«Югары Утар психик тайпылышлары булган гражданнар өчен балалар интернат-йорты» дәүләт казна учреждениясендә «Могҗизалар кыры» дип исемләнгән Яңа ел бәйрәме булып узды

Яңа ел - ул һәркем өчен тылсымлы, могҗизалы вакыт. 26 декабрьдә безнең балалар интернат-йортында күптән көтелгән Яңа ел әкияти бәйрәме узды, ул барлык балаларга тылсым һәм шатлык хисе бүләк итте. Бәйрәм әкият геройлары, Кыш бабай һәм Кар кызы парады белән башланып китте. Кечкенәләр төркеме балалары Кышкы илгә кунакка чакырылган иде, анда аларны яраткан әкият персонажлары каршы алды. Аннары бәйрәм балалар йортының актлар залында дәвам итте, анда тәрбияләнүчеләрне Кыш Бабай, Кар Кызы һәм ел символы булган Елан җитәкчелегендәге лила һәм Мила исемле әкият персонажлары көтте. Балалар тамашачылар гына булып калмадылар, ә яңа ел тамашасында да катнаштылар һәм төп геройлар аларның маҗараларына кушылдылар: Кар кызын кире кайтарырга булыштылар, «Могҗизалар кыры» уенында катнаштылар, биеделәр, шигырьләр укыдылар, күңел ачтылар. Балаларны Яңа ел бәйрәмнәре белән котларга кунаклар да килде:Татарстан Республикасы Хезмәт, халыкны эш белән тәэмин итү һәм социаль яклау министрлыгының Саба муниципаль районындагы социаль яклау бүлеге җитәкчесе Гайнетдинова Лилия Нургаян кызы, Бөтенроссия инвалидлар җәмгыятенең Татарстан Республика оешмасы иҗтимагый оешмасының Саба районы оешмасы вәкилләре - "Татарстан Республикасы инвалидлар җәмгыяте" һәм Хәйриячеләр командасы. Традиция буенча, яңа ел бәйрәме ахырында барлык балалар да Кыш бабайдан күптән көтелгән бүләкләр алдылар. Әлеге бәйрәм балаларга әкияти тылсым хисе һәм киләсе елга бик күп уңай хис-кичерешләр бүләк итте.