ЯҢАЛЫКЛАР
28 сентябрь көнне Кызыл-Мишә мәдәният йорты һәм китапханә хезмәткәрләре “Сөмбеләне кем белә?” дигән көзге бәйрәм үткәрде. Сөмбелә - уңыш бәйрәме. Аны көзге көн белән төн тигезләшкән вакытта билгеләп үтәләр. Элек-электән уңыш җыеп алынгач, көзге чәчү төгәлләнгәч кешеләр бу бәйрәмне оештырган. Бәйрәмнең хуҗасы сары чәчле,эшкә уңган Сөмбелә исемле кыз булган. Җырлар, шигырьләр, табышмаклар - барысы да бәйрәмдә яңгырады. Бәйрәм чарасында төрле уеннар һәм конкурслар оештырылды. “Сөмбелә” көз бәйрәме уңышлы узды һәм балаларга бик ошады.
28 сентябрь көнне “Сабатнуй” мәдәни-спорт комплексында “Гаилә җылысы” дип аталган интеллектуаль уен үтте. Уенда Тимершык авылыннан Биктимеровлар-Габдрахмановлар, Хаҗиевлар, Нуруллиннар-Шафиковлар гаиләләре катнашты. Бу чараның төп үзенчәлеге – өч буын: әби-бабай, әти-әни, оныкларның бер команда булуы иде. Аны оештыручылар “Яшьләр узәге” һәм "Хәят" (тормыш) халык инициативаларын үстерү һәм гамәлгә ашыруның коммерциягә карамаган автоном оешмалары.
Һөнәри юнәлеш бирү кысаларында 5 "А" һәм 5 "Б" сыйныф укучылары сыйныф җитәкчеләре Михайлова Н. А һәм Якупова Л.Р. җитәкчелегендә Тимершык авыл җирлеге хакимиятендә булдылар. Җирлек башлыгы Хаҗиев А.Х. авыл тормышы турында сөйләде.
Балалар җирлек башлыгы эшенең нечкәлекләрен белделәр.
Балалар шулай ук Саба ҖЧҖ ашханәсендә булдылар. Пешекче Г.Багданурова экскурия үткәрде.
20 сентябрьдә Тимершык авыл җирлегендә «Милләтләр кроссы 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.
2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота. Бүгенге көндә Тимершык авыл җирлегендә дә шушы программага нигезләнеп 4 йорт төзелеше алып барыла.
Саба муниципаль районы Көек авылы Татарстан урамында ЩПС Республика программасы нигезендә каты өслекле юл җәю эшләре башкарыла. Эшне “МДСУ Балтач” ҖЧҖ башкара.
Миңгәр авылының җирле әһәмияттәге юлында үзара салым хисабына асфальт-бетон катлыклы чокыр ремонты башкарылды . Эшне «МДСУ – 1»ҖЧҖ башкарды.
1 сентябрь көнне Тимершык авылының Киров урамында яшәүче халык, китапханәче белән берлектә, "Уңыш - 2024" дип исемләнгән бәйрәм чарасы үткәрделәр. Алар әлеге көзге уңыш бәйрәменә бакчада үстерелгән яшелчәләрдән төрле әкият геройлары ясап күргәзмә эшләп куйдылар. Күргәзмәгә шулай ук, төрле яшелчә, җиләк - җимешләр , кышка саклау өчен әзерләнгән банкага ябылган ризыклар куелды.Бәйрәм барышында яшелчәләр турында төрле җырлар , шигырьләр башкардылар. Яшелчәләрнең күбесе Кашипова Тәскирә бакчасында үстерелгән муллык иде. Әлеге күңелле бәйрәм чарасы күршеләр белән җыелышып тәмле бәлеш белән сыйланып тәмамланды.
2 нче сентябрьдә Тимершык урта мәктәбендә һәм Миңгәр башлангыч мәктәбендә белем бәйрәменә багышланган тантаналы линейка булып узды.
Тимершык авылы Зарә-тау урамының тау кырыена 6000 мен нарат агачы кәлшәләре утыртылды. Татарстан Республикасы көне уңаеннан бу истәлекле бер чара булып истә калачак.