ЯҢАЛЫКЛАР
Дмитрий Леонидовичны, Фарход Усмановичны, Хайём Фарходовичны, Екатерина Сергеевнаны, Диләрә Фәнисовнаны югары квалификация категориясенә ия булулары белән котлыйбыз!
Казанышларыгызга тагын бер пункт өстәлү белән котлыйбыз. Без сезнең казанышларыгызга шат. Безнең иң изге теләкләребез. Киләчәктә уңышлар!
Ватан Геройлары көне-безнең илдә ел саен декабрьдә билгеләп үтелә торган истәлекле дата. Әлеге истәлекле дата алдыннан, яшьләргә патриотик һәм гражданлык тәрбиясе бирү кысаларында, Иштуган мәдәният йорты белгечләре «Намус һәм абруй»дигән патриотик сәгать үткәрделәр. Бу көн рухи көче, намусы, батырлыгы иң югары әхлакый сыйфатларны һәм Ватан алдындагы җаваплылыкны чагылдыру үрнәге булган, лаеклы рәвештә герой дип аталган барлык кешеләргә багышлана. Очрашуга СВО катнашучысы, Чечня һәм Сириядәге хәрби хәрәкәтләр ветераны Мәүлетов Флорид Наил улын чакырдык. Ул катлаулы хезмәт һәм Ватаныбызны саклау турында сөйләде, буыннар дәвамчанлыгына, һәр ир-атның аерылгысыз һәм мөһим бурычы үз Ватанын саклау икәнлегенә басым ясады. Ә солдатларның батырлыгына рәхмәтле караш, өлкән буын кешеләренә хөрмәт, ватанпәрвәрлек, гражданлык һәм Ватанга мәхәббәт хисләре йөрәкләребезне ташлап китәргә тиеш түгел, диде. Ул яшүсмерләргә үзенең шәхси сугышчан тәҗрибәсе, кайда хезмәт итүе, нинди сугышчан бүләкләр алуы турында сөйләде. Кич буе залда тынлык хөкем сөрде. Яшүсмерләр, сөйләгәнне тыңлап, гомере пычак очындагыдай яисә пуля сызгырганын ишеткән кешенең бөтен хис-кичерешләрен беләселәре килде. Егетләр контракт хезмәтенә ничек эләгергә мөмкин икәнлеген ачыкладылар. Ватан геройлары турындагы истәлек безнең йөрәкләрдә яши, аларның батырлыклары һәрвакыт патриотизм, рухи көч, батырлык үрнәге булып торачак.Әлеге чарадан соң катнашучыларның барысында да тормыш кыйммәтләре яңадан бәяләнде һәм үз гаиләсе, халкы , Ватаны өчен шәхси җаваплылык хисе барлыкка килде дип ышанасы килә.
27 декабрь көнне Финанс-бюджет палатасы хезмәткәрләренең балалары өчен Чыршы бәйрәме узды. Оешма рәисе Шәмсун Әкбәр улы Сөнгатов балаларны һәм аларның әти-әниләрен якынлашып килүче Яңа ел белән тәбрикләп, үзенең ихлас теләкләрен җиткерде.
Кыш бабай, Кар кызы һәм әкият геройлары белән балалар күңелле уеннарда катнаштылар. Һәр уенда аларны кызыклы бүләкләр һәм тәм-томнар көтә иде. Шулай ук республикакүләм балалар рәсемнәре бәйгесенең актив катнашучы яшь рәссамнары Профсоюз оешмасының Дипломына һәм истәлекле бүләгенә дә ия булдылар.
Декабрьдә бөтен дөньяда Халыкара коррупциягә каршы көрәш көне билгеләп үтелә. Иштуган мәдәният йорты белгечләре әлеге көнгә багышланган «Бүләк бәясе» дигән диспут үткәрделәр. Әлеге чараның максаты - үсеп килүче буында коррупциягә каршы караш тәрбияләү һәм коррупциягә каршы торуның бөтен җәмгыять һәм аерым алганда һәр кешенең эше икәнлеген аңлау. Чара барышында коррупциянең төп төшенчәләре, төрләре тикшерелде һәм аның җәмгыятькә һәм шәхси тормышка йогынтысы анализланды. Күрсәтмәлелек өчен балаларга коррупция гамәлләре һәм аларның нәтиҗәләре мисалларын чагылдырган кыска видеороликлар күрсәтелде. Бу материаллар балаларга коррупциянең дәүләт институтларына ышанычны һәм иҗтимагый мөнәсәбәтләрнең нәзбереклеген ничек какшатуын яхшырак аңларга ярдәм итте. Балалар күргәннәре турында актив фикер алыштылар, бу күренешкә ничек каршы торырга мөмкин икәнлеге турында үз фикерләрен әйттеләр. Мондый чарада катнашу яшь буынга җәмгыять тормышында намуслылык һәм үтә күренмәлелекнең мөһимлеген аңларга ярдәм итә, аларны коррупция практикаларына каршы актив гамәлләргә рухландыра.
Мәдәният хезмәткәрләре турында сөйләгәндә, шундук матур, күңелле һәм тантаналы чаралар, концертлар күз алдына килә. Ләкин бу һөнәр җиңелләрдән түгел: башкаларны көн саен оптимизм, игелек, мәхәббәт һәм өметләр белән яндырып карагыз! Мәдәният хезмәткәре булу-яшәү, иҗат белән сулау һәм башкаларны үзеңнең кайнар энергияң белән мавыктыру дигән сүз. 21 декабрь көнне Иштуган мәдәният йортында укучыларның мәдәният йорты хезмәткәрләре белән «Мәдәният хезмәткәре: кирәкле һөнәр» дигән темага «Сыйныф очрашуы»үткәрелде. Чара барышында мәдәният хезмәткәрләре китапханә һәм мәдәният йортлары буйлап экскурсия үткәрделәр ,дөрес һөнәр сайлауның мөһимлеге турында сөйләделәр, балаларны иҗади һөнәрләр дөньясы белән таныштырдылар, үз вазифалары, бурычлары, шулай ук мәдәният өлкәсендәге һөнәрләрнең үзенчәлекләре турында сөйләделәр. Чара азагында балаларның сорауларына җаваплар бирделәр. Мондый "Сыйныф очрашуы" укучыларга мәдәният хезмәткәре һөнәре белән якыннан танышырга һәм бары тик җаваплы, иҗади, аралашучан һәм үз һөнәрләренә гашыйк кешеләр генә мәдәнияттә эшли ала дигән нәтиҗә ясарга мөмкинлек бирде.
"Туган якны өйрәнү" түгәрәгенә йөрүче укучылар түгәрәк җитәкчесе Э.Х.Иванова белән бергә Иштуган бистәсенең туган якны өйрәнү музеенда булдылар. Музей быелдан бирле эшли һәм Иштуган мәдәният йорты хезмәткәрләре һәм җирле халыкның уртак тырышлыгы белән оештырылган. Сәнгать җитәкчесе М.Т.Гайнетдинова музей буйлап «Монда тарих яши» дип аталган мавыктыргыч экскурсия үткәрде. Балалар өчен төрле экспозицияләр белән музей залы буйлап кызыклы һәм танып белү экскурсиясе үткәрелде, алар ата-бабаларыбызның көнкүрешен аңларга һәм күрергә, музейның аерым экспонатлары турында кызыклы тарихлар белергә ярдәм итте. Иске китә, ләкин аны белергә һәм сакларга кирәк. Борынгылык яхшылык белән сугарылган, ә бу безнең көннәрдә бик мөһим һәм балалар өчен бигрәк тә актуаль. Балаларны халык мәдәнияте чыганакларына тартып, без баланың шәхесен үстерәбез. Халык зирәклеге: "Иске-москыны онытма, ул яңалыкны тота", - ди. Балалар музейга барудан зур ләззәт алдылар. Күргән экспонатлардан бик күп тәэсирләр калды. Экскурсия тәмамлангач, балалар экскурсоводка кызыклы әңгәмә өчен рәхмәт белдерделәр.
Ш.З.Зиннуров исемендәге Сатыш урта мәктәбендә, гаилә елын йомгаклап, “Гаиләмнең яраткан шөгыле” дип исемләнгән күргәзмә оештырылды. Күргәзмәдә укучыларның гаиләләренең оста куллары белән эшләнгән гаҗәеп матур һәм бик кызыклы иҗади эшләре тәкъдим ителде.
Түбән Утар авылыннан Гаязовлар гаиләсе йорт биләмәләрен “Яңа ел” бәйрәме уңаеннан бик матур итеп бизәгәннәр. Бөтен җирдә утлар яна, кардан күп итеп сыннар ясалган, матур итеп чыршы бизәлгән. Тырышлыклары өчен зур рәхмәт белдерәбез!
Курсабаш авыл җирлегеннән булган Бәшәров Фәннүр Шәйдула улы , Казанда узган ветераннар арасында үткәрелуче җиңел атлетика буенча, “Ядрә этү” һәм “ 60 м йөгерү” буенча, 1 нче һәм 3 нче урыннарны яулады.
2024 елда Дания язучысы Ганс Христиан Андерсенның «Кар патшабикәсе» әкиятенең беренче басылуына 180 ел тула. Уйлап кына карагыз, 180 ел инде бөтен дөнья буенча кызлар һәм малайлар Герда һәм Кай язмышы өчен борчылалар, аларның маҗараларын күзәтәләр һәм яхшылык, һичшиксез, явызлыкны җиңәчәк, дип ышаналар! 26 декабрь көнне Иштуган авыл китапханәсе Иштуган мәдәният йорты белән берлектә "Кар патшабикәсендә кунакта"дигән чара үткәрде.
Безнең күбебез «Кар патшабикәсе» әкиятен бер генә тапкыр булса да укыдык. Дөрес, яхшылыкның явызлык өстеннән тантана итүе һәм чын дуслык кыйммәтләре турындагы иң яхшы тарихны, мөгаен, табып булмас. Моннан тыш, язучы үзе «Кар патшабикәсе»н гомеренең иң яхшы әкияте дип саный.
Алып баручы нәкъ менә шул хакта балаларга сөйләде.
Балалар язучының тормышы һәм иҗаты белән танышып кына калмадылар, әкиятченең балачагы турында да бик күп кызыклы нәрсәләр белделәр. Балалар әкият буенча викторина сорауларына рәхәтләнеп җавап бирделәр, буяулар буядылар, «Кар патшабикәсе» мультфильмын карадылар.
Ә чара тәмамлангач, балалар «Кар патшабикәсе» әкияте безне чын мәхәббәтнең теләсә нинди киртәләрне җиңәргә һәм хәтта иң салкын йөрәкне эретергә сәләтле икәненә өйрәтә дигән нәтиҗә ясадылар.