ЯҢАЛЫКЛАР
Мичәнбаш авылында «Авыл территорияләрен комплекслы үстерү» Дәүләт программасының "Авыл территорияләрендә транспорт инфраструктурасын үстерү" Федераль проекты буенча юл төзи башладылар. Бүгенге көндә нигезне әзерләү эшләре бара, аның артыннан асфальт-бетон җәеләчәк. "МДСУ-1"ҖЧҖ подряд оешмасы.
Татарстан Республикасы территориясендә метеорологик күренешләрнең интенсивлыгы турында Консультация-кисәтү
Тимершык мәдәният йорты хезмәткәрләре өлкән буын кешеләре өчен "Коймак мәҗлесе" фольклор утырмалары оештырды.
Утырып утыру - пенсионерлар өчен аралашуның иң җылы формасы. Бер өстәл янына өлкән буын кешеләре: күршеләр, танышлар, иске дуслар җыелды. Көндәлек мәшәкатьләр артында һәрвакытта да менә шулай күңел белән аралашып булмый. Ә бу көнне кунаклар үткәннәрне искә төшерделәр, тормышның иң якты мизгелләре турында сөйләделәр, истәлекләре белән уртаклаштылар. Әлбәттә, барысы да кызыклы һәм күңелле булган яшьлекне, тормыш озын-озын булып тоелганда, ә картлык ниндидер ерак – ерак булып тоелганда искә төшерделәр бит. Сөйләшүләр арасында пенсионерлар викториналарда актив катнаштылар, яраткан җырларын җырладылар һәм, әлбәттә, тәмле коймак белән сыйландылар. Кунакларның барысына да кызык булды, алар якты тәэсирләр һәм күңелле истәлекләр багажы белән кайтып киттеләр.
2025 елның 28 июнендә Кызыл-Мишә авылында «Авыл көне»бәйрәме узды. Бәйрәм авылның гөреф-гадәтләрен истә тотып, тарихи үзенчәлекләрне исәпкә алып оештырылды. Авылдашлар, кунаклар, дуслар, күршеләр күптән көтелгән бәйрәмгә туган якларына җыелдылар. Бу бәйрәм авыл халкы, кайткан кунаклар өчен җылы очрашу булды. Мәйдан уртасында традицион рәвештә уеннар, конкурслар, җыр-биюләр гөрләп торды. Теләге булган һәркем бердәм рәвештә катнашты, ә тамашачылар бу вакытта алкышлар белән актив рәвештә ярдәм иттеләр. Авыл көне, авылның актив гражданнары, мәдәният, мәгариф хезмәткәрләре, иганәченләрнең тырышлыгы белән үткәрелде.
Югары Шытсу авылында 28 июнь яшьләр көне уңаеннан кызлар арасында волейбол уены үткәрелде. Иптәшләрчә очрашуда уеннар бик матур барды. Ярыш, көч сынашу үзара җанлы аралашу, шаярулар белән үрелеп барды. Ярыш нәтиҗәләре буенча барлык командалар истәлек бүләкләренә ия булдылар. Ахырдан мәдәният хезмәткәрләре ярдәме белән дискотека оештырылды.
Елыш авылында 28 июнь көнне балалар Сабантуе өчен бирнә җыю оештырылды. Бирнә җыюда яшьләр, балалар бик теләп катнаштылар. Балалар Сабантуе Елыш авылында ел саен матур итеп үткәрелә. Авыл халкы, балалар әлеге бәйрәмне бик көтеп алалар. Бирнә җыюда катнашучыларга, авыл халкына зур рәхмәт.
10 июльдән 26 июльгә кадәр Яңа Михайлов Туапсин районы бистәсендә Кара диңгез ярында Башкортстан җыелма командасының фехтование буенча җәйге җыеннары узды. Саба-Арена спорт мәктәбе укучысы Фазлыева Амалия әлеге юлга почетлы чакыруга лаек булды. Катгый күнегүләр фехтование бүлегенең алдагы уңышларга китерер, һәм, әлбәттә, Амалиягә ярдәм итәр дип өметләнәбез!
Саба муниципаль районында ГИСУ директоры Хафизов Инар Фәнил улы Төзелеш һәм капремонт объектларын карап чыкты. Күчмә киңәшмәдә Саба районы Башкарма комитеты җитәкчесе Ишниязов Марат Рашат улы, ГИСУ директоры урынбасары Идрисов Айдар Ингел улы, подряд һәм субподряд оешмалары вәкилләре катнашты.
26 июньдә Яшьләр көненә шахмат бүлеге шахмат турниры үткәрде. Ярышлар югары дәрәҗәдә узды.
2018 елгы һәм аннан яшьрәк малайлар арасында:
1 урын - Давлиев Ислам.
2 урын - Горник Мартин.
3 урын - Саматов Кәрим.
2018 елгы кызлар һәм яшьрәк:
1 урын - Низамиева Әминә.
2 урын - Гатауллна Камилә
3 урын - Шәрәфиева Азалия.
2015-2017 елларда туган малайлар арасында
1 урын - Галимуллин Данияр
2 урын - Низамиев Йосыф
3 урын - Вахитов Бәхтияр.
2015-2017 еллар:
1 урын - Батталова Алина
2 урын - Мөхәммәтова Сафия
3 урын - Горник Ксения.
Егетләр (2010-2014 еллар):
1 урын - Башаров Вильдан
2 урын - Хәсәнов Наир.
3 урын - Камальдинов Айдар
Кызлар (2010-2014 еллар).
1 урын - Шавалиева Энҗе
2 урын - Батталова Алина
3 урын - Горник Агния.
Җиңүчеләрне һәм катнашучыларны котлыйбыз, алга таба уңышлар телибез!