугат фондына ия. Кайбер журналларда  QR-кодлар бар, алар онлайн-контентка керү мөмкинлеге бирә. Басмаларда QR-код куллану балаларның әлеге технологиягә кызыксынуы арта, алар Татарстан Республикасында цифрлаштыру елында яңа цифрлы чорда тормыш күнекмәләренә әзерләнә.

22 июнь - Хәтер һәм кайгы көнендә Юлбат мәдәният йорты, китапханә, Йосыф-Алан авыл клубы хезмәткәрләре, авыл җирлеге башлыгы, Юлбат төп гомуми белем бирү мәктәбе белән берлектә иртәнге сәгать 4тә  «Хәтер шәме» Бөтенроссия акциясенә кушылдылар. Митингта катнашучылар сугышта һәлак булган барлык кешеләр истәлегенә шәмнәр кабыздылар һәм бер минутлык тынлык белән искә алдылар. Шулай ук  «деньпамяти.рф» платформасында виртуаль «Хәтер шәмен» кабыздык. Бөек Ватан сугышында Җиңүне якынайткан һәм аңа кадәр яши алмаган Ветераннарга, Батырларга мәңгелек дан!

12 июнь көнне Юлбат авыл җирлегендә милли бәйрәм "Сабантуй-2022" булып узды. Бәйрәм Юлбат мәдәният йорты, китапханә, Йосыф–Алан, Тенеки авыл клубы хезмәткәрләре, район мәдәният йорты үзешчәннәре, Юлбат төп мәктәбе укучылары һәм «Юлбат» АХП һәм авыл җирлеге белән берлектә әзерләнгән концерт программасы белән башланып китте. Бәйрәмне авыл җирлеге башлыгы Шәмсиев Т.Р. ачып җибәрде, котлау сүзләре белән «Саба» индустриаль паркы ИК генераль директоры Хуҗин И.Т. чыгыш ясады.Татарстан Республикасында цифрлаштыру елына һәм Россия көненә багышланган флешмоб күрсәтелде. Сабантуйда барысы да булды: дәртле җырлар, күңелле биюләр, көч һәм җитезлек бәйгеләре. Һәр катнашучы күңеленә хуш килгән мавыгу таба алды. Үз тирәсенә спорт мәйданчыклары зур аудиторияне җыйды. Ә иң күңелле чара, әлбәттә, мәйдан үзәгендә күпләрне берләштергән «Милли көрәш».  Абсолют батыр исеменә Теләче районы Иске Җөри авылында туып-үскән Хәбибуллин Мөхәммәт Марат улы лаек булды. Сабантуй күңелле, киң колач белән узды, һәм хәзер барысы да түземсезлек белән киләсе елга да мондый бәйрәмнәр булыр дигән өметтә калды.

Ел саен 6 июньдә Россиядә Пушкин көне билгеләп үтелә. Бөек рус шагыйре Александр Сергеевич Пушкинның әдәби иҗаты безне гомер буе озата бара. 7 июнь көнне Юлбат мәдәният йорты, китапханә хезмәткәрләре, Тенеки авыл клубы мөдире белән берлектә, Юлбат төп мәктәбенең «Хыял» мәктәп яны лагере балаларына «Пушкин көне» дип исемләнгән тарихи сәгать үткәрделәр.

2 июнь көнне Юлбат авыл китапханәсендә шагыйрә Э.Шәрифуллинаның тууына 75 ел тулу уңаеннан, мәдәният йорты хезмәткәрләре белән берлектә «Хыял» мәктәп яны лагере балалары өчен «Татлы балачак» дип исемләнгән күзәтү һәм кычкырып уку оештырылды. Э.Шәрифуллинаның һәрвакыт актуаль, яраткан һәм таныш шигырьләре яшь укучыларны әйләнә-тирә дөньяга битараф калдырмый.  Шагыйрәнең тормыш юлы һәм иҗаты турында сөйләнде. Чара барышында китапханәче балаларга шагыйрәнең шигырьләрен укыды. Балаларга да «Баллы балачак», «Алтын балык турында яңа әкият», «Игезәкләр йолдызлыгы» китаплары буенча әсәрләрен кычкырып уку оештырылды. Чара ахырында балалар табышмаклар чиштеләр, сорауларга җавап бирделәр. Чара бик күңелле һәм мавыктыргыч үтте.

1 июнь көнне Юлбат мәдәният йорты һәм китапханә хезмәткәрләре «Хыял» мәктәп яны лагере белән берлектә "Балачак кайтавазы" дип исемләнгән уен программасы үткәрделәр. Бәйрәм программасы күңелле конкурслардан, спорт эстафеталарыннан, табышмаклардан торды. Шулай ук «Сез әкиятләр беләсезме?" викторинасында катнаштылар. Балалар уеннардан уңай энергия алдылар. Чара күңелле һәм яхшы кәеф атмосферасында үтте. Балалар барлык конкурсларда да актив катнаштылар һәм истәлекле бүләкләр алдылар.

29 май көнне Юлбат мәдәният йорты, китапханә һәм Тенеки авыл клубы хезмәткәрләре, совет чорында хезмәт итеп кайткан чик сакчылары белән берлектә, чик сакчылары көненә багышланган «Чик синең йортыңның бусагасыннан башлана» дип исемләнгән музыкаль кичә үткәрделәр. Фәтхриев Р.Р. балаларга армиядә хезмәт итү еллары турында сөйләде. Катнашучылар сораулар бирделәр, аларга безнең чик сакчылары - Фәтхриев Р.Р. һәм Хәнипов А.Р. бик теләп җавап бирделәр. Клуб берләшмәләрендә катнашучылар концерт номерлары күрсәттеләр, матур җырлар җырланды, шигырьләр укылды. Чик сакчылары да читтә калмады, хәрби-патриотик җырлар җырладылар. «Армия чемоданы» дип аталган тематик күргәзмә оештырылды һәм чик сакчылары көненә стенгазета чыгарылды.

27 май көнне Бөтенроссия китапханәләр көнендә Юлбат  мәдәният йорты һәм китапханә хезмәткәрләре «Тирә - юньдә дә...китапханә янында" дип исемләнгән квест-уен үткәрделәр. Иң элек мәдәният йорты мөдире катнашучылар белән берлектә китапханәчене һөнәри бәйрәмнәре белән котлады. Ә китапханәче авыл китапханәсенең килеп чыгу тарихы, әлеге вазифада эшләгән ветераннар белән таныштырды. Библиоквестта катнашучылар командаларга бүленеп, маршрут кәгазе алгач, уенга кушылдылар. Һәр команданың маршруты китапханәнең төрле зоналары буенча узды һәм фразаларның өзекләрен эзләү белән тәмамланды. Квестта катнашучылар ачкычлар-киңәшләр эзләделәр, ә юл буйлап башваткычлар һәм «әдәби пазлалар» туплап, шомартылган фразалар чиштеләр. Эрудиция, тапкырлык һәм әдәби әсәрләрне һәм аларның авторларын яхшы белүләрен күрсәтеп, финишка кадәр уңышлы килеп җиттеләр.