ЯҢАЛЫКЛАР
Иске Икшермә авыл җирлегендә Милләтләр кроссы-2024
Түбән Шытсу төп мәктәбе укучылары Елыш авылына сәяхәткә бардылар. Укучыларны авыл тарихы белән тирәннән кызыксынучы Гөлсинә Хәмидуллина каршы алды һәм авылның үткәне, бүгенгесе белән ныклап таныштырды.
Закиров Роберт Камил улы Олы Кибәче урта мәктәбенең "Туган якны өйрәнү" музеена тальян гармун бүләк итте. Ул авылдан чыккан барлык тальянчылар исемлеген барлаган. Аны тальянның киләчәктәге язмышы борчый, шунлыктан ул замана балалары да бу уен коралында уйный белсеннәр дигән теләк белән шушы бүләкне ясаган.
Түбән Шытсуда Татарстан кроссы - 2024 узды. Өлкәннәр һәм балалар актив катнаштылар. Җиңүчеләр һәм призерлар грамота һәм акчалата приз белән бүләкләнделәр.
21 сентябрьдә Арташ авыл җирлегендә «Милләтләр кроссы - 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.
Югары Шытсу авылында үзара салым хисабына балалар мәйданчыгында йомычка тарату эше башкарылды.
Олы Кибәче авыл җирлегендә "Милләтләр кроссы-2024" уздырылды. Ярышта Олы Кибәче урта мәктәбе укучылары һәм җирлектәге бюджет оешмалары эшчеләре катнашты. Җиңүчеләр мактау грамоталары белән бүләкләнде.
Дәүләт алкоголь инспекциясе Шекше авыл җирлегендә гражданнар кабул итте
2024 елның 13 сентябреннән 16 сентябренә кадәр Казан шәһәрендә малайлар һәм кызлар арасында бадминтон буенча “Ф.Г.Вәлиев истәлеге кубогы” Бөтенроссия яшүсмерләр ярышлары узды. Саба районы шәкертләре түбәндәге разрядларда призерлар булдылар:
Хатын-кызлар парлы категориясендә:
2 урын - Хәбибуллина Наргиза - Чиркина Виктория ( РС)
Ирләр парлы категориясендә:
2 урын - Борһанов Данияр - Пулатов Аяз ( РС)
Катнашучыларны, тренерларны лаеклы нәтиҗәләргә ирешүләре белән котлыйбыз, сәламәтлек һәм алга таба спорт уңышлары телибез.
21 сентябрьдә Юлбат авыл җирлегендә «Милләтләр кроссы - 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.