ЯҢАЛЫКЛАР

    15 июльдә безнең приютта «Космонавтика көне» узды.Балалар белән космос темасына әңгәмә үткәрелде,планеталарны һәм йолдызлы күк төзелешен өйрәнделәр, илебезнең танылган космонавтлары белән таныштылар.

12-нче июль көнне Югары Утар балалар интернат-йортында тәрбияче Исмәгыйлева  Э.Х. җитәкчелегендә "Бөтендөнья фотограф көне" чарасы уздырылды.

   12 июль  көнне “Тургай” приюты балалары Лесхоз бистәсендә урнашкан дендрология бакчасында булдылар.  Монда  банан һәм мандариннарның ничек үсүен күрергә, кактуслар коллекциясенә сокланырга, пальмаларны күрергә һәм аквариумдагы балыкларны күзәтергә мөмкин. Анда үзеңне җылы яклардагы кебек хис итәсең.

 Балаларга экскурсия бик ошады. Табигатькә сокланып, алар җан белән дә, тән белән дә рәхәтләнеп ял иттеләр.

12 июль көнне безнең тәрбияләнүчеләр  картлар һәм инвалидлар өчен булган Лесхоз интернат-йортында булдылар. Яшь артистлар олкәннәрне "Колобок" һәм "Су анасы" әкиятләре буенча оештырылган курчак театрлары белән сөендерделәр.

Саба муниципаль районының "Тургай" балалар һәм яшүсмерләр өчен социаль приютында тәрбияләнүчеләр Лесхоз интернат-йортының социаль хезмәтләр алучылар алдында курчак спектакле белән чыгыш ясадылар.

Автоном коммерцияле булмаган «Балкыш»-(Сияние)  тернәкләндерү үзәгендә Тәлгать Нәҗмиев исемендәге Шәмәрдән китапханәседә әдәби сәгать узды. 

12 июльдә Лесхоз өлкәннәр һәм инвалидлар өчен интернат-йортта өлкән яшьтәге гражданнар һәм инвалидлар белән чираттагы «Хәтер терапиясе» дәресе уздырылды.

Терапиядә яшәүчеләр үзләренең балачагы һәм яшьлеге, күп еллар элек нинди булулары, нәрсә белән шөгыльләнүләре, нинди уеннар уйнарга яратулары, тормышларында кызыклы вакыйгалар турында рәхәтләнеп сөйләделәр. Кемдер өчен бу күңелле хатирәләр, ә кемдер өчен авыр. Дәресләрдән соң аларның үз-үзләрен бәяләү дәрәҗәсе күтәрелде, кәефләре яхшырды, тормышка уңай караш формалашты.

8 нче июль көнне Лесхоз интернат-йортында социаль эш буенча белгеч Вәлиева А.М. җитәкчелегендә Гаилә, мәхәббәт һәм тугрылык көненә багышланган чара үткәрелде. Интернатта яшәүчеләр бәйрәмнең тарихы белән таныштылар, кайда һәм ничек бу бәйрәм барлыкка килде. Парлар ничек танышулары турында сөйләделәр. Серләре белән уртаклаштылар. Ромашка чәчәге бәйләмен җыйдык. Соңыннан ромашкалар белән ваза рәсеме ясадылар. Һәр интернатта яшәүче (мөмкинлекләре чикләнгән кешеләр) үз фикерен кертте рәсемне булдыруда.

«Гаилә, мәхәббәт һәм тугрылык көне» дигән исем алган бөтенроссия бәйрәме беренче тапкыр 2008 елның 8 июлендә узды. Аны Россиянең өченче Президенты Дмитрий Медведевның хатыны Светлана Медведева җитәкчелегендәге социаль-мәдәни инициативалар Фонды оештырды. Аннары бәйрәм ел саен билгеләп үтелә башлады.

Гаилә, мәхәббәт һәм тугрылык көне Россиядә һәм башка илләрдә — Болгария, Белоруссия, Әзербайҗан, Украина, Германия, Бөекбритания, Франциядә билгеләп үтелә.

Гаилә, мәхәббәт һәм тугрылык көне символы ромашка булды. Бәйрәм көнендә ромашкалардан веноклар үрәләр, ромашка чәчәкләре һәм «февронькалар» — Ромашка һәм башка гаилә символлары төшерелгән открыткалар бүләк итәләр. 8 июльдә никах теркәү тантанасы популяр традициягә әйләнде: бу уңайдан күп кенә ЗАГСлар эш сәгатьләрен озайта.