“Югары Утар психик тайпылышлары булган гражданнар өчен балалар интернат-йорты” дәүләт казна учреждениясендә “Аулак өй” театраль тамашасы

6 ноябрьдә Татарстан Республикасында Конституция көне билгеләнеп үтелә. Бу уңайдан, Югары Утар балалар интернат йортында "Аулак өй" дип исемләнгән заманчалаштырылган театраль тамаша үткәрелде. Чара башында кызларның әти-әнисе Конституция көненә багышланган концертка китәләр. Кызлар узләренең дусларын аулак өйгә чакыралар һәм бәйрәмнең килеп чыгышы турында сөйләшәләр, "Йөзек салыш", " Түбәтәй", "Самавыр" кебек татар халык милли уеннарын уйныйлар, татар халык биюләрен бииләр. Бу чара балалар өчен тарихи һәм мәдәни яктан әһәмиятле булды. Тәрбияләнүчеләр күңелендә бу бәйрәм уңай тәэсирләр калдырды.