ЯҢАЛЫКЛАР

8 нче майда, Бөек Ватан сугышында җиңүнең 80 еллыгын бәйрәм итү уңаеннан, Килдебәк авылы мәдәният йортында тантаналы митинг үткәрелде

Гаилә - тормышыбызда һәрберебез өчен иң мөһиме, ул - якыннарыбыз һәм туганнарыбыз, без яраткан, үрнәк алганнарыбыз, кайгыртканнарыбыз, игелек һәм бәхет теләгәннәребез. Без нәкъ менә гаиләдә мәхәббәт, җаваплылык, кайгырту һәм хөрмәт итәргә өйрәнәбез. 

11 майда, Халыкара гаилә көне алдыннан Олы Нырты авыл мәдәният йорты һәм авыл китапханәсе белгечләре «Минем тату гаиләм» дигән интерактив әңгәмә үткәрделәр. Чара барышында балалар тату, бәхетле гаилә нинди була турында сөйләштеләр.  Гаилә йорты төзеделэр: йортның нигезен йорт «сүзе белән ассоциацияләнгән сүзләрдән «салдылар», ә йортның стенасын гаилә мөнәсәбәтләрен белдерүче «кирпечтән» «салдылар». Мәхәббәт, гафу итү, сабырлык дигән төп сүзләр өй түбәсенә әверелде. «Йорт» ка туган кешеләрне урнаштырдылар. 

Балалар үз гаиләләренең гореф-гадәтләре турында сөйләделәр, шигырьләр, гыйбрәтле хикәяләр тыңладылар, бәйрәмнең барлыкка килү тарихы турында белделәр. Алар гаиләнең бәхете аның һәр әгъзасынә бәйле. Гаилә - җәмгыять ячейкасы булуын ачыкладылар. Нәкъ менә шуңа күрә бу бәйрәм безнең өчен бик мөһим.

Бөек Ватан сугышының героик һәм фаҗигале битләре елдан-ел бездән ерагая бара. Бу сугыш илебез намус белән кичергән иң авыр сынауларның берсе булды. Безнең бурычыбыз-бу батырлык турында истәлек саклау, ныклыкны, батырлыкны һәм Ватаныбызга булган мәхәббәтне хөрмәт итү, шулай ук моны киләчәк буыннарга тапшыру.

10 май көнне Ике басу Арташ мәдәният йортының авыл китапханәсе белән берлектә "Балаларга сугыш турында укыйбыз" дигән Бөтенроссия акциясе үткәрелде. Балаларны сугыш еллары язучыларының очерклары, хикәяләре, истәлекләре, шигырьләре белән таныштырдылар. М. Җәлилнең "Кызыл ромашка", "Вәхшәт", "Яулык" шигырьләрен кычкырып укыдылар

Саф һавада спорт уеннары һәм күңел ачулар барысына да шатлык китерә һәм сәламәтлеккә бәяләп бетергесез файда китерә. 2025 елның 10 маенда Шәмәрдән модель һәм балалар китапханәсе Кырбаш авылы клубы белән берлектә саф һавада «Уен – сәламәтлеккә тугры апа» спорт уеннары үткәрде. Чара барышында барысы да күңелле һәм дустанә атмосферага чумдылар, кызыклы уеннар һәм күңелле эстафеталар уйнадылар. Программада катнашучылар уңай хис-кичерешләр һәм яхшы кәеф алдылар. Төрле хәрәкәтчән уеннар балаларны бик мавыктыра.

Елыш авылында яшәүче Сабиров Райеф үзенең шәхси биләмәсен Җиңү бәйрәме уңаеннан матур итеп бизәгән. Капка каршысы бөтен авылга матур ямь биреп тора. 

10 май көнне Түбән Шытсу һәм Югары Шытсу авылларының зиратларында өмәләр булып узды. Чистарту эшендә авыл халкы актив катнашты.

Түбән Шытсу авыл җирлеге Уаз машинасы белән Байлар Сабасында булып узган Җиңү парадында катнашты.

Түбән Шытсу авылында Җиңүнең 80 еллыгына багышланган митинг-концерт булып узды. Бәйрәм чарасында авыл халкы, тыл хезмәтчәннәре, сугыш чоры балалары катнашты. Район башлыгы исеменнән котлауны мәгариф идарәсе начальнигы Шакиров И.Ф. җиткерде.

Түбән Шытсу авыл җирлегендә тыл ветераннарын котлау башкарылды. Район башлыгы исеменнән котлау открыткаларын һәм бүләкләрне мәгариф идарәсе начальнигы Шакиров И.Ф. һәм җирлек башлыгы тапшырды. Җирлектә барлыгы алты тыл ветераны гомер кичерә.

Түбән Шытсу авыл җирлегендә "Георгий тасмасы" акциясе булып узды. Мәктәп укучылар ярдәме белән лента вафат булган ветераннарыбызың каберләренә эленде.