ЯҢАЛЫКЛАР

“Balahoner” муниципаль программаны гамәлгә ашыру дәвам итә. 9 нчы февраль көнне Сатышның "Кояшкай" балалар бакчасына йөрүчеләр “Balahoner” проекты кысаларында төрле станцияләрдә хезмәт балалар шартлы акчалар-барсларны кулланып, "Сабантуй" күңел ачу комплексында экскурсиядә булып, ял итеп кайттылар. Алар анда төрле уеннарда үзләренең көчләрен сынадылар, ә иң мөһиме куйган хезмәтләре өчен тиешле хезмәт хакларын файдалы һәм күңелле итеп кулландылар.

Ватаннан читтә хезмәт бурычын үтәгән россиялеләрне искә алу көнен безнең илдә 15 февральдә билгеләп үтәләр. Бу дата совет гаскәрләрен Әфганстаннан чыгаруга 33 ел тулуга багышланган. Әфганстанда хәрби бурычларын үтәгәндә, фидакарьлек, батырлык күрсәтүчеләргә хөрмәт йөзеннән, Кызыл- Мишә мәдәният йортында китапханә белән берлектә Саба интернат-мәктәбе укучылары өчен «Ватан чикләрендә сугышкан кешеләрне искә алыйк» дип исемләнгән әңгәмә үткәрелде. Китапханәченең  Әфганстан турында сөйләве «15 февраль - Әфганстаннан гаскәрләрне чыгару көне. Сугышчы-интернационалистларны искә алу көне " дип исемләнгән презентация һәм Кызыл-Мишә мәдәният йортының сәнгать житәкчесе Галимов Булатның җырлары белән үрелеп барды.

   Изге Вәли көне-төрле яшьтәге кешеләрнең яраткан бәйрәме. Аны үз тиңен табучылар да, үзенә тиң яр эзләүче яшь йөрәкләр дә ярата. 12 февраль көнне Кызыл-Мишә мәдәният йортында китапханә белән берлектә яшьләр өчен «Мәхәббәт эпидемиясе» дип исемләнгән күңел ачу кичәсе үткәрелде. Шундый матур кичәне билгеләп үтәргә күп еллар инде бер – берләренә карата мәхәббәт, балаларына карата мәхәббәт һәм үзара аңлашып яшәүче гаилә парлары да килгән иде. Яшьләргә билгеле бер сынаулар аша узарга туры килде, аларны күңелле уеннар һәм конкурслар көтә иде: «Әкияти парларны тоташтыр», «Пар тап», «Төсле йөрәкләр», «Мине тап». Кичә дәвамында мәхәббәт турында җырлар яңгырады. Чара ахырында бәйрәм дискотекасы узды. Бу кичә барлык катнашучыларга да бик күп уңай эмоцияләр бүләк итте.

«Татарстан Республикасы Гидрометеорология һәм әйләнә-тирә мохитне күзәтү идарәсе» ФДБУ мәгълүматлары буенча, 16 февральдә Татарстан Республикасында куркыныч һәм начар метеорологик күренешләр көтелми:

1. Татарстан Республикасы буенча метеорологик хәлнең 2022 елның 16 февраленә фаразы:

Аязучан болытлы һава. Төнлә урыны белән бераз кар. Көндез явым-төшемсез. Җил көньяк-көнбатыштан секундына 5-10 метр тизлектә, төнлә һаваның минималь температурасы -7..-12˚. Көндез максималь һава температурасы -2..-7˚. Юлларда бозлавык.

Явлаштау авыл җирлегендә җирле әһәмияттәге юллар  бураннардан соң даими рәвештә кардан чистартылып тора. Эшне Явлаштау ҖЧҖ "Саба" бригадасы Явлаштау авыл җирлеге башкарма комитеты килешүе нигезендә башкара . Ә бу юлы юллар ҖЧ «Яшен» җәмгыятеннән   җәлеп ителгән техника  ярдәмендә киңәйтелә.

Бүген Байлар Сабасында Әфганстаннан совет гаскәрләрен чыгаруга 33 ел тулу уңаеннан Әфган сугышының кан басуларыннан кайтмаган солдатларны һәм офицерларны искә алдылар. Гадәттәгечә сугышчы-интернационалистлар һәйкәленә чәчәкләр салдылар. Чарада сугышчы-интернационалистлар, Саба муниципаль районы Башкарма комитеты җитәкчесе Ишниязов Марат Рашат улы, Татарстан Республикасы Саба һәм Теләче районнары хәрби комиссары Закиров Фәнис Фәрит улы катнашты. Чарада шулай ук районның яшь армиячеләре дә катнашты. Бу истәлекле вакыйга яшь буынны патриотик рухта тәрбияләү юлында мөһим адым булачак, ул вакыйгалар турында истәлекләрне саклап калачак.

12 февраль көнне Сатыш авыл җирлеге территориясендә «Лыжня России 2022»  -  «Лыжня Татарстана 2022»  массакүләм чаңгы ярышлары булып узды.

14 февраль көнне Сатыш авыл китапханәсендә башлангыч сыйныф укучылары өчен "Китап һәм китапханә кеше тормышында" дигән темага китапханә дәресе үткәрелде. 

Сатыш авылында өлкән яшьтәгеләр арасында чаңгы ярышы узды. Тренерлары- Султанов Азат.

Азнакай шәһәрендә узган билбау көрәше буенча Татарстан Республикасы беренчелегендә Сатыш авыл егет Гарипов Язнур беренче урын яулады. Чын күңелдән котлыйбыз! Тренеры- Ермолаев Ильдар.