ЯҢАЛЫКЛАР
26 июньдә мәдәният хезмәткәрләре чираттагы театральләштерелгән экскурсия оештырдылар. Бүген алар фигуралы шуу буенча җәйге җыенга килгән балаларны кабул иттеләр.
25 июньдә Лесхоз мәдәният йорты хезмәткәрләре, китапханәче белән берлектә, Яшьләр көненә багышланган "Яшьлек-ул бик шәп" дип аталган флешмоб оештырдылар.
2024 елның 27 июнендә 10:00 сәгатьтә Башкарма комитетның актлар залында Саба муниципаль районы Советы утырышы (сессиясе) узачак. Чакырылганнарның исемлеге кушымтада бирелә.
21 июнь көнне Килдебәк авыл китапханәчесе мәдәният йорты хезмәткәрләре белән берлектә, «Кояшкай» мәктәп яны лагерында ял итүче укучылар катнашында, Хәтер һәм кайгы көненә карата «Сороковые роковые» дип исмеләнгән батырлык сәгате үткәрделәр
Саба районында көрәш буенча дөнья чемпионаты тәмамланды
20сеннән 24 июньгә кадәр “Саба Арена” спорт комплексында көрәш буенча дөнья чемпионаты узды, анда дөньяның 25 иленнән 80нән артык көрәшче катнашты. Спортчылар 9 үлчәү категориясендә көч сынаштылар.
Чемпионат кысаларында көрәш фиджиталы буенча промо-турнир узды, анда спортчылар башта уен консолисында (5 раунд), аннары реаль келәмдә ярыштылар. Монда ук тест режимында атлар белән көрәш буенча дөнья чемпионаты узды.
Татарстан спортчылары 7 алтын, 1 көмеш һәм 1 бронза медаль яулады.
23 июньдә Кече Шыңар мәдәният йорты һәм китапханә хезмәткәрләре "Мирас" фольклор коллективы белән берлектә Казан сабантуенда катнаштылар, йон җеп җегерләү буенча мастер-класс үткәрделәр. Кабага бәйләп куелган йоннан орчык ярдәмендә җеп җегерләп, шул җептән оекбаш, бияләй, шарфлар бәйләп булуы турында сөйләделәр. Сабантуй кунаклары зур кызыксыну һәм игътибар белән осталарның куллары астыннан нәзек йон җепнең ничек сузылуын күзәтеп тордылар, аннары үзләре бу һөнәрне үзләштереп җеп җегерләп карадылар.
Россия Социаль фондының Татарстан бүлеге пенсионерларны «Рәхмәт интернетка!- 2024» конкурсында катнашырга чакыра
Олы Шыңар авыл җирлеге биләмәсендә әйләнә-тирә мохитне чистарту максатында чүп үләннәрен чабу даими алып барыла.
26 июньдә Лесхоз өлкәннәр һәм инвалидлар өчен интернат-йортында тәрбияче җитәкчелегендә социаль хезмәтләр алучылар белән тарихи сәгать үткәрелде һәм Анна Ахматованың шигырьләре укылды.