ЯҢАЛЫКЛАР
Иләбәр авылында инеш аша күпер төзелеп бетте. Ул үзара салым акчасы хисабына эшләнде. Эшне «Саба ПМК «Мелиорация» се башкарды.
Елыш авылы аша узучы региональ юлны яктырту эшләре төгәлләнде. Кичке һәм төнге сәгатьләрдә багана утларыннан төшкән яктылык авыл халкына, җәүлеләргә һәм аеруча автомобиль йөртүчеләргә уңайлылык тудыра. Җитәкчеләргә һәм эшләүчеләргә рәхмәт белдерәбез!
Югары Шытсу авылыннан Султанова Динара гаиләсе ел дәвамында үзләренең шәхси биләмәләрен чиста пөхтә, төзек хәлдә тота. Кышкы чорда кардан сыннар ясыйлар, җәйге чорда капка-койма каршысы чәчәк һәм гөлләргә күмелә. Агымдагы елда алар "Чәчәкле Саба - 2025" конкурсында катнашып 3 нче урынга лаек булдылар. Тирә якка үрнәк гаиләне әлеге уңышы белән котлыйбыз!
27 август көнне Түбән Шытсу авыл җирлегендә гражданнар җыены булып узды. Җыенда Татарстан Республикасы, Саба муниципаль районы һәм Түбән Шытсу авыл җирлеге белән бәйле видеороликлар каралды. Көн тәртибенә түбәндәге мәсьәләләр кертелде: 2020-2025 еллар аралыгында җирлектә башкарлылган эшләр; Киләсе биш еллыкта хәл ителәсе мәсьәләләр һәм халыкның тәкъдимнәре, сораулары. Җирлек башлыгы Мәүлетов Б.М. соңгы биш елда башкарылган эшләргә анализ ясады. Район башлыгы урынбасары Закирзянов Р.Р. халыкка башкарылган эшләре өчен рәхмәт белдерде һәм 14 нче сентябьдә буласы сайлауларда актив катнашашырга чакырды.
ДКУ «Татарстан Республикасы дәүләт юридик бюросы» республика районнарында яшәүчеләргә түләүсез юридик ярдәм күрсәтә.
2025 елның 28 августында, ТР Дәүләт Юрбюросының баш белгече Рәшит Ахунов, Татарстан Республикасы Саба муниципаль районының Курсабаш авыл җирлегендә яшәүчеләргә түләүсез юридик ярдәм күрсәтү буенча кабул итте. Кабул итү барышында баш белгеч 10 нан артык гражданга квалификацияле юридик ярдәм күрсәтте, аларның сораулары мәгариф системасына һәм җир мөнәсәбәтләренә кагылды. «Без бөтен республика буенча гражданнарның якланмаган категорияләре өчен юридик хезмәтләрдән файдалану мөмкинлеген тәэмин итәргә тырышабыз, аларга консультацияләр бирү һәм хокукый характердагы документлар төзү рәвешендә түләүсез юридик ярдәм күрсәтәбез», — дип билгеләде Рәшит Ахунов. Чарада шулай ук авыл җирлеге башлыгы А.Р. Гыймадиев катнашты.
Татарстан Республикасы көне хөрмәтенә, 2025 елның 29 августында Байлар Сабасының үзәк мәйданында, “Х. һәм А. Вәлиуллиннар исемендәге Саба балалар сәнгать мәктәбенең укытучылары Газизова Гүзәл Равил кызы һәм Галиева Эльвира Раеф кызы кунаклар очен мастер-класс уздырдылар.
Мастер-класста катнашучылар әзер вариантны сайладылар һәм буядылар. Укытучылар җитәкчелегендә дөрес пропорциядә катнаштылар, кирәкле нәтиҗәгә ирешү өчен пумала белән дөрес хәрәкәтләр ясадылар. Һәр мастер-класста катнашучы үз куллары белән кабатланмас брошка ясады!
Башкортстан башкаласында 14 августтан 24 августка кадәр фехтовкалау буенча уку-күнегүләр җыеннары узды. Күнегүләр процессында Мәскәү, Санкт-Петербург спортчылары, Уфа фехтовкалаучылары һәм, әлбәттә, Саба фехтование булеге өмете Фазлиева Амалия катнашты. Күнегүләр циклы авыр, ләкин бер үк вакытта кызыклы сезон алдыннан бик файдалы булды, ул 2026 елның июнендә балалар арасында Россия Чемпионаты белән тәмамланачак.
25 августта өлкән яшьтәге гражданнарга һәм социаль хезмәт күрсәтүдәге инвалидларга социаль хезмәт күрсәтүче учреждениеләр хезмәткәрләре өчен тәрбия күнекмәләренә, шул исәптән техник тернәкләндерү чараларын кулланып, өйрәтү дәресләре үткәрү графигы эшләнде.
28 августта Лесхоз өлкәннәр һәм инвалидлар интернат-йортында эшләнгән график буенча «тәрбия мәктәбе»технологиясе кысаларында укулар үткәрелде. Саба муниципаль районында "Балкыш «КЦСОН «медицина хезмәткәре Мәүләвиева г.т. «озак вакытлы карау системасы: карау процессының төп принциплары, бурычлары, состав компонентлары», «өлкән яшьтәге гражданнарның үзенчәлекләре" темасына практция һәм практика үткәрде. Төп гериатрия синдромнары", " кече реабилитация чараларын куллану»
Олы Кибәче авыл клубында Олы Кибәче авыл җирлеге гражданнары җыелышы булды. Көн тәртибенә түбәндәге сораулар куелды:
1. Олы Кибәче авыл җирлегенең 5 еллык эшчәнлегенә күзәтү.
2. Гражданнарның сораулары.
3.Район җитәкчелегенең йомгаклау сүзе.
Беренче көн тәртибе буенча җирлек башлыгы А.К. Сафин чыгыш ясады. Ул халыкны җирлекнең узган биш еллык эшчәнлеге белән демонстратив рәвештә таныштырды. Аннары җирлек гражданнары тарафыннан сораулар бирелде. Җыелыш азагында Саба муниципаль районы башлыгы урынбасары Р.Р. Закирҗанов үзенең йомгаклау сүзен әйтте. Ул халыкка җирлек хакына намуслы хезмәтләре өчен рәхмәт белдерде, киләчәк бәйрәмнәр белән котлады һәм ТР Рәисе сайлауларында һәм муниципаль сайлауларда актив катнашырга өндәде. Ә күпфатирлы йортта яшәүче Рамил Гатиятовка "Безнең ишегалды "программасын гамәлгә ашыруда актив катнашканы һәм өлеш керткәне өчен ТР Рәисе Р. Н. Миңнеханов исеменнән Рәхмәт хаты тапшырылды.
27 августта, "Татарстанда җәй" проекты кысаларында,Ике басу Арташ мәдәният йортының,Татарстан Республикасы көненә багышлап,Сабабаш,Мичәнбаш,төбәк,Кече Кибәч,Өч Нарат авыл клублары, авыл китапханәсе белән берлектә оештырылган"Җәй, җылы, җырлы кич"исемле урам концерты узды.Концерт программасы якты һәм бай булды.Тамашачыларга иҗади бүләкләр һәм бәйрәм кәефе мәдәният хезмәткәрләре һәм мәдәният йорты каршындагы үзешчән сәнгать осталары бүләк итте. Урамда яңгыр башлану сәбәпле, концерт программасын мәдәният йорты сәхнәсендә дәвам итәргә туры килде.