ЯҢАЛЫКЛАР
Социаль хезмәтләр җыелмасыннан баш тарткан инвалидлар 1 октябрьгә кадәр Пенсия фондына килергә һәм социаль хезмәтләрнең тулы җыелмасын кайтарырга яки дарулар белән тәэмин итүне генә кайтарырга хокуклы. Социаль хезмәтләр җыелмасы ягына сайлау ясап, пациент үз сәламәтлеген иминләштерә
Безнең табигатьнең иң матуры – чәчәкләр. Бу искиткеч матур үсемлек күзләрне иркәли, яхшы кәеф, шатлык, күңел күтәренкелеге бирә. Алар безне иртә яздан караңгы көзгә кадәр куандыра. "Сәламәтлеге мөмкинлекләре чикләнгән балалар өчен Саба мәктәп-интернаты" дәүләт бюджет гомуми белем бирү учреждениесе үз территорияләрендә чәчәкләр үстереп, тырышлыкларын күрсәттеләр.
Мәчет территориясен төзекләндерү максатыннан, Тимершык авылында мәчет территориясендә койма тоту эшләре башкарылды. Койма тоту эшләре иганәчеләр хәм сәдака хисабына авыл халкы тырышлыгы белән эшләнде.
Быел да бу бәйрәм гөрләп үтте. Үткәрелү урыны Мичән авыл җирлеге территориясендә урнашкан «Шәүкәт күле» булса, үткәрүчеләре - Тимершык егетләре.
Бу ярыш үз чорларында милли көрәш буенча төрле дәрәҗәдәге бәйгеләрдә күп җиңүләр яулаган, бүгенге көндә безнең арадан киткән Латыйпов Мәгъфир, Мөхәммәдиев Ильфар, Вафин Альберт, Вафин Ирек, Сафин Идүс, Латыйпов Шәүкәт, Мулләхмәтов Сиренат, Гәрәев Илдар, Нуруллин Илнарлар истәлегенә үткәрелә.
1,2,3 урыннарны яулаган катнашучылар грамоталар һәм истәлекле призлар белән бүләкләнде.
Иң өлкән балыкчы - 92 яшьлек Вафин Мехәммәт, икенче фотода иң яшь балыкчы - кечкенә Эмилия Латыйпова.
Чәчәкләр приютта тәрбияләнүчеләрнең психоэмоциональ халәтенә, үсешенә һәм социализациясенә сизелерлек уңай йогынты ясый. Чәчәк бакчаларын саклау һәм үстерү тәрбия процессының мөһим өлеше булып тора һәм авыр тормыш хәлендә калган балалар өчен уңайлы һәм гармонияле мохит тудыруга ярдәм итә. Менә без дә, Саба муниципаль районының "Тургай" балалар һәм яшүсмерләр өчен социаль приюты " хезмәткәрләре һәм балалары да чәчәк бакчасы булдыру өчен бөтен көчебезне куйдык. Без барыбыз да яхшы беләбез бит, һәр чәчәк - үсемлекнең бер өлеше генә түгел, ул география дә, тарих та, чәчәкнең генә түгел, хәтта бөтен бер дәүләтнең, континентның тарихы да. Чәчәкләр үстерү бик кызыклы һәм мавыктыргыч шөгыль, моңа балалар монда өйрәнәләр.
Татарстан Республикасы территориясендә метеорологик күренешләрнең интенсивлыгы турында Консультация-кисәтү
Сатыш авылында ир-атлар командалары арасында "Сатыш авыл җирлеге Кубогы"на мини-футбол буенча турнир булып узды. Турнирда Саба муниципаль районыннан 5 команда катнашты.
Ир-атлар арасында:
1 урын- Юлбат авылы командасы;
2 урын- Сатыш-1 авылы командасы;
3 урын- Сатыш-2 авылы командасы;
4 урын- Икшермә авылы командасы;
5 урын- Сатыш- мәктәп командасы яулады.
Турнирны оештыруда ярдәм иткәннәре өчен Сатыш авылы яшьләренә, ООО "Саба" Сатыш бүлекчәсе җитәкчесе- Шаймарданов Раиль Рафиковичка, Билалов Адель Альбертовичка, Габдракипов Рамильгә, Шаймарданов Рамиль Рафиковичка, Галлямов Флорид Фаритовичка рәхмәтебезне белдерәбез.
Казанчы- Бигәнәй авыл китапханәсе мәдәният йорты белән берлектә үз укучылары өчен «Россиянең бөек символлары» дигән мәгълүмат сәгате үткәрделәр. Чарада катнашучы балалар флагның борынгы заманнардан бүгенге көнгә кадәрге тарихы белән таныштылар. Алып баручылар "триколор" ның һәр төсенең әһәмияте турында сөйләделәр. Аннары балалар викторина сорауларына җавап бирделәр, дәүләт символлары турындагы табышмакларга җаваплар бирделәр, Ватан турында шигырьләр укыдылар.
23 нче август көнне Сатыш авыл җирлеге балалар командалары арасында "Сатыш авыл җирлеге Кубогы"на мини-футбол буенча турнир булып узды. Турнирда җирлектән 3 команда катнашты.
Укучылар арасында җиңүчеләр:
1 урын- Сатыш яшьләре;
2 урын- Яшьлек;
3 урын- Реал-Сатыш.
Турнирны оештыруда ярдәм иткәннәре өчен Сатыш авылы яшьләренә, ООО "Саба" Сатыш бүлекчәсе җитәкчесе- Шаймарданов Раиль Рафиковичка, Билалов Адель Альбертовичка, Габдракипов Рамильгә, Шаймарданов Рамиль Рафиковичка, Галлямов Флорид Фаритовичка рәхмәтебезне белдерәбез.
20 августта Бигәнәй мәдәният йорты һәм китапханә хезмәткәрләре балалар белән "Туган ягым" экологик сәгате үткәрделәр.