ЯҢАЛЫКЛАР

6 апрель көнне Кече Шыңар мәдәният йорты, китапханә хезмәткәрләре Сатыш авылында яшьләр белән берлектә “Авыл кичләре” дип аталган концерт – тамаша белән чыгыш ясадылар. Бер – бер артлы чыгыш ясаган коллективлар, җырчылар, биючеләр, нәфис сүз осталары тамашачыларның җылы алкышларына күмелде.

6-7 нче апрель көннәрендә Самара шәһәрендә «МИРАС» I нче Халыкара балалар - яшүсмерләр һәм өлкәннәр фестивале-конкурсы узды. Бу ике көн эчендә Татарстан, Башкортстан, Чуашстан, Самара, Ульяновск, Оренбург өлкәләреннән, шулай ук Краснодар, Төркмәнстан, Кытайдан катнашучыларны тыңладылар. Безнең Саба районын Хөснулла һәм Аллаһияр Валиуллинар исемендәге Саба балалар сәнгать мәктәбенең Шәмәрдән филиалы укучылары тәкъдим итте (укытучылары - Харрасова Л. А. һәм Харрасов Р. С.). Гала-концертка иң яхшы 13 номер сайлап алынды, шуларның берсе - «ТАМЧЫ» вокаль ансамбле иде.

2019 елның 6 апрелендә Саба муниципаль районының Лесхоз авылында 2019 елның маенда Сочи шәһәрендә узачак «Өмет Лигасы» 18+ дивизионында һәвәскәр командалар арасында  «Төнге хоккей лигасы» Бөтенроссия фестиваленең финал этабы жирәбәсе узды.

 7 нче апрель көнне Казан шәһәренең бадминтон үзәгендә  13 яшькә кадәр  һәм 17 яшькә кадәр балалар арсында  узган Татарстан Республикасы беренчелегенә үткәрелгән бадминтон ярышларына нәтиҗә ясалды.

Яшь авиамоделистлар Буа шәһәрендә үткәрелгән ярышларда җиңү яуладылар 

06.04.2010 " Сабантуй «мәдәни-күңел ачу комплексы бинасында Идарә итү компетенцияләре буенча «төп идарә итү күнекмәләре»темасына тренинг узды.  

    Бик тыгыз,бай булды, ә иң мөһиме-безнең район өчен файдалы көн.

    Көннең беренче яртысында дәүләт учреждениеләре хезмәткәрләре өчен «төп идарә итү күнекмәләре» темасына тренинг үткәрелде.

4 сәгать эчендә без блокларны сүтеп алдык:

- Идарә нәрсәдән башлана ;

- Җитәкченең шәхси нәтиҗәлелеге ;

- Чын табигать мөнәсәбәтләре хезмәткәре-яллаучы ;

- Коллектив эчендәге бурычларны ничек планлаштырырга,контрольдә тотарга һәм делегацияләргә кирәк ;

- Җитәкчеләр һәм хезмәткәрләр өчен үз-үзеңне тоту коралы ;

- Хезмәткәрләрне зур, югары максатларга ничек җәлеп итәргә һәм эчәргә ;

Шулай ук хезмәттәшләре алган белемнәрен ныгыту өчен өй эшләрен дә алдылар.

     Аннан соң көллият һәм мәктәп укучылары белән бик яхшы эшләдек .

"Максатларны ничек дөрес куярга һәм аларга ирешергә» , « ни өчен үз өстенә җаваплылык алырга мөһим» темаларына сөйләштеләр, «әлеге ир-атның 5 сере» фильмын карадылар .

3 апрель көнне Шекше һәм Алан-Елга авылында яшәүчеләр Казан шәһәренә “Татарстан- Яңа гасыр” каналына “Башваткыч” уенында катнашырга бардылар. “Башваткыч” уенында Шекше төп гомум бирү мәктәбе укытучысы Гарипова Алсу Рәшит кызы, “Акчарлак” балалар бакчасы тәрбиячесе Таҗиева Ландыш Алимас кызы,  Шекше мәдәният йорты мөдире Хисматова Ләйсән Азат кызы катнашты. Уенда катнашучылар өчен туганнары, иптәшләре, хезмәттәшләре һәм авылдашлары  җан аттылар. “Башваткыч” уенының җиңүчесе Хисматова Л.А. кызы.

Балалар китабы озак еллар буена киләчәк буынны тәрбияләү чарасы, тормышта дөрес юнәлеш сайлау өчен маяк булып тора. Китап укып үскән баланың күңеле чиста, уйлау сәләте югары дәрәҗәдә була. Шушы уңайдан,  Юлбат “Ромашка” балалар бакчасында балалар китабы көне билгеләп  үтелде. Авылыбыз китапханәчесе тарафыннан китаплардан  бай күргәзмә оештырылды. Балалар  рәсемнәр ясадылар, үзләренең яраткан шигырьләрен сөйләделәр. Балалар тәрбияче апалары белән берлектә кечкенә китапчыклар ясадылар. Бу чара балаларга бик ошады.

09 апрель көнне 13:00 сәгатьтә Саба муниципаль районы Башкарма комитетының актлар залында Саба муниципаль районы Советы утырышы узачак. Киңәшмәне Саба муниципаль районы башлыгы Р. Н. Миннеханов үткәрә. Чакырылганнар исемлеге һәм повестка кушымта итеп бирелә.

   Саба шәһәр җирлеге территориясендә урнашкан торак пунктларны санитар чистартуны тәэмин итү максатында, Татарстан Республикасы Саба муниципаль районы Саба шәһәр башкарма комитеты тарафыннан 2019 елның 1нче апреленнән 31 маена кадәр санитар-экологик икеайлык игълан ителде.