ЯҢАЛЫКЛАР
Олы Шыңар авыл җирлегенең бюджет учреждениеләре хезмәткәрләре урып-җыю кампаниясендә булышалар, "Туган Як" җәмгыятенең ындыр табагында график буенча эшлиләр.
«Туган як» җәмгыятендә ашлык җыю тәмамлануга якынлаша. Кыр эшчәннәре алны ялны белми, тулы көч белән эшлиләр. Мондый җәйге, эссе көннәрдә Кече Шыңар авыл мәдәният йортының " Рәшә " агитбригадасы "Бай кырларым сез" дигән тематик программа белән хезмәт геройларын ял иттерү максатында кырга чыга.
Ш.З. Зиннуров исемендәге Сатыш урта гомумбелем бирү мәктәбендә укучылар белән бик тә мавыктыргыч очрашу булды. Өстәл теннисы буенча югары квалификацион категорияле тренер, Татарстан Республикасының физик культура һәм спорт отличнигы, Татарстан Республикасы физик культура буенча атказанган хезмәткәре Исмаилов Фарход Усманович һәм өстәл теннисы буенча спорт мастеры, Россия һәм Татарстан буенча бик күп бәйгеләр һәм чемпионатлар җиңүчесе Исмаилова Динара Фарходовна бездә кунакта булдылар. Укучылар белән кызыклы мастер-класслар, җанлы әңгәмә белән үрелеп барды әлеге очрашу.
Ш.З.Зиннуров исемендәге Сатыш урта гомуми белем бирү мәктәбенең волонтер - юнармейчылары, тәрбия буенча директор киңәшчесе А.М. Шакирова белән бергә, Сатыш авылында Бөек Ватан сугышында һәлак булган сугышчылар обелискын тәртипкә китерделәр.
Россия Төзелеш министрлыгы "ДОМ.РФ" АҖ белән берлектә "эскроу счетларын кулланып, төзелеш подряды шартнамәләре буенча торак йортлар төзү турында" 2024 елның 22 июлендәге 186-ФЗ номерлы Федераль законда каралган эскроу счетларын кулланып, төзелеш подряды шартнамәләре буенча торак йортлар төзү турында белешмәлек эшләде.
Көз. Шагыйрьләр тасвирларга яраткан искиткеч вакыт. Календарьда 2024 елның 12 сентябt - кояш җәйге кебек диярлек җылыта.Бу елның гаҗәеп һәм искиткеч вакыты! Бүген "Х.һәм А. Вәлиуллиннар исемендәге Саба балалар сәнгать мәктәбенең" укытучылары Газизова Гүзәл Равил кызы һәм Галиева Эльвира Раеф кызы һәм сәнгать бүлеге укучылары, район балалар китапханәсе хезмәткәрләре белән берлектә, Тукай паркында «Язучылар һәм шагыйрьләр әсәрләрендә көз» дигән иҗади - танып белү сәгате үткәрделәр.
Саба мәдәният йортының скрипка һәм җырлау классы укытучылары Вәлиева Д.Р. һәм Давлиева Г. Р. үз укучылары өчен "Саба китаханәсенә" экскурсия үткәрделәр. Укучы музыкантлар татар һәм рус язучылары турында әңгәмә кордылар, шагыйрьләрнең шигырьләрен укыдылар, Абдулла Алиш һәм Муса Җәлил әкиятләрен искә төшерделәр.
Китапханәче балалар укыган китаплар буенча кызыклы викторина үткәрде.
12 сентябрьдә Саба районы «Яшьлек» яшьләр үзәге белгечләре Бөгелмәдә «Медиа НавеСеле» Аграр яшьләр берләшмәсенең зона чарасында катнаштылар.
2024 елның 12 сентябрендә Татарстан Республикасы Саба муниципаль районының Саба урта гомуми белем бирү мәктәбе базасында «Үсеш ноктасы» фәнни һәм технологик юнәлешле мәгариф үзәген ачу тантанасы узды.
«Саба " ҖЧҖнең Мичән бүлегендә урып – җыю эшләре тәмамланды. Комбайнерлар Хадиев Илфар, Хайруллин Солтан уз вазыйфаларын намус белән башкардылар. Хәзерге көндә үзләре эшләгән комбайннарын кышкы әзерлеккә куярга әзерлиләр.