ЯҢАЛЫКЛАР

Тенеки авыл эчендәге күпердә капиталь ремонт, нигезен ныгыту эшләре бара. Эшне "Базовый проект"  ҖЧ оешмасы башкара.

21 март Бөтендөнья шигърият көнендә Юлбат авыл китапханәсе мөдире «Әгәр мин шагыйрь булсам...”  дип исемләнгән кычкырып уку үткәрде. Укучылар үзләренең яраткан шигырьләрен һәм аларның авторларын искә төшерделәр.

15 март көнне Юлбат авыл китапханәсендә мәгълүмат көне үткәрелде. Катнашучылар китапханә фондындагы яңа китаплар белән таныштылар.

Юлбат авыл китапханәсе мөдире махсус хәрби операциядә катнашучыларның туганнары һәм "Ак калфак" клубы әгъзалары белән түгәрәк өстәл артында "Дин Һәм сәламәтлек" дип исемләнгән чара үткәрде. Катнашучылар Рамазан ае, дин һәм әхлак темасына чыгыш ясадылар, мөнәҗәтләр, вәгазьләр тыңладылар. Чарада "Дин Һәм сәламәтлек" турында китап күргәзмәсе күрсәтелде.

4 мартта Халыкара хатын-кызлар көне алдыннан Саба муниципаль районы мәдәният бүлеге җитәкчесе Заһидуллин Р.Ф., Юлбат авыл җирлеге башлыгы Шәмсиев Т.Р. һәм Юлбат төп гомуми белем бирү мәктәбе укучылары катнашында тыл хезмәтчәне - Сәгыйтова Рәшидә Сәгыйть кызына "1941-1945 еллардагы Бөек Ватан сугышында Җиңүгә 80 ел” уңаеннан юбилей медале тапшырылды.

Ватанны саклаучылар көне алдыннан тыл ветераннарына - Ибәтуллин Мөдәрис Ибәтулла улы һәм Ибәтуллина Рәшидә Габдулла кызына "1941-1945 еллардагы Бөек Ватан сугышында җиңүгә 80 ел” уңаеннан истәлекле медальләрне Саба муниципаль районы башлыгы урынбасары Закирҗанов Р.Р., Юлбат авыл җирлеге башлыгы Шәмсиев Т.Р. һәм Юлбат төп мәктәбе укучылары катнашында тапшырылды.

21 февраль көнне Юлбат авыл китапханәсе «Армиядә бер көн» дигән уен программасы үткәрде.

Халыкара туган тел көне 21 февральдә билгеләп үтелә. 20 февраль көнне Юлбат авыл китапханәсе «Тел ананының баласына иң кадерле бүләге» дип исемләнгән фольклор сәгате үткәрде. 

20 февраль көнне Юлбат төп гомуми белем бирү мәктәбенең 1-4 сыйныф укучылары Юлбат һәм Йосыф-Алан авыллары фельдшерлары М.Р. Бадикова һәм Г.Р. Хаиева белән очраштылар. Миләүшә Рәшит кызы башлангыч сыйныф укучыларына гигиена нормаларын һәм сәламәт яшәү рәвешен үтәүнең мөһимлеген искә төшерде. Гөлназ Рафатовна шулай ук балаларга көн тәртибен үтәргә, спорт белән шөгыльләнергә, каникул вакытында саф һавада ешрак булырга киңәш итте.

15 февраль көнне Юлбат авыл китапханәсе «Ромашка» балалар бакчасында «Муса Җәлил – балаларның дусты» дип исемләнгән шагыйрь истәлегенә әңгәмә үткәрде. Китапханәче балаларга М.Җәлилнең тормыш һәм иҗат юлы турында сөйләде, балалар өчен язылган шигырьләрен укыды. Аның шигырьләре Ватанны яратырга, авыр минутларда аны якларга әзер булырга өйрәтә. Чара ахырында балаларга "Кызыл ромашка" шигыре буенча рәсемнәр ясарга тәкъдим ителде.