ЯҢАЛЫКЛАР
Фатих Кәрим - татар совет язучысы һәм шагыйре, патриотик һәм лирик әсәрләр авторы. Иҗатның күпчелек өлеше икенче бөтендөнья сугышына туры килә, анда автор батырларча катнашкан. 20 нче гасырның башы һәм уртасы бөтен дөнья буйлап миллионлаган кешеләр өчен авыр сынаулар белән билгеләнде. Бу кырыс елларда атаклы татар язучысы һәм Бөек Ватан сугышында катнашучы Фатих Вәли улы Кәримовка яшәргә һәм иҗат итәргә туры килә. Әдәбият иҗаты чорның иң мөһим мизгелләрен - 1917 елгы революциядән башлап Икенче бөтендөнья һәм коточкыч сталин репрессияләренә кадәр чагылдырды. 10 гыйнварда клуб мөдире һәм китапханәче Ф.Кәрим шигъриятенә багышланган “Ф.Кәрим иҗаты” поэзиясе кичәсе оештырдылар. Чарада авторның күп кенә шигырьләре яңгырады.
12 гыйнварда Саба балалар сәнгать мәктәбенең актлар залында укытучы Хафизова Ч. Ф. җитәкләгән сыйныф укучыларының яңа ел концерты, сынлы сәнгать сыйныфында укучы балаларның ( укытучылары Газизова Г. Р һәм Галиева Э. Р.) тематик рәсемнәрдән торган күргәзмә булды. Концертта укучылар төрле илләрдә Яңа ел традицияләре һәм гореф-гадәтләре, Европа, Азия, Америкада Яңа елны каршы алу үзенчәлекләре, Россиядә аны бәйрәм итү һәм барлыкка килү тарихы белән таныштылар.
11 январь көнне Саба район үзәк китапханәсендә “Өлкәннәр” клубының актив әгъзасы, Саба районы ветераннар советы рәисе Ильясов Фәнил Ильяс улының 65 яшьлек юбилее уңаеннан, “Яшьнәп үткән гомер” дип аталган портрет-кичә үткәрелде. Фәнил Ильяс улы югары дәрәҗәгә үзенең фидакарь хезмәте белән ирешкән шәхес. Ул бер өлкәдә 40 ел эшләп, хезмәт юлын элемтә сыйфаты буенча оператордан башлап, Саба районы буенча “Россия почта”сы җитәкчесенә кадәр күтәрелгән хөрмәтле кеше. Юбилярга тәбрикләү сүзләрен “Россия почтасы”ның Саба бүлеге начальнигы Заһидуллин Рафиль Рафаэль улы, Саба муниципаль районы халкын социаль яклау бүлеге начальнигы Гайнетдинова Лилия Нургаян кызы, Саба үзәкләштерелгән китапханәләр системасы директоры Билалова Ләйсән Рәкыйп кызы, “Өлкәннәр” клубы әгъзалары җиткерделәр. Саба район мәдәният йорты хезмәткәрләре җырчы Айнур Гәрәев һәм баянист Айнур Габделхаков матур шигырь юллары һәм җыр аша кичәгә ямь өстәделәр. Чара ахырында китапханәчеләр дә Фәнил Ильяс улына якты теләкләрен җиткереп җыр башкардылар.
Тимершык мәдәният йортында һәр елның гыйнвар башында балалар өчен чыршы тирәсендә бәйрәм - Яңа ел бәйрәме һәм балалар өчен җиңелүсез лотерея уза. Клубта чираттагы бәйрәм, китапханә белән берлектә, "Чыршы кунакка чакыра" дигән исем астында узды. Балаларны матур итеп бизәлгән чыршы, Кыш Бабай, Кар Кызы һәм лотерея өчен матур бүләкләр көтә иде. Бәйрәмнең башыннан ук чыршы әйләнәсендә җырлап әйләнделәр, төрле конкурсларда катнаштылар, аның тирәсендә җырладылар һәм биеделәр, аннары балалар Кыш бабайга шигырьләр сөйләде. Төрле төстәге, ялтырап торган гирляндалар һәм якты бизәкле чыршы балаларга могҗиза хисе китерде.
Кышын сәламәтлеккә аеруча игътибарлы булырга кирәк,салкын һавада үзеңне ничек тоту,чыныгу өчен ниләр эшләргә кирәк булуын барлык балалар да белеп бетермиләр.Шуны күздә тотып балалар белән “Сәламәтлек хакында” дип исемләнгән әңгәмә уздырылды. Балалар белән кышкы салкыннарда ничек киенү,чыныктыру үзлегенә ия булган кышкы спорт уеннары хакында әңгәмә уздырылды, китаплар тәкъдим ителде. Соңыннан тау шуарга бардык.
9 гыйнварда укытучы Әхмәтшина З.Р. укучылар белән "Халыкара хореограф көне"нә багышланган әңгәмә үткәрде. Бу бәйрәмне бүген билгеләп үтәләр! Бәйрәм бию сәнгатенең техника, пластикасын саклаучы һәм арттыручы, булачак биючеләрне өйрәтүче кешеләргә багышлана. Киң мәгънәдә "хореография" сүзе астында бүгенге көндә ике өлкә: балет сәнгате һәм бию сәнгате күздә тотыла. Хореограф аерым башкаручының яки төркемнең биюен кую белән шөгыльләнә. Гади телдә әйткәндә, биюче өчен ул чынлыкта тренер булып тора. Укучылар укытучы белән бу темага сөйләштеләр, презентацияне карадылар.
Раштуа-бөтен дөнья буенча миллионлаган кеше өчен елның иң бәхетле, иң матур вакыты. Бу балалар һәм өлкәннәр өчен иң яхшы һәм көтелгән бәйрәм. 7 гыйнварда Иштуган мәдәният йорты һәм китапханә белгечләре "Әкияти Раштуа" театральләштерелгән тамашасы белән балалар чыршысын үткәрделәр. Башта балаларга театральләштерелгән тамаша күрсәтелде. Төрле төстәге, ялтырап торган гирляндалар һәм бизәкле чыршы балаларга могҗиза хисе китерде. Спектакльнең башыннан ук әкият геройлары Убырлы карчык, Кикимора, Аждаһа, Куян һ.б. балаларны Әкиятнең тылсымлы дөньясына җәлеп иттеләр. Балалар бәйрәм маҗаралары атмосферасына чума алдылар, кызыклы конкурсларда катнаштылар. Кыш бабай һәм Кар кызы килгәч, җырлар һәм биюләр, чыршы тирәсендә әйлән –бәйлән белән чын бәйрәм башланды. Клубта һәм китапханәдә ел дәвамында үткәрелә торган чараларда, конкурсларда иң актив катнашучылар Кыш Бабайдан истәлекле бүләкләр алдылар. Балалар һәм ата-аналар уңай эмоцияләр һәм Яңа Ел кәефе белән рухландылар. Ә бәйрәмне оештыручылар өчен Яңа елга иң яхшы бүләк-балаларның һәм рәхмәтле ата-аналарның бәхетле күзләрен күрү иде.
7 гыйнварда Тимершык мәдәният йорты һәм китапханә, Кырбаш һәм Мичәнбаш клуб хезмәткәрләре шәһәр тибындагы Байлар Сабасы бистәсенең үзәк чыршы мәйданында Раштуа көненә күңел ачу кичәсе оештырдылар. Бәйрәм Кыш Бабай, Кар Кызы һәм әкият персонажлары котлаулары белән башланды.Программа кызыклы конкурслардан, төрле уеннардан, җырлардан, биюләрдән һәм викториналардан тора иде. Тамашачылар актив катнаштылар һәм истәлекле бүләкләр алдылар.
Явлаштау авыл китапханәсе, мәдәният йорты белән берлектә, “Кошларга ярдәм итик” дип исемләнгән жимлекләр ясау көне уздырды.Безнең якларда кышлаучы кошлар турында сөйләшкәннән соң балалар жимлекләр ясадылар. Ясалган жимлекне азык салып агачка элдек ,калган жимлекләрне балалар үзләре белән алдылар.Салкын кышкы көннәрдә без салган азыкны ашаган кошлар кышны исән-сау чыгарлар дигән өмет белән калабыз. Мондый чаралар туган якка,табигатькә мәхәббәт тәрбияли.
Шәмәрдән модель китапханәсендә «Дуслык» клубы әгъзалары өчен язучы, шагыйрь Ф.Сафинның 70 еллыгына багышланган әдәби сәгать узды. Ф.Сафин-танылган прозаик, шагыйрь, журналист, филология фәннәре докторы, Татарстанның атказанган мәдәният эшлеклесе, шулай ук А. Алиш, А. Грибоедов исемендәге әдәби премияләр лауреаты, Татарстан Республикасының Габдулла Тукай исемендәге Дәүләт премиясе лауреаты. Очрашу барышында катнашучылар танылган шагыйрьнең тормышы һәм иҗаты белән таныштылар. Иң якты шигырьләр, тормышның төрле чорларында язылган хикәяләр һәм әкиятләрен укыдылар, авторның иң танылган "Гөлҗихан"әсәрен иҗат итү тарихы белән таныштылар.