ЯҢАЛЫКЛАР
Явлаштау авыл китапханәсендә танылган совет язучысы Николай Островскийның тууына 120 еллыгына багышланган китап күргәзмәсе - портреты оештырылды. Аның әсәрләре күп буыннар йөрәгендә тирән эз калдырган. Күргәзмәдә Островский китапларының басмалары, шулай ук аның тормышына һәм иҗат юлына багышланган материаллар тәкъдим ителде. Китапханәче язучының тормышы һәм язмышы турында кызыклы хикәяләр әзерләде, аның шәхси тәҗрибәсе һәм тормышка карашлары әсәрләрендә ничек чагылыш тапканлыгын ассызыклады.
27 сентябрь көнне Саба районы укытучылары район китапханәсендә экскурсиядә булдылар. Кунаклар Марат Әмирхановның Тукайга һәм аның тормышына багышланган «Бибимәмдүдә» китабын тәкъдир итүдә катнаштылар. Чара китапханә белән бәйле истәлекләрне искә алу белән тәмамланды.
27 сентябрьдә Х.һәм А. Вәлиуллиннар исемендәге Саба балалар сәнгать мәктәбенең Шәмәрдән филиалы тынлы уен кораллары бүлеге укытучысы Фатхуллин А. А. үз укучылары өчен "Террорга - юк " темасына мәгълүмат сәгате үткәрде.
Чара барышында укытучы террорчылык актларының тарихи мисалларын китерде, бу укучыларга проблеманың җитдилеген яхшырак аңларга ярдәм итте. Шулай ук экстремизмны булдырмау ысуллары һәм куркынычсызлыкка аңлы мөнәсәбәтнең әһәмияте турында фикер алыштылар.
Укучылар фикер алышуда актив катнаштылар, сораулар бирделәр һәм куркынычсыз җәмгыять булдыру турында үз фикерләре белән уртаклаштылар. Бу чара укучылар өчен террорчылыкка һәм экстремизмга каршы көрәштә бердәмлекнең мөһимлеген ассызыклады.
"Х.һәм А. Вәлиуллиннар исемендәге Саба балалар сәнгать мәктәбе" ндә директор раслаган график нигезендә янгын куркынычсызлыгы буенча күнегүләр үткәрелде. Эвакуация планында күрсәтелгәнчә укучыларны һәм укытучыларны бинадан эвакуацияләү тәртибе, юнәлеше һәм кыскача юллары эшләнде. Өйрәнүләр өчен җаваплы С. Н.Солтанов хезмәткәрләрне һәм укучыларны эвакуацияләүгә һәм шартлы янгынны сүндерүгә йомгак ясады. Тренировка нәтиҗәләре уңай, куелган максатлар һәм бурычларга ирешелде.
Музейларда мастер-классларда булу үз теләкләреңне тормышка ашырырга уникаль мөмкинлек бирә. Саба урман хуҗалыгы тарихы музеенда «Көзге матурлык» дип исемләнгән мастер - класс үткәрелде. Көз төсе-ул хәтта бер төс тә түгел, ә сүзләр белән тасвирлап булмый торган тулы бер палитра. Көзге агачларны һәм үләннәрне буяган гаҗәеп буяулар үзенә бертөрле сөйкемлелек бирә торган күпсанлы төсмерләрне үз эченә ала. Чара барышында катнашучылар чәчәкләрдән һәм яфраклардан көзге композиция ясадылар. Һәр катнашучы табигый материалдан пөхтә һәм эчтәлекле панно ясадылар. Тырышлык һәм фантазия нәтиҗәсендә искиткеч эшләр килеп чыкты, аларны якыннарыңа, туганнарыңа һәм танышларыңа бүләк итеп бирү күңелле булачак.
Саба туган якны өйрәнү музеенда бинаны капиталь ремонтлау эшләре дәвам итә. Ишек кырыйларын һәм тәрәзә төпләрен монтажлау, шулай ук экспозиция модульләрен җыю эшләре алып барыла.
30 сентябрь - Россия белән яңа төбәкләрне яңадан берләштерү көне. 26 сентябрьдә Сатыш авылы мәдрәсә музее хезмәткәре “Болар барысы да - Россия!” темасына 7 сыйныф укучылары өчен акция оештырды. Аның барышында укучылар бу кушылуның нинди сәбәпләр аркасында булуын белделәр, референдум, федерация кебек яңа терминнарны ачыкладылар. Алар кушылган җирләрнең - рус җирләре, ә Херсон һәм Запорожье шәһәрләренең Екатерина II тарафыннан 1778 елда Россиядә кораблар төзү үзәкләре буларак төзелүе, соңрак Луганск һәм Донецк шәһәрләрен барлыкка килүе турында мәгълүмат ишеттеләр. Бу регионнарда яшәүчеләр үзләренең яңадан зур илнең бер өлеше булу теләген белдереп, моның өчен халыкара хокук нигезендә тавыш бирделәр һәм Россия аларның үтенечен кабул итте. Чара ахырында укучылар истәлекле буклетлар алдылар.
Явлаштау авыл китапханәсенең китап бирү пунктында «Туган ягымны яратам» дип исемләнгән мавыктыргыч экскурсия узды.
Экскурсия барышында без балалар белән табигатьнең матурлыгына сокландык, табигатьтәге үзгәрешләрне күзәттек. Табигать турында кызыклы шигырьләр укып алдык, уеннар уйнадык. Искиткеч шатлык һәм яңа ачышлар белән тулы вакыт сизелми дә үтеп китте!
26нчы сентябрь көнне Саба район балалар китапханәсе хезмәткәрләре “Г.Тукай” паркында Саба гимназиясенең 3 “В” сыйныф укучылары өчен “Тукай эзләре буйлап” дип исемләнгән квест-уены үткәрделәр. Укучылар “Г.Тукайның китап битләреннән”, “Г.Тукай турында кызыклы фактлар”, “Сорау миннән, җавап синнән”, “Дөрес яки дөрес түгел” һәм башка мавыктыргыч нокталар буйлап сәяхәт иттеләр. Балалар сынатмыйча, актив җавап биреп,үзләренең белемнәрен һәм осталыкларын күрсәттеләр. Чара “Әдәби алан” проектында катнашучыларны бүләкләү белән тәмамланды.
2024 елның 24 сентябрендә, «Х.һәм А.Вәлиуллиннар исемендәге Саба балалар сәнгать мәктәбенен» укытучылары Газизова Гүзәл Равил кызы һәм Галиева Эльвира Раеф кызы укучылары өчен “Без террорга каршы!” темасына дәрес - әңгәмә үткәрделәр.
Чараның төп максаты - уяулык күрсәтү зарурлыгына игътибарны юнәлтү, теракт шартларында үз-үзеңне тотуның төп кагыйдәләре белән танышу, толерантлык, ватанпәрвәрлек, Ватанга хөрмәт формалаштыру.
Балаларга терроризмның нәрсә булуы, террорчыларның кем булуы турында сөйләнде. Әңгәмә барышында терроризмның кешелекнең глобаль проблемасына әверелүе, аның чагылышларына массакүләм кеше корбаннары китерүе һәм авыр физик һәм психологик җәрәхәтләр китерүе турында барды. Бергәләп, соңгы елларда дөньяда кылынган террорчылык актларын искә төшердек. Конкрет мисалларда берничә хәлне ачыкладык.
Дәрес беткәч, сәнгать бүлеге укытучылары Газизова Гүзәл Равил кызы һәм Галиева Эльвира Раефовна, балалар белән бергә, террорчылык актлары янаганда үз-үзләрен тотышының төп кагыйдәләрен эшләделәр.