ЯҢАЛЫКЛАР
27 гыйнвар - Халыкара Холокост корбаннарын искә алу көне. Бу көнне 1945-нче елда Кызыл Армия нацистларның иң куркыныч концлагерьларын – Освенцим яки Аушвицны азат иттеләр.
район китапханәсе балалар китапханәсе белән берлектә «Ямьле Саба» яр буенда «В поисках сокровищ» дип исемләнгән квест-уен үткәрде. Мавыктыргыч чарада «Книголюбы» клубының яшь укучылары катнашты. Бергәләп картаның ертылган өлешен табарга, аны җыярга һәм хәзинәләрне эзләргә туры килде. Балалар пиратлар җитәкчелегендә сәяхәткә киттеләр. Аларны бик күп сынаулар көтте. Каршылыклар зонасын узарга, шифрларны чишәргә, үз осталыкларын һәм җитезлекләрен күрсәтергә тырышырга туры килде. Бердәм көч белән хәзинәле сандыкны казып алып хуҗасына кайтарып бирделәр.
Барлык катнашучылар да күтәренке кәеф һәм бик күп уңай эмоцияләр алдылар.
«Biblio party» кичәсенә «Дуслык» темасы китапханәгә йөрүче яшьләр инициативасы буенча сайланган иде . Катнашучылар дуслык һәм тугърылык, мәхәббәт кебек мөһим мәсьәләләр буенча фикер алыштылар. Уеннарда һәм биремнәдә актив катнаштылар. Күңелле шартларда без бер- беребезне аңларга тырыштык. Чарада катнашучылар комплиментлар ясый белүдә ярыштылар һәм үз карашларын дәлилләп күрсәтеләр. Яшьләр дуслыкның нинди сыйфатларга ия булырга тиешлеген белделәр, иң мөһиме,әхлакый кыйммәт буларак дуслык, туърылык һәм мәхәббәт төшенчәләре турында күзаллауларны киңәйттеләр.
Очрашуда яшьләр арасында уңай атмосфера булдыруга юнәлтелгән уеннар да кертелгән иде.
Югары Симет китапханә, мәдәният йорты хезмәткәрләре, Түбән Симет авыл клубы белән берлектә,“Ямьле Саба” проекты кысаларында, Түбән Симет авылына “Мортаза бине Котлыгыш әс Симети эзләре буйлап” дип исемләнгән туристик экскурсия оештырдылар. Чараның максаты: Туган якның тарихын барлау, данлы кешеләрен өйрәнү. Беренче тукталыш Түбән Симет клубында булды. Анда безне клуб мөдире Асатова Фирая һәм авыл балалары каршы алды. Ике авыл балаларының җанлы очрашуыннан һәм Түбән Симет клубы белән танышканнан соң Түбән Симет мәчетенә юл алдык. Имам хатыйб вазыйфаларын башкаручы Җиһангиров Шәймөхәммәт абый безгә мәчет тарихын һәм беренче иман шартын китабын язучы Мортаза бине Котлыгыш әс Симети турында сөйләде, кызыксындырган сорауларга җавапларын бирде. Үзендә сакланган 1699 еллар тирәсендә басылган Фикһ китабын күрү безнең өчен бик кызыклы булды. Мәчеттән чыккач, юлыбызны дәвам итеп, Мортаза бине котлыгыш әс Симетинең каберенә зиярат кылдык. Бүгенге сәяхәтебез табигатьтә “пикник” белән тәмамланды.
Казанчы Бигәнәй китапханәчесе, Мамалай авылы клубы белән берлектә, балалар белән ,“Ямьле Саба” проекты кысаларында, “Туган авылым Мамалай” дип исемләнгән туристик экскурсия оештырдылар. Маршрут иң башта Мәдәният йорты бинасыннан башланып китте. Клуб мөдире Ахтямова М. авылның һәм бинаның кыскача тарихы белән таныштырды. Балаларны мәдәни чараларга йөрергә чакырды.Аннан шул ук бинада урнашкан фельдшер-акушерлык пунктында дәвам итеп, Гарипова Г. үз эше турында балаларга сөйләде. Киләсе тукталыш авылның уртасына урнашкан мәчет булды. Авылның имам-хатибы Рафыйк Йосып улы балаларга үгет-нәсихәтләрен җиткерде.
Авылның иң матур урыны мөгаен чишмәдер.Без дә балалар белән “Авылым чишмәсе” дип исемләнгән чишмәгә юл алдык.Аның шифалы суларыннан авыз итеп,аланда утырып ял иттек.Китапханәче Котдусова Н. Саба районы һәм аның шагыйрьләре белән таныштырды,авыл турында язылган матур-матур шигырьләр укылды,мәзәкләр тыңланды. Аннан Ленин урамында яшәүче, чишмәне төзекләндерүгә әйдәп йөрүче Хасаншин Җ. Йортына тукталдык.Алар чишмәне генә матурлатып калмаганнар, йортларын да чәчәккә күмгәннәр.Иң соңыннан бик күп еллар алдынгы сыер савучы булып эшләгән Кызыл байрак һәм Ленин ордены кавалеры, Татарстанның 100 еллык медале иясе Мавлиева Мәрьямниса Мәүли кызында кунакта булдык. Ул балаларга шул еллардагы хезмәт турында һәм хәзерге тормышның рәхәтлеге турында сөйләде. Экскурсия бик кызыклы һәм тәрбияви булды.Балалар күңелләре булып таралыштылар.
Район китапханәсе хезмәткәрләре балалар китапханәсе белән берлектә, «Ямьле Саба» проекты кысаларында, «Туган ягым чишмәләре» дип исемләнгән экологик маршрут уздырдылар. Балаларны чишмәләр белән таныштыру, аларның барлыкка килүе, табигатькә карата сак караш тәрбияләү максат итеп куелды. Балалар китапханәчеләрнең суның шифалы үзенчәлекләре, чишмәләрнең кеше тормышында тоткан урыны турында сөйләүләрен зур кызыксыну белән тыңладылар. Су белән күрсәтелгән кызыклы тәҗрибәләрдә балалар бик тырышып катнаштылар. Саф һавада мавыктыргыч, интеллектуаль уеннар бик матур, уңай тәэсирләр калдырды. Шулай ук «Су патшабикәсе" викторинасында катнашып истәлекле бүләкләр иясе булдылар.
Өстәл уеннары - ул ләззәт тә, бер үк вакытта үсеш тә. Иң мөһиме өстәл уеннары белемнәрне үстерергә, фикерләргә, хәтерне яхшыртырга, уйларга өйрәтә. Шулай ук, «Biblio party» клубының катнашучылары уен барышында нәтиҗәләр һәм карарлар кабул иттеләр, бер-берсе белән аралашып күңелле вакыт үткәрделәр.Кич барышында лото, шашка, «Мафия» уеннары уйнатылды. Дуслар белән яхшы вакыт үткәрү – менә «Game Time» өстәл уеннарың нәтиҗәсе. Уеннар мавыктыргыч һәм күнелле үтте.
Шәмәрдән балалар китапханәсе балалар өчен «Мир без насилия» дип исемләнгән шәфкатьлелек дәресе үткәрде. Дәреснең максаты-башкалар турында кайгыртырга, үз иптәшләренә ярдәм итәргә, аларның фикерен хөрмәт итәргә; балаларны игелек һәм гаделлек кануннары буенча яшәргә, үз мәнфәгатьләрен тормышка ашырганда иптәшләренең мәнфәгатьләрен истә тотарга өйрәтү иде. Чара барышында балалар төрле вәзгыятләрдән чыгу, низагларны булдырмый калу юлларын эзләделәр, Дәрес азагында “Дуслык күбәләге” дип аталучы мастер-класс күрсәтелде.
Тимершык авыл китапханәчесе һәм мәдәният йорты хезмәткәрләре «Авылымның тарихын бел " дип исемләнгән танып-белү экскурсиясе оештырдылар. Чара башында балалар авыл турында риваятьне кызыксынып тыңладылар, ә соңыннан китапханәче авыл исеменең килеп чыгышы турында сөйләде. Соңыннан балалар авыл тарихы буенча үзләренең белемнәре белән уртаклаштылар. Балаларга быел республика бәйрәм итә торган юбилей датасының нәрсә икәнлеген сөйләделәр, ТАССРның 100 еллыгы логотибын күрсәттеләр. Кеше туган илгә, туган һәм яши торган төбәккә мәхәббәтсез шәхес буларак тора алмый. Әмма туган ягыңны яратырга аз, аның тарихын һәм гадәтләрен белергә кирәк. Үз авылыңа, районга карата хөрмәт, мәхәббәтне дә балачактан ук өйрәтергә кирәк.
Яңа Мичән авыл китапханәсе, язучы Җәвад Тәрҗемановның 100 еллыгы уңаеннан “Балалар дусты” дигән китап күргәзмәсе оештырды. Күргәзмәгә күзәтү үткәрелде. Китапханәче язучының тормыш юлы иҗаты турында сөйләде. Шигырьләре кычкырып укылды.
Ап-ак ромашкалы яшел болында дөньяның бер гашыйгы таҗлар белән сөйләшә: сөя, сөйми, сөя, сөйми... Мәхәббәттән башын югалткан кайсыбыз гына үз-үзенә шундый сорау бирмәгән?! Ә бүген без сорауны урамнарда тыз-быз үз мәшәкатьләре белән чапкан сабалыларга биреп карадык: әле күптән түгел генә билгеләп үтелә башлаган Гаилә, мәхәббәт һәм тугрылык көне Сездә нинди хисләр уята...
Чыннын да, 8 июль көнне илебез гаилә, мәхәббәт һәм тугрылык көнен билгеләп үтә. Гаилә мәхәббәт учагы, ихласлык һәм ышаныч чыганагы, дәүләтебезнең һәм җәмгыятебезнең гомумкешелек кыйммәтләрен саклаучы ныклы таянычы булып тора. Саба район үзәк китапхәнәсе, балалар китапханәсе белән берлектә, бәйрәм көнне китап укучыларга һәм сабалыларга “Гаилә илһам чыганагы” китап күргәзмәсенә күзәтү һәм фотозона фонында видеоролик, карточкаларга төшерү оештырды.
Гаилә - мәхәббәт һәм хөрмәт чыганагы. Ул - ныклы йорт, сәламәт балалар һәм оныклар, безнең ышанычыбыз һәм ныклы терәгебез, ул - безнең иң кадерле нәрсәбез. Бары тик гаиләдә, якыннар белән аралашуда без көч алабыз, алга таба яшәүгә рухланабыз.
Гаилә, мәхәббәт һәм тугрылык көнендә һәр гаиләгә тигезлек, тынычлык, муллык, сәламәтлек, бәхет һәм мәхәббәт телибез. Илләр имин, гаиләләр нык булсын. Безнең һәрберебез өчен бу көн якыннарыбызга, туганнарыбызга, әти-әниләр һәм балаларыбызга хөрмәт күрсәтү, игътибар бирү, үзеңне чиксез бәхетле гаилә итеп тояр өчен яхшы сәбәп булуын телибез.
Күп кенә вакыт кешеләр үз хокукларын белмиләр. Хокукларны белмәү
аркасында үз- үзләрен яклый да алмыйлар. Бүген Олы Кибәче авыл
китапханәсе мөдире китап укучылар белән «Үз үзеңә адвокат» дигән темага
хокук дәресе уздырды. Дәрес барышында балаларга кеше хокуклары
бозылуга мисал булып торган әкиятләрдән өзекләр китерелде, китап
укучылар әлеге әкияне һәм аның авторын танырга тиеш иделәр. Балалар
әкиятләрне дөрес таныдылар. Чараның икенче өлешендә сәламәт яшәүне
пропагандалап, хәрәкәтле уеннар уйнадык